2 PETER 3:14 - Edisana ñwed Abasi Ibom

¹⁴ Mmɔdo ndima, sia mbufo etiede ebet mme ŋkpɔ emi, enyene ifik ndien, man Enye okposim mbufo nte etiede ke emem, enana ntɔi, enyuŋ enana ndo ke enyin Esie.

2 PETER 3:14 ပူးပေါင်းရင်းမြစ်များ

MATTHEW 24:26

Mmɔdo edieke mmɔ edɔhɔde mbufo ete, Sese, Enye odu ke desert; ekuwɔrɔ eka: Sese, Enye odu ke ubet; ekunim ke akpanikɔ.

MATTHEW 25:7

Ekem kpukpru nditɔ-iban oro edaha ke enyɔŋ, ediɔŋ utuenikaŋ mmɔ.

LUKE 12:43

Ɔfɔfɔn ɔnɔ asaŋutom oro ete-ufɔk esie edidide okut enye anamde ntem.

LUKE 2:29

Ke emi, O; Obɔŋ, Afo ke ayak owo Fo ɔnyɔŋ ke ifure, Nte Afo ɔkɔdɔhɔde;

1 ŊWED CORINTH 1:8

emi edinyuŋ anamde mbufo esɔŋɔ eda tutu osim utit, enana ubiom-ikpe ke usen Ɔbɔŋ nnyin Jesus Christ.

1 ŊWED CORINTH 15:58

Mmɔdo ndima nditɔ-ete mi, esɔŋɔ eda, ekuyak ŋkpɔ esehere mbufo; eyɔhɔ kpukpru ini ke utom Ɔbɔŋ; sia emɔfiɔk ete utom eke mme imɔ inamde idiwɔrɔke idi ikpikpu ke Ɔbɔŋ.

ŊWED MBON PHILIPPI 1:10

man mbufo ekeme ndidomo mfiɔk se ifɔnde ikan, kpaŋ mbufo edi edideŋi ekunyuŋ enyene ndudue tutu osim usen Christ;

ŊWED MBON PHILIPPI 2:15

man mbufo ekunyene ubiom-ikpe, ekunyuŋ enyene ndudue, edi edi nditɔ Abasi eke enanade ndo ke ufɔt ŋkwakwaŋa ye idiɔk emana; emi mbufo ke eyayama ke otu mmɔ nte ntantafiɔŋ ke ererimbot,

ŊWED MBON PHILIPPI 3:20

Edi obio nnyin ododu ke heaven, nnyin inyuŋ itie ibet Andinyaŋa emi editode do edi, kpa Ɔbɔŋ Jesus Christ;

1 ŊWED THESSALONICA 3:13

man oto do Enye anam esit mbufo enyene iwuk onyuŋ anana ndo ke edisana ido ke iso Abasi ye Ete nnyin, ke ini Ɔbɔŋ nnyin Jesus edidide ye kpukpru nti ikɔt Esie.

1 ŊWED THESSALONICA 5:23

Abasi emem ke Idem Esie akpakam anam mbufo esana ofuri-ofuri, onyuŋ ekpeme mbufo ofuri-ofuri ke spirit ye ukpɔŋ ye ikpɔhidem, anam mbufo ekunyene ndo ke ini Ɔbɔŋ nnyin Jesus Christ edidide.

1ŊWED TIMOTHY 6:14

mmowuk fi nte, onim item emi anana ndo, onyuŋ anana se etiŋde edian enye, tutu osim eribiɔŋɔre Ɔbɔŋ nnyin Jesus Christ;

MME HEBREW 9:28

kpa ntre ŋko Christ, ke ekewade Enye ini kiet ete obiom idiɔk ŋkpɔ ediwak owo, eyetɔŋɔ ntak ɔbiɔŋɔre; edi Enye ididige ndinyene mbubehe ye idiɔk-ŋkpɔ, edi edidi ndinyaŋa mmɔ emi etiede ebet Enye.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.

1 PETER 1:7

man mbuɔtidem mbufo emi ema edomo ewut, emi ɔsɔŋde urua akan mbiara gold eke edade ikaŋ edomo, ɔkpɔwɔrɔ edi ŋkpɔ itoro ye ubɔŋ ye ukpono ɔnɔ mbufo ke adaŋemi Jesus Christ ediyararede idem.

2 PETER 3:1

NDIMA, emi edi udiana-akpa ŋwed emi ŋwetde nnɔ esɔk mbufo; ndien ke mmɔ mbiba ndemere edideŋi esit mbufo ke eriti ikɔ;

2 PETER 3:16

onyuŋ ewetde ke kpukpru ŋwed esie, etiŋ abaŋa mme ŋkpɔ emi. Ndusuk ŋkpɔ edu ke mme ŋwed oro eke ɔsɔŋde owo nditim mfiɔk, ndien mbon ndisime ye mbon unana iwuk eyurɔre mme ikɔ oro enim eda esobo idem mmɔ, kpa nte mmɔ enamde ye ikɔ Abasi eŋwen.

1 JOHN 3:3

Kpukpru owo eke edoride enyin ke Enye ntem enam idem asana, kpa nte Enye asanade.