2 PETER 2:1 - Edisana ñwed Abasi Ibom

¹ EDI mme prophet abiaŋa ema enyuŋ ebiɔŋɔre ke otu mbio-obio, kpa nte abiaŋa-abiaŋa mme anditeme edinyuŋ edude ke otu mbufo; mmɔ edisaŋa ndibe-ndibe, eda esen ukpep-ŋkpɔ eke osobode ukpɔŋ owo eduk etiene mbufo, edinyuŋ ekaŋ kpa Ɔbɔŋ emi akafakde mmɔ, edinyuŋ esin nsobo abuat idem mmɔ.

2 PETER 2:1 ပူးပေါင်းရင်းမြစ်များ

1 NDIDEM 22:6

Ndien edidem Israel obon mme prophet, owo ikie inaŋ, ɔtɔ kiet, ndien obup mmɔ, ete, Nte ŋka ekɔŋ ke Ramoth-gilead, mme ŋkuka? Ndien mmɔ ebɔrɔ ete, Dɔk: ndien Ɔbɔŋ eyeda enye esin edidem ke ubɔk.

EXODUS 15:16

Ndik ye mbɔribɔ eyefuk mmɔ: akwa ubɔk fo eyesin mmɔ edobo nte itiat, tutu ikɔt fo, O Jehovah, ebe; tutu ikɔt emi afo edepde ebe.

ISAIAH 9:15

Ebiowo ye akamba owo edi ibuot; ndien edi prophet eke etemede owo nsu, edi isim.

JEREMIAH 29:21

ntem ke Jehovah mme udim, Abasi Israel, ɔdɔhɔ Ahab eyen Kolaiah, ye Zedekiah eyen Maaseiah, emi eketiŋde nsunsu o-prophecy enɔ mbufo ke enyiŋ mi: sese, nyemen mmɔ nsin Nebuchadrezzar edidem Babylon ke ubɔk; ndien enye eyewot mmɔ ke iso mbufo.

JEREMIAH 37:19

Ndien mme prophet mbufo oro eketiŋde prophecy enɔ mbufo, ete, “Edidem Babylon ididige ekɔŋ ye mbufo ke isɔŋ emi”, edu mmɔŋ?

JEREMIAH 6:13

Koro kpukpru mmɔ, ɔtɔŋɔde ke ŋkpri, tutu osim ikpɔ, esin enyin; kpukpru mmɔ, ɔtɔŋɔde ke prophet, tutu osim oku,

ŊWED ESEME 2:14

Mme prophet fo ekut ikpikpu ye ndisime ŋkpɔ enɔ fi: inyuŋ iyarekede idiɔk ido fo, man eda fi ke itie ntaŋ mfep efiak edi; mmɔ ekut mbiomo nsu ye ŋkpɔ etabi enɔ fi.

HOSEA 9:8

Ephraim odori enyin ye Abasi mi: prophet edi afia ata-ikɔt ke kpukpru usuŋ esie, ye usua ke ufɔk Abasi esie.

MICAH 2:11

Edieke owo asaŋade ke spirit ye ke abiaŋa, edisu nsu, ete, Ami nyetiŋ nnɔ fi mbaŋa wine ye mmin; edi enye edidi etiŋ-ikɔ ɔnɔ mbio-obio emi.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

MICAH 3:5

Ntem ke Jehovah ɔdɔhɔ abaŋa mme prophet eke esinde ikɔt mi edue, eke edade edet mmɔ edom owo, ndien ekwɔrɔ, ete, Emem; ndien ama edi owo eke misinke mmɔ ŋkpɔ ke inua, mmɔ etim ŋkpɔ ekɔŋ etiene enye;

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

MATTHEW 10:33

Edi owo ekededi eke edikaŋde Mi ke iso owo, ete, idige okim, Ami nyenyuŋ ŋkaŋ enye ke iso Ete Mi emi odude ke heaven.

MATTHEW 24:11

Ndien ediwak prophet nsu eyedaha eda enam ediwak owo ewaha ekpɔŋ usuŋ.

