2 PETER 3:7 - Edisana ñwed Abasi Ibom

⁷ Edi ama edi ikpa-enyɔŋ ye isɔŋ emi edude ke emi, ikɔ Abasi okomum mmɔ onim ɔnɔ ikaŋ; ekpeme mmɔ enim enɔ usen eke Abasi edikpede ikpe ye mmɔ emi mibakke Enye, edinyuŋ osobo mmɔ.

2 PETER 3:7 ပူးပေါင်းရင်းမြစ်များ

ŊWED MME PSALM 102:26

Mmɔ eyesobo, edi afo eyebigi; ndien kpukpru mmɔ eyetaha nte ɔfɔŋidem; afo eyekpuhɔ mmɔ nte ekura, ndien mmɔ eyekpuhɔ:

ŊWED MME PSALM 50:3

Abasi nnyin eyedi, idinyuŋ idopke uyo: ikaŋ eyebem enye iso ata, oyobio onyuŋ ofime ɔkpɔsɔŋ akan enye okuk.

ISAIAH 51:6

Mbufo emenere enyin mbufo ke enyɔŋ, enyuŋ ese isɔŋ ke idak; koro enyɔŋ eyesuana nte nsuŋikaŋ, isɔŋ eyenyuŋ ataha nte ɔfɔŋidem, ndien mme andiduŋ enye eyekpaŋa ŋko kpasuk ntre: edi erinyaŋa mi eyebigi ke nsinsi, eti ido mi idinyuŋ inuahake.

ISAIAH 66:15

Koro, sese, Jehovah eyedi ke ikaŋ, mme chariot esie eyenyuŋ edi nte oyobio ndikabare iyaresit edi ifiopesit, nnyuŋ ŋkabare nduari esie edi edemikaŋ.

DANIEL 7:9

Ŋkut tutu ebekpo ediɔhɔ, andisɔŋɔ usen onyuŋ etie, edisine-ŋkpɔ esie edi afia nte snow, idet ibuot esie onyuŋ ebiet edisana idet erɔŋ: ebekpo esie ebiet edemikaŋ, mme wheel esie edi ikaŋ eke asakde.

ZEPHANIAH 3:8

Jehovah ɔdɔhɔ, ete, Mbufo ebet mi ndien, tutu osim ke usen eke ndidahade ke enyɔŋ nda mbume. Koro mmaduak ndisop mme idut, nnyuŋ mbon mme obio ndidem, man ŋŋwaŋa mmɔ ifuresit mi ke idem, ofuri ikaŋ iyaresit mi: koro ofuri ererimbot eyeta ikaŋ ufup mi.

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

MATTHEW 10:15

Ke akpanikɔ ke ndɔhɔ mbufo, Ŋkpɔ eyefɔn ye isɔŋ Sodom ye Gomorrah ke usen ikpe akan ye obio oro.

MATTHEW 11:22

Edi ndɔhɔ mbufo nte, Ŋkpɔ eyefɔn ye Tyre ye sidon ke usen ikpe akan ye mbufo.

MATTHEW 11:24

Edi ndɔhɔ mbufo nte, Nkpɔ eyefɔn ye isɔŋ Sodom ke usen ikpe akan ye afo.

MATTHEW 12:36

Mmonyuŋ ndɔhɔ mbufo nte, Ke usen ikpe mme owo eyenɔ mbuk ebaŋa kpukpru ikpikpu ikɔ eke mmɔ etiŋde.

MATTHEW 24:35

Enyɔŋ ye isɔŋ eyebe efep, edi ikɔ Mi idibehe ifep.

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

MARK 6:11

Ndien ebiet ekededi eke midinyimeke ndidara mbufo, minyuŋ ikopke uyo mbufo, nte mbufo ewɔŋɔde do, ekeŋ ntan ikpat mbufo enɔ mmɔ nte ŋkpɔ ntiense.

