2 PETER 2:9 - Edisana ñwed Abasi Ibom

⁹ Ɔbɔŋ ɔmɔfiɔk ndinyaŋa mmɔ emi eteŋede Enye nsio ke idomo, ndinyuŋ mmum mme idiɔk owo nnim ke itie ufen, tutu osim usen ikpe;

2 PETER 2:9 ပူးပေါင်းရင်းမြစ်များ

ŊWED JOB 21:30

Ete ke emenim mme idiɔk owo enɔ usen nsobo? Eyeda mmɔ edi ke usen iyaresit.

ŊWED JOB 5:19

Enye eyesio fi ke ukut itiokiet efep: ndien ke itiabaidiɔk-ŋkpɔ idisimke fi.

ŊWED MME PSALM 12:1

O JEHOVAH, nyaŋa; koro mbon ima fo ekurede: koro mbon akpanikɔ etrede ke otu nditɔ owo.

ŊWED MME PSALM 32:6

Emi eyesin kpukpru mbon-ima fo ekpe fi ubɔk ke ini eke edikutde fi: ŋkɔm ke ini ukwɔ akamba mmɔŋ, mmɔ idisimke enye.

ŊWED MME PSALM 37:33

Jehovah idiyakke enye ikpɔŋ ke ubɔk esie, idinyuŋ inamke ikɔ otip enye ke ini ekpede ikpe esie.

ŊWED MME PSALM 4:3

Mbufo efiɔk, ndien, ete ke Jehovah adianare owo ima esie, onim ɔnɔ idem esie; Jehovah eyekop ke ini nsemede ŋkot enye.

MME ŊKE 12:13

Afia idiɔk owo odu ke ndudue inua esie: edi eti owo eyebɔhɔ nnanenyin.

MME ŊKE 16:4

Jehovah amanam kpukpru ŋkpɔ ɔnɔ se ikemde ye mmɔ: anam idem idiɔk owo ɔnɔ usen idiɔk.

MATTHEW 10:15

Ke akpanikɔ ke ndɔhɔ mbufo, Ŋkpɔ eyefɔn ye isɔŋ Sodom ye Gomorrah ke usen ikpe akan ye obio oro.

MATTHEW 6:13

Kunyuŋ uda nnyin usin ke idomo; Edi sio nnyin ke ubɔk andidiɔk.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

1 ŊWED CORINTH 10:13

Idomo ikosimke mbufo ibɔhɔke se inade owo ndibiom; edi Abasi edi akpanikɔ, idinyuŋ iyakke edomo mbufo ebe se ukeme mbufo edide; edi Enye eyesiak usuŋ ubɔhɔ ɔnɔ mbufo ke ufɔt idomo, man mbufo ekeme ndibiom enye.

2 ŊWED TIMOTHY 3:12

Ke akpanikɔ kpukpru owo eke eyomde ndidu eti uwem ke Christ Jesus enyene ndibiom isin-enyin.

TITUS 2:14

Emi akayakde Idem Esie ɔnɔ kabaŋa nnyin, man Enye afak nnyin osio ke kpukpru mme idiɔk-ŋkpɔ, onyuŋ anam nnyin asak-ubɔk ikɔt Esie, emi isinde esit inam nti utom.

2 PETER 2:4

Koro edieke Abasi mikayakke mme angel emi ekeduede ebɔhɔ, edi otopde mmɔ ɔduɔk ke itie-ufen, onyuŋ esinde mmɔ ke ŋkim-ŋkim ukpe, ete, enim mmɔ etie do ebet ikpe;

2 PETER 3:7

Edi ama edi ikpa-enyɔŋ ye isɔŋ emi edude ke emi, ikɔ Abasi okomum mmɔ onim ɔnɔ ikaŋ; ekpeme mmɔ enim enɔ usen eke Abasi edikpede ikpe ye mmɔ emi mibakke Enye, edinyuŋ osobo mmɔ.

JUDE 1:6

Mme angel ŋko, emi mikomumke itie-odudu eke mmɔ ikama, edi ekpɔŋde ebiet iduŋ idem mmɔ, ke Enye ama onyuŋ ɔkɔbi ke nsinsi ebuka onim ke ekim, ete, etie ebet ikpe Akwa Usen oro.

ERIYARARE 3:10

Sia ama ekekpeme uyo anyan ime Mi, Ami nyenyuŋ ŋkpeme fi ke ini idomo, emi ɔmɔŋ edisim ofuri ererimbot, ndidomo mmɔ emi eduŋde ke isɔŋ.

1 SAMUEL 29:10

Bak, ndien, daha ke enyɔŋ ke usenubɔk ye ikɔt usɔ oro esaŋade ye afo edi: ndien adaŋemi mbufo ebakde edemere ke usenubɔk, enyuŋ ekutde uŋwana, mbufo enyɔŋɔ.