2 PETER 3:2 - Edisana ñwed Abasi Ibom

² nte, mbufo eti ikɔ emi ndisana prophet ekebemde iso etiŋ, ye item Ɔbɔŋ ye Andinyaŋa nnyin emi otode mme apostle mbufo osim mbufo.

2 PETER 3:2 ပူးပေါင်းရင်းမြစ်များ

LUKE 1:70

(Kpa nte Enye akadade inua nti prophet Esie etiŋ toto ke eritɔŋɔ ererimbot),

LUKE 24:27

Ndien Enye ɔtɔŋɔ ke Moses ye kpukpru mme prophet asian se eketiŋde ebaŋa Enye ke Idem Esie ke ofuri Ŋwed Abasi ɔnɔ mmɔ.

LUKE 24:44

Enye onyuŋ ɔdɔhɔ mmɔ ete, Emi edi ikɔ eke ŋketiŋde ye mbufo, ke adaŋemi ŋkodude ye mbufo; nte kpukpru se ekewetde ebaŋa Mi ke ibet Moses ye mme prophet ye mme psalm enyene ndisu.

UTOM MME APOSTLE 10:43

Kpukpru mme prophet eketiŋ ikɔ nte ntiense ebaŋa Enye, ete, owo ekededi eke ɔbuɔtde idem ye Enye eyebɔ erifen mme idiɔk-ŋkpɔ ke enyiŋ Esie.

UTOM MME APOSTLE 28:23

Ntre ke mmɔ emek usen enim enɔ enye, enyuŋ esaŋa uwak-uwak edi ke ebiet emi enye odude. Ndien tɔŋɔ usenubɔk tutu mbubreyo, enye aŋwaŋade ŋkpɔ ɔnɔ mmɔ, ɔkwɔrɔ Ubɔŋ Abasi, onyuŋ osioŋo ikɔ ke ibet Moses ye mme-prophet, aŋwana ndiwɔŋɔre mmɔ esit mbaŋa Jesus.

UTOM MME APOSTLE 3:18

Edi ke usuŋ emi, Abasi anam se Enye ekebemde iso ada inua kpukpru mme prophet etiŋ osu, ete Christ Imɔ eyekut ukut.

UTOM MME APOSTLE 3:21

emi heaven enyenede ndibɔ kaŋa ŋkama, tutu osim ini emi edinamde kpukpru ŋkpɔ etɔŋɔ ntak efɔn ema, kpa ini emi Abasi eketiŋde abaŋa enye ke inua ndisana prophet Esie, emi ekodude toto ke eritɔŋɔ ererimbot

ŊWED MBON GALATIA 6:2

Ebiom mbiomo kiet eken; ntem ke mbufo edinim ibet Christ.

ŊWED MBON EPHESUS 2:20

ema ebɔp mbufo edori kenyɔŋ ukot-ufɔk emi edide mme apostle ye mme prophet, Christ Jesus ke Idem Esie onyuŋ edi akan itiat inuk:

ŊWED MBON EPHESUS 3:5

emi nditɔ owo mikɔfiɔkke ke mme eyo oko, nte Spirit ama ayarare enye ke emi ɔnɔ nti apostle ye prophet;

1ŊWED TIMOTHY 6:14

mmowuk fi nte, onim item emi anana ndo, onyuŋ anana se etiŋde edian enye, tutu osim eribiɔŋɔre Ɔbɔŋ nnyin Jesus Christ;

2 PETER 2:21

Ɔkpɔfɔn ye mmɔ ndikpetre ndifiɔk usuŋ edinen ido akan ndifiɔk mma, ndien ndiwɔŋɔre ŋkpɔŋ edisana ibet eke enɔde mmɔ.

2 PETER 3:15

Enyuŋ eda ete, anyan ime Ɔbɔŋ nnyin ɔwɔrɔ erinyaŋa; kpa nte edima eyen-ete nnyin Paul adade ifiɔk eke enɔde enye ewet ɔnɔ esɔk mbufo;

2 PETER 3:16

onyuŋ ewetde ke kpukpru ŋwed esie, etiŋ abaŋa mme ŋkpɔ emi. Ndusuk ŋkpɔ edu ke mme ŋwed oro eke ɔsɔŋde owo nditim mfiɔk, ndien mbon ndisime ye mbon unana iwuk eyurɔre mme ikɔ oro enim eda esobo idem mmɔ, kpa nte mmɔ enamde ye ikɔ Abasi eŋwen.

1 JOHN 4:6

Nnyin idi nditɔ Abasi; owo eke ɔfiɔkde Abasi ɔbiɔŋ utɔŋ okop ikɔ nnyin; edi owo eke midige owo Abasi ikopke ikɔ nnyin. Nnyin ida emi ifiɔk spirit akpanikɔ ye spirit ndudue.

JUDE 1:17

Edi ndima mi, mbufo eti ikɔ eke mme apostle Ɔbɔŋ nnyin Jesus Christ ekebemde iso etiŋ;

ERIYARARE 19:10

Ndien nduɔ Enye ke ukot, nte ntuak ibuot nnɔ enye. Edi enye ɔdɔhɔ mi ete, Kunam: ndi asaŋutom ye afo ye nditɔ-ete fo emi enyenede ikɔ-ntiense Jesus: tuak ibuot nɔ Abasi. Koro ikɔ-ntiense Jesus edi spirit prophecy.