MATTHEW 24:24

Koro mme christ nsu ye mme prophet nsu eyedaha eda, enyuŋ ewut ikpɔ mme idiɔŋɔ ye mme utibe-ŋkpɔ man, edieke mmɔ ekpekemede, eda ndimek ikɔt Abasi ewaha ekpɔŋ usuŋ.

MATTHEW 24:5

Koro ediwak owo eyedi ke enyiŋ Mi, ete, Ami ndi Christ: eyenyuŋ eda ediwak owo ewaha ekpɔŋ usuŋ.

MATTHEW 7:15

Ekpeme idem mbak prophet abiaŋa emi efɔrɔde ikpa erɔŋ edi ke ɔtɔ mbufo, kpa ke ini mmɔ edide anawuri-ekpe ke esit mmɔ.

MARK 13:22

ekunim ke akpanikɔ; mme Christ nsu ye mme prophet nsu eyewɔrɔ edi, eyenyuŋ ewut mme idiɔŋɔ ye mme utibe ŋkpɔ, man, edieke mmɔ ekpekemede, eda ndimek ikɔt Abasi ekpɔŋ usuŋ.

LUKE 12:9

edi owo eke akaŋde mi ke iso owo ete, Imɔ idige okim, eyenyuŋ ekaŋ enye ke iso mme angel Abasi.

LUKE 21:8

Edi Enye ɔdɔhɔ ete, Ekpeme mbak edinam mbufo ewaha ekpɔŋ usuŋ: koro ediwak owo eyedi ke enyiŋ Mi, ete, Ami ndi Enye: ŋko, Ini ke ekpere. Ekutiene mmɔ.

LUKE 6:26

Eyedɔdiɔk ɔnɔ mbufo, ke ini kpukpru owo editiŋde se ifɔnde ebaŋa mbufo! koro mme ete mmɔ ekanam ntre ye prophet abiaŋa.

ŊWED MBON ROME 16:18

Edianare ekpɔŋ mmɔ. Koro mmɔ emi etiede ntre inamke utom inɔ Ɔbɔŋ nnyin Christ, edi enam enɔ mme idiɔk udɔŋ mmɔ: ndien mmɔ eda nnem-inua ye inem-inem ndutiŋ eyut mme ɔkɔi esit ekabare.

1 ŊWED CORINTH 11:19

Koro eribahare nda ŋka-ŋka enyene ndidu ke otu mbufo, man eyarare efiɔk mmɔ emi edide ata ikɔt Abasi ke otu mbufo.

1 ŊWED CORINTH 6:20

Mbufo inyuŋ idige eke mbufo. Ekedep mbufo ke ekɔm-urua; mmɔdo enɔ Abasi ubɔŋ ke ikpɔhidem mbufo.

1 ŊWED CORINTH 7:23

Ekedep mbufo ke ekɔm-urua; ekuduk ufin enɔ owo.

ŊWED MBON GALATIA 2:4

Edi nnim gospel mi ke iso mmɔ kabaŋa nditɔ-ete abiaŋa emi edipde idem eduk edi ndiyep itie eyen-isɔŋ emi nnyin inyenede ke Christ Jesus, man eda nnyin eduk ufin:

ŊWED MBON GALATIA 3:13

Christ akafak nnyin osio ke isuŋi ibet emi odorode nnyin, sia Enye amakabare edi ŋkpɔ isuŋi ke ibuot nnyin; koro ewetde ete, owo eke eyiride ke eto edi ŋkpɔ isuŋi Abasi;

ŊWED MBON GALATIA 4:17

Mmɔ oro esin esit ekpek mbufo, edi mmɔ inamke ke eti esit; mmɔ eyom ndibahare mbufo ye nnyin, man mbufo ekpek mmɔ.

ŊWED MBON GALATIA 5:20

ye obukpo ido, ye erikpono-ndem, ye eribre-idiɔŋ, ye usua, ye utɔk, ye ufup, ye iyaresit, ye ndomo-idem,

ŊWED MBON EPHESUS 1:7

Nnyin inyuŋ inyene ubɔhɔ-ufin nnyin ke Enye oto ke iyip Esie, kpa erifen mme idiɔk-ŋkpɔ nnyin, adaŋa nte mfɔn Esie awakde.

