2 SAMUEL 1:23 - Edisana ñwed Abasi Ibom

²³ Saul ye Jonathan ema, enyuŋ enem, kiet eken ke uwem mmɔ, ndien ibahakede mmɔ ke mkpa mmɔ: mmɔ esɔsɔp ekan ntrukpom, esɔŋ idem ekan lion.

2 SAMUEL 1:23 ပူးပေါင်းရင်းမြစ်များ

2 SAMUEL 1:24

Mbufo, nditɔ Israel iban, etua Saul eyet, emi ekesinde mbufo ididuot ɔfɔŋ ye ŋkpɔ inemesit ke idem; emi ɔkɔkɔnɔde ɔfɔŋidem mbufo ŋkpɔ mbana o gold.

2 SAMUEL 2:18

Nditɔ Zeruiah ita enyuŋ edu do ŋko, Joab, ye Abishai, ye Asahel: Asahel onyuŋ ɔsɔp ukot nte edop kiet ke otu edop ikɔt.

2 SAMUEL 23:20

Ndien Benaiah eyen Jehoiada, eyen owo uko kiet, emi okotode ke Kabzeel, emi akanamde ediwak ŋkpɔ ndyɔ, enye owot owo Moab iba emi ebietde lion: onyuŋ ɔsuhɔre okowot lion kiet ke esit obube ke ini snow:

1 CHRONICLES 12:8

Ekem ndusuk nditɔ Gadite, mbon uko, mbon udim-ekɔŋ emi etimde efiɔk otu-ekɔŋ ye eduat, emi iso mmɔ ebietde eke lion, enyuŋ esɔp ukot nte edop ke ikpɔ obot, edianare idem mmɔ etiene David ke ɔkpɔsɔŋ ebiet ke wilderness;

ŊWED JOB 9:26

Mmɔ esaŋa ebe nte ubom ŋkukop: nte ntrukpom ɔduɔde ke unam.

MME ŊKE 30:30

Lion edi ɔkpɔsɔŋ ke otu mme unam, baba kiet inyuŋ isinke enye afiak edem;

IKWƆ SOLOMON 5:16

Inua esie eniŋe eti-eti: ofuri idem esie onyuŋ enem akan. Emi edi ama mi, emi onyuŋ edi ufan mi, O nditɔ-iban Jerusalem.

JEREMIAH 4:13

Sese, enye eyedɔk nte mbubit enyɔŋ, mme chariot esie eyenyuŋ ebiet oyobio: horse esie esɔp ukot nte ntrukpom.

ŊWED ESEME 4:19

Mmɔ emi ebinede nnyin esɔp ukot ekan ntrukpom enyɔŋ: mmɔ esɔp ebine nnyin ke enyɔŋ ikpɔ obot, edibe ebet nnyin ke wilder-ness.

DEUTERONOMY 28:49

Jehovah eyeda idut ke anyan ebiet, ke utit ererimbot, etiene fi, kpa nte ntrukpom efede; idut eke afo mudukopke usem mmɔ;

JUDGES 14:18

Ekem mbio-obio edɔhɔ enye ke ɔyɔhɔ usen itiaba, ke eyo mika-ikutke kaŋa, ete, Nso ŋkpɔ eniŋe akan aran-ɔkwɔk? Nso ŋkpɔ onyuŋ ɔsɔŋ akan lion? Ndien enye ɔdɔhɔ mmɔ, ete, Ke mbufo mikpedaha uman enaŋ mi ifuŋ isɔŋ, ikpesiakke ŋke mi.

1 SAMUEL 18:1

EDIKEM adaŋemi enye ama ɔkɔdɔhɔ ye Saul ama, ukpɔŋ Jonathan eyire ye ukpɔŋ David, Jonathan onyuŋ ama enye nte ukpɔŋ esiemo.

1 SAMUEL 20:2

Ndien enye ɔbɔrɔ enye, ete, Nsa fo O: udukpaha kpa: sese, ete mi inamke ŋkpɔ, edide akamba, onyuŋ edide ekpri, ke miyarakede enye ke utɔŋ mi: ndien ete mi akpanam didie edip mi ŋkpɔ emi? ikemke ntre.