2 PETER 3:15 - Edisana ñwed Abasi Ibom

¹⁵ Enyuŋ eda ete, anyan ime Ɔbɔŋ nnyin ɔwɔrɔ erinyaŋa; kpa nte edima eyen-ete nnyin Paul adade ifiɔk eke enɔde enye ewet ɔnɔ esɔk mbufo;

2 PETER 3:15 ပူးပေါင်းရင်းမြစ်များ

1 NDIDEM 3:12

sese, mmanam ke uyo fo: sese, mmɔnɔ fi esit ifiɔk ye ɔniɔŋ; ndien baba owo kiet eke ebietde fi idinyuŋ itieneke fi edem idaha ida.

1 NDIDEM 3:28

Ekem ofuri Israel ekop ikpe oro edidem ekekpede; ndien mmɔ eteŋe edidem; koro ekutde ete ke ifiɔk Abasi odu enye ke esit, ke erikpe ikpe.

1 NDIDEM 4:29

Ndien Abasi ɔnɔ Solomon eti ibuot ye asian eti-eti, ye ɔniɔŋ esit, nte ntan emi odude ke mben inyaŋ.

EZRA 7:25

Ndien afo Ezra, da ifiɔk Abasi fo emi odude fi ke idem, nim mme ebierikpe, ye mme ekpe-ikɔ eke edikpede ikɔ kpukpru owo emi edude ke edem akpa oko, kpa kpukpru owo eke efiɔkde mbet Abasi fo, ndien mbufo esian mmɔ eke mifiɔkke.

EXODUS 31:3

mmonyuŋ nsin enye spirit Abasi ke idem nyɔhɔ, ke eti ibuot, ye ke asian, ye ifiɔk, ye kpukpru oruk usɔ,

EXODUS 31:6

Ndien ŋko, sese, ami mmada Oholiab, eyen Ahisamach, owo esien Dan, ndian ye enye; mmonyuŋ nsin ifiɔk ke esit kpukpru mbon ifiɔk, man mmɔ enam kpukpru se ŋkɔdɔhɔde fi;

EXODUS 35:31

ke esien Judah: omonyuŋ esin enye spirit Abasi ke esit ɔyɔhɔ, ke eti ibuot, ye ke ɔniɔŋ, ye ke ifiɔk, ye kpukpru oruk ubɔk usɔ:

EXODUS 35:35

ke esit, nditeme (owo efen). Enye emesin mmɔ mbufiɔk ke esit ɔyɔhɔ, man enam kpukpru oruk utom, eke odom-utim, ye eke owo usɔ, ye eke atuak awawa, ye purple, ye ididuot, ye eti linen, ye eke ɔdɔk-ɔfɔŋ, ye eke mmɔ eke enamde kpukpru ubɔk-utom, ye eke mmɔ eke etibide ŋkari usɔ.

ECCLESIASTES 2:26

Koro enye (Abasi) adade eti-ibuot, ye ifiɔk, ye idaresit, ɔnɔ owo eke ɔfɔnde enye ke iso: edi ama edi idiɔk owo, Enye ɔnɔ enye utom ete ɔkɔ, onyuŋ obon, man ada ɔnɔ owo eke ɔfɔnde Abasi ke iso. Emi onyuŋ edi ikpikpu ye idomo eke miwɔrɔke usuŋ.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

UTOM MME APOSTLE 15:25

emi nnyin mikɔnɔŋɔ mmɔ uyo; nnyin ikut ite ɔfɔn, ke emi inyenede ekikere kiet ibaŋa ŋkpɔ emi, ndimek owo ndɔŋ mmɔ do ye ndima ufan nnyin Barnabas ye Paul,

UTOM MME APOSTLE 7:10

edi Abasi odu ye enye, onyuŋ anyaŋa enye osio ke kpukpru ukut esie, onyuŋ ɔnɔ enye mfɔn-iso ke iso Pharaoh edidem Egypt, onyuŋ anam enye ɔwɔrɔ ɔniɔŋ; Pharaoh onyuŋ onim enye ke andikara Egypt ye ofuri ufɔk esie.

UTOM MME APOSTLE 9:17

Ntre ke Ananias adaha, aka okoduk ke ufɔk oro, onyuŋ odori Saul ubɔk, ete, Eyen-ete mi Saul, Ɔbɔŋ Jesus, emi okowutde fi idem nte asaŋade ke usuŋ edi, ke ɔdɔŋ mi ndi man afo okut usuŋ onyuŋ ɔyɔhɔ ye Edisana Spirit.

ŊWED MBON ROME 2:4

Midige, mme esin uwak mfɔnido ye ndidop ye anyan ime Esie ke ndek, ke mufiɔkke ete mfɔnido Abasi ada fi oduk ke erikabare esit?

1 ŊWED CORINTH 12:8

Enɔ owo kiet ikɔ ɔniɔŋ, oto ke Spirit;

1 ŊWED CORINTH 2:13

Nnyin ineme nneme mme ŋkpɔ emi; edi nnyin idaha usem eke eti ibuot owo ekpepde ineme, edi usem eke spirit ekpepde; nnyin ida usem spirit isiak ŋkpɔ spirit.

1 ŊWED CORINTH 3:10

Nte mfɔn emi Abasi ɔkɔnɔde mi edide, nte etubom ubɔp-ufɔk emi enyenede eti ibuot, mma nnim itiat-ukot-ufɔk, owo efen ke onyuŋ ɔbɔp odori ke esit. Edi ɔfɔn kpukpru owo ekpeme se mmɔ ebɔpde edori ke esit.

ŊWED MBON EPHESUS 3:3

adaŋa nte akayararede ndibe-ŋkpɔ ɔnɔ mi, nte mma mbem iso ŋwet ibio-ibio:

1ŊWED TIMOTHY 1:16

Edi eketua mi mbɔm ke ntak emi, man Jesus Christ akpada mi, nte akan idiɔk owo, ayarare ofuri anyan ime Esie, onyuŋ onim ete, nda ke ibuot mmɔ emi editienede ebuɔt idem ye enye ekosim uwem nsinsi.

JAMES 1:5

Edi edieke owo mbufo ekededi ananade eti ibuot, yak enye ebeŋe Abasi, emi ɔnɔde kpukpru owo ke ntarubɔk, minyuŋ itɔhɔke owo; ndien Abasi eyenɔ enye.

JAMES 3:17

Edi eti ibuot emi otode ke enyɔŋ edi edisana ke mbemiso, onyuŋ etie emem-emem, onyuŋ eme ime, awara ndikop mkpe-ubɔk, onyuŋ ɔyɔhɔ ye mbɔm ye nti mfri; edi se itode ofuri esit, ye se minyeneke mbubik.

1 PETER 3:20

kpa mmɔ emi eketutde utɔŋ ke eyo oko, ke adaŋemi anyan ime Abasi etiede ebet ke eyo Noah, tutu ema ebɔp ark, eke owo emi miwakke, oro edi owo itiaita, esaŋade ke esit ebe ke mmɔŋ ekut erinyaŋa;

2 PETER 3:2

nte, mbufo eti ikɔ emi ndisana prophet ekebemde iso etiŋ, ye item Ɔbɔŋ ye Andinyaŋa nnyin emi otode mme apostle mbufo osim mbufo.

2 PETER 3:9

Ɔbɔŋ iduɔnke ke erinam uŋwɔŋɔ Esie, ke ido nte ndusuk owo ekerede ete, Enye ɔduɔn; Enye akam enyene anyan ime ye mbufo, inyuŋ iyomke baba owo kiet atak, edi oyom kpukpru owo etua mkpɔfiɔk ekabare esit.