2 SAMUEL 10:12 - Edisana ñwed Abasi Ibom

¹² ami nyedi ndinyaŋa fi. Sɔŋ esit, yak nnyin inyuŋ inam nte iren-owo inɔ oruk nnyin, ye mme obio Abasi nnyin: yak Jehovah onyuŋ anam nte enye amade.

2 SAMUEL 10:12 ပူးပေါင်းရင်းမြစ်များ

2 SAMUEL 10:11

Ndien enye ɔdɔhɔ ete, Syria ama ɔsɔŋ akan mi, di nyaŋa mi: ndien, nditɔ Ammon ema esɔŋ ekan fi,

2 SAMUEL 15:26

edi edieke enye ɔdɔhɔde ntem, ete, Mmaŋa fi: se mi mi, yak enye anam mi nte enye amade.

1 CHRONICLES 19:13

Sɔŋ esit, yak nnyin idaha uko ibaŋa oruk nnyin ye mme obio Abasi nnyin; yak Jehovah onyuŋ anam se enye amade.

2 CHRONICLES 32:7

Mbufo esɔŋ esit, esɔŋ idem, ekudikhe, idem okukpa mbufo ke iso edidem Assyria, ye ke iso ofuri otu mmɔ emi edude ye enye; koro eke edude ye nnyin ekponde ekan eke edude ye enye;

NEHEMIAH 4:14

Ndien ŋkut, nnyun ndaha ke enyɔŋ, nnyuŋ ndɔhɔ mbɔŋ, ye mme ebiere-ikpe, ye kpukpru mmɔ efen, nte, Mbufo ekufehe mmɔ: mbufo eti Ɔbɔŋ emi okponde, onyuŋ enyenede uteŋe, ndien eŋwana ekɔŋ enɔ nditɔ-ete mbufo, ye nditɔ-iren mbufo, ye nditɔ-iban mbufo, ye iban mbufo, ye mme ufɔk mbufo.

NEHEMIAH 4:8

Ndien kpukpru mmɔ ediomi kiet ye eken, ete ika ikaŋwana ye Jerusalem, inyuŋ inam enye idiɔk-ŋkpɔ.

ESTHER 4:16

Ka kobon kpukpru mme Jew emi edude ke Shushan, mbufo enyuŋ etre udia ebaŋa mi, ekunyuŋ edia ŋkpɔ, ekunyuŋ eŋwɔŋ ke usen ita, ke okoneyo, ye ke uwemeyo, ami ye nditɔ-iban mi ŋko iyetre udia kpa ntre; ndien ntem ke ndiduk ke ɔtɔ edidem, eke misaŋake ke ewuhɔ; ndien mma ŋkpa yak ŋkpa.

ŊWED JOB 1:21

Enye onyuŋ ɔdɔhɔ ete: Ŋkoto iferi ke idibi eka mi ŋwɔrɔ, nyenyuŋ mfiak do iferi: edi Jehovah ɔkɔnɔ, Jehovah onyuŋ ɔbɔ; ekɔm enyiŋ Jehovah.

NUMBERS 13:20

Ye isɔŋ ŋko nte etiede, mme edi nsek isɔŋ, mme edi idiɔk, mme akai edu ke esit, mme iduhe. Mbufo enyuŋ esɔŋ esit, enyuŋ eda mfri isɔŋ oro edi. Ndien ini oro edi ini emi akpa grape adatde.

1 ŊWED CORINTH 16:13

Edu ke ukpeme; esɔŋɔ eda ke mbuɔtidem; enam ŋkpɔ nte iren-owo; ekop odudu.

DEUTERONOMY 31:6

Mbufo esɔŋɔ idem, enyuŋ enyene esit, ekudikhe, ekunyuŋ ebak mmɔ: koro edi Jehovah Abasi fo asaŋa ye afo: enye idikpɔŋke fi, idinyuŋ iduɔkke fi.

DEUTERONOMY 31:7

Ndien Moses okot Joshua, onyuŋ ɔdɔhɔ enye ke iso ofuri Israel, ete, Sɔŋɔ idem, nyuŋ nyene esit: koro afo edisaŋade ye mbon emi aka isɔŋ emi Jehovah ɔkɔŋwɔŋɔde ɔnɔ mme ete mmɔ ete iyenɔ mmɔ; afo eyenyuŋ edeme enye ɔnɔ mmɔ.

MME HEBREW 11:33

ye mme prophet; emi ekedade mbuɔtidem ekan mme idut, enam edinen ido, ebɔ mme uŋwɔŋɔ, ekibi mme lion inua, enime ide ikaŋ,

MME HEBREW 13:6

Ntre ke nnyin imekeme ndisɔŋɔ esit ndɔhɔ ete, Jehovah edi Andiŋwam mi, ndifeheke ndik: Nso ke owo edikeme ndinam mi?

JOSHUA 1:18

Kpukpru owo eke edimiomde uyo fo, midinyuŋ ikopke ikɔ fo, ke kpukpru se afo editemede mmɔ, eyekpaŋa: edi kam sɔŋ ubɔk nyuŋ sɔŋ esit.

JOSHUA 1:9

onyuŋ otim anam. Nte idige ami nteme fi? sɔŋ ubɔk, nyuŋ sɔŋ esit; kudige, kunyuŋ uyak esit ɔduɔ fi: koro Jehovah Abasi fo odude ye afo ke kpukpru ŋkpɔ eke afo akade.

JUDGES 10:15

Ndien nditɔ Israel edɔhɔ Jehovah, ete, Nnyin ima inam idiɔk ido: nam nnyin ŋkpɔ ekededi eke afo amade; edi, mbɔk, kam nyaŋa nnyin mfin emi.

1 SAMUEL 14:12

Ndien mbon-ekɔŋ oro edɔhɔ Jonathan ye andibiom ŋkpɔ-ekɔŋ esie, ete, Mbufo edɔk etiene nnyin, ndien nnyin iyewut mbufo ŋkpɔ. Ndien Jonathan ɔdɔhɔ andibiom ŋkpɔ-ekɔŋ esie, ete, Tiene mi dɔk, koro Jehovah adade mmɔ esin Israel ke ubɔk.

1 SAMUEL 14:6

Ndien Jonathan ɔdɔhɔ akparawa oro obiomde ŋkpɔ-ekɔŋ esie, ete, Di, yak nnyin ibe ika ke itie mbon-ekɔŋ mme edut emi: ndusuk Jehovah eyenam ŋkpɔ ɔnɔ nnyin: koro ŋkpɔ baba kiet mikpanke Jehovah ndida uwak mme esisit nnyaŋa.

1 SAMUEL 17:32

Ndien David ɔdɔhɔ Saul, ete, Kuyak esit ɔduɔ baba owo kiet abaŋa enye; owo fo eyeka akaŋwana ye Philistine emi.

1 SAMUEL 3:18

Ndien Samuel emen kpukpru ikɔ oro etiŋ ɔnɔ enye, inyuŋ idipke enye baba kiet. Ndien enye ɔbɔrɔ ete, Ke edi Jehovah: yak enye anam se ifɔnde enye ke enyin.

1 SAMUEL 4:9

Mbufo mme Philistine, esɔŋɔ idem, enyuŋ edi iren-owo, mbak edikabare edi ifin mme Hebrew, kpa nte mmɔ ekedide ifin mbufo: edi iren-owo, ndien, enyuŋ eŋwana ekɔŋ.