JOHN 12:48

Owo eke esinde Mi, onyuŋ etrede ndibɔ ikɔ Mi nda, enyene andibiere-ikpe esie: ikɔ eke ŋketiŋde, kpa ikɔ oro edibiere ikpe ɔnɔ enye ke akpatre usen.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

1 ŊWED CORINTH 3:13

utom kpukpru owo kiet kiet eyeyarare; koro usen oro eyewut enye, koro usen oro edisierede ke ikaŋ; ikaŋ eyenyuŋ odomo se kpukpru owo ekanamde owut oruk utom eke edide.

ŊWED MBON PHILIPPI 1:28

mme asua mbufo ekusin mbufo ndik ke idem ke baba ŋkpɔ kiet: emi edinyuŋ edide idiɔŋɔ nsobo ɔnɔ mmɔ, edi edidi idiɔŋɔ erinyaŋa ɔnɔ mbufo; idiɔŋɔ oro onyuŋ oto Abasi.

2 ŊWED THESSALONICA 2:3

Ekuyak owo abiaŋa mbufo ke baba usuŋ kiet; koro usen oro ididige, tutu mfiak-edem ebem iso odu, owo eke edide ata abiat-ibet onyuŋ ayarare idem,

1ŊWED TIMOTHY 6:9

Edi mmɔ eke eyomde ndidi mbon inyene eduɔ esine ke idomo ye afia ye ediwak ndisime ye idiɔk udɔŋ, eke edudide owo esuhɔre ke nditaha ye nsobo.

MME HEBREW 12:29

Koro Abasi nnyin edi ikaŋ eke atade ta.

2 PETER 2:9

Ɔbɔŋ ɔmɔfiɔk ndinyaŋa mmɔ emi eteŋede Enye nsio ke idomo, ndinyuŋ mmum mme idiɔk owo nnim ke itie ufen, tutu osim usen ikpe;

2 PETER 3:10

Edi Usen Ɔbɔŋ edibuat nte inɔ; ke usen oro ikpa-enyɔŋ eyebe efep ye akamba uyom, se edade ebot ererimbot eyenyuŋ etara ke ɔkpɔsɔŋ ufiop, ndien isɔŋ ye kpukpru utom eke enamde ke esit eyeta ikaŋ ebiara.

2 PETER 3:12

mbufo emi etiede ebet enyuŋ esɔŋɔde eyom eridi Usen Abasi, kpa usen oro edisinde ikpa-enyɔŋ atara ke ikaŋ, edinyuŋ esinde se edade ebot ererimbot atara ke ɔkpɔsɔŋ ufiop.

1 JOHN 4:17

Ima ɔwɔrɔ ɔfɔn ama ke esit nnyin ntem, ete nnyin inyene uko ke usen ikpe; koro nte Enye odude uwem ke ererimbot emi, kpa ntre ke nnyin inyuŋ idu.

JUDE 1:7

Kpasuk ntre ŋko ke Enye ama osio Sodom ye Gomorrah ye ŋkpet-ŋkpet obio eken, emi ekonyuŋ etienede mmɔ esin idem ke use ye ido eke mikemke, onim nte uwut-ŋkpɔ, mmɔ enyuŋ ekut ufen nsinsi ikaŋ.

ERIYARARE 17:11

Ama edi unam emi ama odu, minyuŋ iduhe aba, enye edi ɔyɔhɔ itiaita; enye onyuŋ edi kiet ke otu itiaba oro; ndien aka nsobo.

ERIYARARE 17:8

Unam oro okutde ama odu, inyuŋ iduhe; edi ɔmɔŋ edito ke akwa ukpe ɔdɔk edi, onyuŋ ebe oduk ke nsobo. Idem eyekpa kpukpru mme andiduŋ ke isɔŋ, kpukpru mmɔ eke mikewetke enyiŋ mmɔ isin ke ŋwed uwem toto nte ekebotde ererimbot, ke ini mmɔ esede unam oro, ete ama odu, inyuŋ iduhe, edi ɔmɔŋ edidu mi.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.

ERIYARARE 21:1

EKEM ŋkut obufa enyɔŋ ye obufa isɔŋ; koro akpa enyɔŋ ye akpa isɔŋ ema ebe efep, inyaŋ ibom inyuŋ iduhe aba.