2 PETER 3:10 - Edisana ñwed Abasi Ibom

¹⁰ Edi Usen Ɔbɔŋ edibuat nte inɔ; ke usen oro ikpa-enyɔŋ eyebe efep ye akamba uyom, se edade ebot ererimbot eyenyuŋ etara ke ɔkpɔsɔŋ ufiop, ndien isɔŋ ye kpukpru utom eke enamde ke esit eyeta ikaŋ ebiara.

2 PETER 3:10 ပူးပေါင်းရင်းမြစ်များ

ŊWED MME PSALM 102:26

Mmɔ eyesobo, edi afo eyebigi; ndien kpukpru mmɔ eyetaha nte ɔfɔŋidem; afo eyekpuhɔ mmɔ nte ekura, ndien mmɔ eyekpuhɔ:

ŊWED MME PSALM 46:6

Mme idut eyomo, mme obio esehere: enye emenere uyo esie, isɔŋ eyetara.

ŊWED MME PSALM 97:5

Ikpɔ obot etara nte mbukpa ekwɔk ke iso Jehovah, ke iso Ɔbɔŋ ofuri ererimbot.

ISAIAH 2:12

Koro Jehovah mme udim omonim usen abaŋa kpukpru se ikoŋde, inyuŋ idorode ke enyɔŋ, onyuŋ abaŋa kpukpru se imenerede ke enyɔŋ: ndien mmɔ eyesuhɔre:

ISAIAH 24:19

Ererimbot obomo fap, ererimbot asiaha mbai-mbai, ererimbot enyek ɔkpɔsɔŋ.

ISAIAH 34:4

Ndien ofuri udim enyɔŋ eyeyemere, ikpa-enyɔŋ eyenyuŋ eŋwine nte ikpa-ŋwed: ndien ofuri udim mmɔ eyekeŋe kpa nte ikɔŋ ekeŋede ke vine, ye nte nyemere ikɔŋ ekeŋede ke eto fig.

ISAIAH 51:6

Mbufo emenere enyin mbufo ke enyɔŋ, enyuŋ ese isɔŋ ke idak; koro enyɔŋ eyesuana nte nsuŋikaŋ, isɔŋ eyenyuŋ ataha nte ɔfɔŋidem, ndien mme andiduŋ enye eyekpaŋa ŋko kpasuk ntre: edi erinyaŋa mi eyebigi ke nsinsi, eti ido mi idinyuŋ inuahake.

JOEL 1:15

Mbɔm usen oro! koro usen Jehovah emekpere, enye eyenyuŋ edi nte nsobo eke otode Ata Ɔkpɔsɔŋ.

JOEL 2:1

MBUFO efuri ukorowo ke Zion, enyuŋ eduat ke edisana obot mi: yak kpukpru mme andiduŋ isɔŋ enyek idem: koro usen Jehovah emedi, koro emekpere; usen ekim,

JOEL 2:31

Utin eyekabare edi ekim, ɔfiɔŋ eyenyuŋ akabare edi iyip, ke akwa usen Jehovah emi enyenede ndik mikaidige.

JOEL 3:14

Udim! udim! ke itihere ikpe: koro usen Jehovah emekpere ke itihere ikpe.

AMOS 9:13

Jehovah ɔdɔhɔ, ete, Sese, mme usen ke edi, ndien owo eke ofuŋde isɔŋ eyesim owo eke ekpeŋede ibokpot: owo eke anuakde wine eyenyuŋ osim andiwari mkpasip; ikpɔ obot eyenyuŋ etɔi obufa wine, kpukpru ŋkpri obot eyenyuŋ etara.

AMOS 9:5

Onyuŋ edi Ɔbɔŋ Jehovah mme udim otuk isɔŋ, ndien enye atara; ndien kpukpru mme andiduŋ ke esit etuaŋa: enye onyuŋ ɔyɔhɔ ofuri ebiet nte akpa mmɔŋ, onyuŋ ɔsuhɔre nte akpa Egypt.

MICAH 1:4

Ndien ikpɔ obot eyetara ke idak esie, mme itihere eyenyuŋ esiaha, kpa nte obukpa ɔkwɔk ke enyin ikaŋ, kpa nte mmɔŋ eke eŋwaŋade ke ŋwewere.

NAHUM 1:5

Ikpɔ obot enyek ebak enye, ŋkpri obot enyuŋ etara: iso esie esin isɔŋ ofut, ye ekondo ye kpukpru mme andiduŋ ke esit.

