2 PETER 3:16 - Edisana ñwed Abasi Ibom

¹⁶ onyuŋ ewetde ke kpukpru ŋwed esie, etiŋ abaŋa mme ŋkpɔ emi. Ndusuk ŋkpɔ edu ke mme ŋwed oro eke ɔsɔŋde owo nditim mfiɔk, ndien mbon ndisime ye mbon unana iwuk eyurɔre mme ikɔ oro enim eda esobo idem mmɔ, kpa nte mmɔ enamde ye ikɔ Abasi eŋwen.

2 PETER 3:16 ပူးပေါင်းရင်းမြစ်များ

GENESIS 49:4

Ofofut nte mmɔŋ, uduforoke; koro afo ɔkɔdɔkde ke bed usɔ; ke ini oro afo asabade enye. Enye ɔkɔdɔk ke mbri mi!

1 NDIDEM 10:1

EKEM ɔbɔŋ aŋwan Sheba okop etop Solomon emi otode enyiŋ Jehovah, ndien aka okodomo enye ke ŋke.

ŊWED MME PSALM 56:5

Mmɔ eyut ikɔ mi ofuri usen: kpukpru se mmɔ ekerede ebaŋa mi, emediɔk.

EXODUS 23:2

Kutiene ediwak owo edem uka udiɔk; kunyuŋ ubɔrɔ ke ikpe uwaha utiene ediwak owo edem, man akwaŋa ikpe:

EXODUS 23:6

Kukwaŋa ikpe ubuene fo ke ikɔ esie.

JEREMIAH 23:36

Ndien mbufo iditiŋke aba uyo Jehovah: koro ikɔ owo eyedi uyo (Jehovah) esie; ndien mbufo emeyut ikɔ Abasi uwem, kpa eke Jehovah mme udim, Abasi nnyin.

HABAKKUK 1:4

Oro esin ibet okpu, ikpe inyuŋ iwɔrɔke nte asaŋade ye akpanikɔ: koro mme idiɔk owo ekande nti owo ekuk; mmɔdo edikwaŋa ikpe ɔwɔrɔde.

MATTHEW 15:3

Edi Jesus ɔbɔrɔ mmɔ ete, Nsinam mbufo nde edade item mbufo ebiat ibet Abasi?

MATTHEW 15:6

Ntre ke mbufo ema enam ikɔ Abasi akabare edi ikpikpu kabaŋa item mbufo.

MATTHEW 22:29

Edi Jesus ɔbɔrɔ mmɔ ete, mbufo emedue, koro mbufo mifiɔkke ŋwed Abasi ye odudu Abasi.

DEUTERONOMY 16:19

Kuyut ikpe; kuteŋe owo enyin, kunyuŋ ubɔ enɔ: koro enɔ editibide mme enyene ibuot owo enyin, onyuŋ akwaŋde ikɔ owo eke enende.

ŊWED MBON PHILIPPI 3:19

Nsobo eyedi utit mmɔ, idibi mmɔ edi abasi mmɔ, mmɔ eseŋ ke se isuenede mmɔ, mmɔ ekere ŋkpɔ isɔŋ emi.

MME HEBREW 5:11

Nnyin imenyene ediwak ikɔ nditiŋ mbaŋa ŋkpɔ emi, eke esɔŋde ndisiak, sia utɔŋ mbufo ema ekabare edobi.

JAMES 1:8

enye edi owo esit iba, eke minyeneke nsɔŋɔ-nda ke kpukpru usuŋ esie.

1 PETER 1:1

PETER, emi edide apostle Jesus Christ, ewet ŋwed emi ɔnɔ esɔk mmɔ emi esuanade eduŋɔ ke Pontus ye Galatia ye Cappadocia ye Asia ye Bithynia;

1 PETER 2:8

Ye, Itiat utuaha ye akwa itiat eke esinde owo eduɔŋɔ. Mmɔ etuak ukot, koro mmɔ misukke ibuot inɔ ikɔ Abasi; oro onyuŋ edi se inade inɔ mmɔ.

2 PETER 2:1

EDI mme prophet abiaŋa ema enyuŋ ebiɔŋɔre ke otu mbio-obio, kpa nte abiaŋa-abiaŋa mme anditeme edinyuŋ edude ke otu mbufo; mmɔ edisaŋa ndibe-ndibe, eda esen ukpep-ŋkpɔ eke osobode ukpɔŋ owo eduk etiene mbufo, edinyuŋ ekaŋ kpa Ɔbɔŋ emi akafakde mmɔ, edinyuŋ esin nsobo abuat idem mmɔ.

2 PETER 2:14

Enyin mmɔ eyɔhɔ ye efibe, mmɔ inyuŋ itreke ndinam idiɔk; mmɔ etap owo emi enanade iwuk; esit mmɔ emehe ye mbumek; mmɔ edi nditɔ isuŋi.

2 PETER 3:14

Mmɔdo ndima, sia mbufo etiede ebet mme ŋkpɔ emi, enyene ifik ndien, man Enye okposim mbufo nte etiede ke emem, enana ntɔi, enyuŋ enana ndo ke enyin Esie.

2 PETER 3:2

nte, mbufo eti ikɔ emi ndisana prophet ekebemde iso etiŋ, ye item Ɔbɔŋ ye Andinyaŋa nnyin emi otode mme apostle mbufo osim mbufo.

JUDE 1:4

Koro ndusuk owo ema edɔŋ ikpat ndibe-ndibe eduk ke otu mbufo, kpa mmɔ emi ekenimde mmɔ enɔ ubiom-ikpe emi toto ke eset; owo eke miteŋeke Abasi, enyuŋ ewɔŋɔrede mfɔn Abasi nnyin esin ke obukpo uwem, enyuŋ ekaŋde Jesus Christ emi edide ukure Ete-ufɔk ye ɔbɔŋ nnyin.