MALACHI 4:5

Sese, ami nyedɔŋ prophet Elijah utom ke ɔtɔ mbufo, ke akwa ye ndik-ndik usen Jehovah mika-idige kaŋa:

MATTHEW 24:35

Enyɔŋ ye isɔŋ eyebe efep, edi ikɔ Mi idibehe ifep.

MARK 13:31

Enyɔŋ ye isɔŋ eyebe efep, edi ikɔ Mi idibehe ifep.

LUKE 12:39

Edi efiɔk emi ete, edieke enyene-ufɔk ɔkpɔfiɔkde ini eke inɔ edidide, enye ekpekpeme, ikponyuŋ iyakke ebuŋ ufɔk esie eduk.

ŊWED MBON ROME 8:20

Koro ekenam ofuri ekondo osuk idem ɔnɔ ikpikpu ŋkpɔ, itoho ke erinyime esit, edi oto ke Enye emi akanamde enye osuk ntre, ye idori-enyin,

1 ŊWED CORINTH 1:8

emi edinyuŋ anamde mbufo esɔŋɔ eda tutu osim utit, enana ubiom-ikpe ke usen Ɔbɔŋ nnyin Jesus Christ.

1 ŊWED CORINTH 5:5

Ɔbɔŋ Jesus eyak oruk owo emi enɔ Satan atahare obukidem esie, man ekpanyaŋa spirit esie ke usen Ɔbɔŋ Jesus.

2 ŊWED CORINTH 1:14

kpa nte mbufo enyimede ebaŋa nnyin esisit, ete, nnyin idi ŋkpɔ mbure mbufo, kpa nte mbufo edide ŋkpɔ mbure nnyin, ke usen Ɔbɔŋ nnyin Jesus.

1 ŊWED THESSALONICA 5:2

Koro mbufo ke idem mbufo emetim efiɔk ete usen Ɔbɔŋ mɔŋ edi nte inɔ ke okoneyo.

1 ŊWED THESSALONICA 5:4

Edi mbufo nditɔ-ete iduhe ke ekim, eke ekpesinde usen oro abuat mbufo nte inɔ:

2 PETER 3:11

Sia kpukpru ŋkpɔ emi edibiarade ntem, nso oruk owo ke mbufo ekpedi ke edisana ido ye ke uteŋe Abasi?

2 PETER 3:12

mbufo emi etiede ebet enyuŋ esɔŋɔde eyom eridi Usen Abasi, kpa usen oro edisinde ikpa-enyɔŋ atara ke ikaŋ, edinyuŋ esinde se edade ebot ererimbot atara ke ɔkpɔsɔŋ ufiop.

2 PETER 3:7

Edi ama edi ikpa-enyɔŋ ye isɔŋ emi edude ke emi, ikɔ Abasi okomum mmɔ onim ɔnɔ ikaŋ; ekpeme mmɔ enim enɔ usen eke Abasi edikpede ikpe ye mmɔ emi mibakke Enye, edinyuŋ osobo mmɔ.

JUDE 1:6

Mme angel ŋko, emi mikomumke itie-odudu eke mmɔ ikama, edi ekpɔŋde ebiet iduŋ idem mmɔ, ke Enye ama onyuŋ ɔkɔbi ke nsinsi ebuka onim ke ekim, ete, etie ebet ikpe Akwa Usen oro.

ERIYARARE 16:15

Sese, ndidi nte inɔ; ɔfɔfɔn ɔnɔ owo eke esinede edisine-ŋkpɔ etie ekpeme; mbak enye edisaŋa iferi, owo edinyuŋ okut mbubiam esie.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.

ERIYARARE 21:1

EKEM ŋkut obufa enyɔŋ ye obufa isɔŋ; koro akpa enyɔŋ ye akpa isɔŋ ema ebe efep, inyaŋ ibom inyuŋ iduhe aba.

ERIYARARE 3:3

Ti ndien usuŋ nte akasaŋade ɔbɔ enyene, ye adaŋa nte okokopde, nyuŋ kpeme, nyuŋ kabare esit. Edieke mudu-kpemeke, nyedi nte inɔ, ndien udufiɔkke ini eke ndibuatde fi.

ERIYARARE 6:14

Ndien emen ikpa-enyɔŋ efep nte emi efutde ikpa-ŋwed; enyuŋ emen kpukpru ikpɔ obot ye isuo efep ke itie mmɔ.