ŊWED MBON EPHESUS 4:14

man nnyin ikudi aba nditɔwɔŋ, emi ukpep-ŋkpɔ etode ke nsio-nsio edem ebara nte ofim emen etop eduɔk, eda nnyin ediyo ke ŋkari owo eke efiɔkde nditibi usuŋ abiaŋa;

DEUTERONOMY 32:6

Nte mbufo esio usiene ntem enɔ Jehovah, mbon ndisime ye unana ibuot? Nte idige enye edi usɔ emi akafakde fi? Edi enye akanam fi, onyuŋ ɔdiɔŋ fi onim.

ŊWED MBON PHILIPPI 3:19

Nsobo eyedi utit mmɔ, idibi mmɔ edi abasi mmɔ, mmɔ eseŋ ke se isuenede mmɔ, mmɔ ekere ŋkpɔ isɔŋ emi.

ŊWED MBON COLOSSAE 2:18

Ekuyak baba owo kiet obiom mbufo ikpe nte enye amama, ke ikɔ nsuhɔre-idem, ye erituak ibuot nnɔ mme angel; oruk owo emi ebure mbure ke ŋkukut, enyuŋ ekohore idem ke ikpikpu ekikere obukidem;

ŊWED MBON COLOSSAE 2:8

Ekpeme mbak owo ekededi edidu, eke adade ifiɔk owo ye ikpikpu abiaŋa eke esaŋade ye se owo ekpepde obume mbufo; nte asaŋade ekekem ye mme enyene odudu eke ekarade ererimbot, minyuŋ isaŋake ikekem ye Christ.

1ŊWED TIMOTHY 5:8

Owo eke mitimke ŋkpɔ inɔ oruk esie, akpan-akpan mbon ufɔk esie, esiŋe nsa ye mbuɔtidem, onyuŋ ɔdiɔk akan owo eke minimke ke akpanikɔ.

2 ŊWED TIMOTHY 4:3

Koro ini ɔmɔŋ edi eke mme owo midibɔhɔ eti ukpep-ŋkpɔ; ndien sia utɔŋ edebede mmɔ ndikop isio ikɔ, mmɔ eyekɔ mme andikpep enɔ idem nte ekemde ye mme idiɔk udɔŋ mmɔ,

TITUS 1:11

Ana nte ekibi mmɔ inua; koro mmɔ ekpep mme owo se mikemke ke ntak idiɔk udori, enyuŋ ekabare ofuri ufɔk ewuri.

TITUS 3:10

Owo emi ɔtɔde ubahare ke ufɔk Abasi, kusaŋa aba ŋkpɔ ye enye, ke ama ɔkɔnɔ enye item utim ikaba;

MME HEBREW 10:29

mbufo ese ndien ete edibiere ufen ɔsɔŋ adaŋa didie akan enɔ owo, eke edigide Eyen Abasi ke ikpat, onyuŋ abatde iyip ediomi, emi edade enam enye asana, ke ŋkpɔ ndek, onyuŋ esuenede Spirit mfɔn?

1 PETER 1:8

Akanam mbufo ikwe Enye, edi emama Enye. Okposuk edi nte mbufo mikwe Enye ke emi, mbufo ebuɔt idem ye Enye, enyuŋ esɔŋɔ edara ye idaresit eke ayaŋade owo nditiŋ onyuŋ ɔyɔhɔde ye ubɔŋ;

2 PETER 2:3

Ke mbumek mmɔ ke eyeda ikɔ abiaŋa ekama mbufo enam mbubine; toto ke eset ubiom-ikpe mmɔ itreke ndibine mme mmɔ emi, nsobo mmɔ inyuŋ iyetke idap.

1 JOHN 2:26

Mma ŋwewet ŋkpɔ emi nnɔ mbufo mbaŋa mmɔ eke eyomde ndida mbufo nyo ŋkpɔŋ usuŋ.

1 JOHN 4:1

NDIMA, ekunim kpukpru spirit ke akpanikɔ, edi edomo mme spirit ese mme mmɔ edi eke Abasi: koro ediwak prophet nsu ema ewɔŋɔ eduk edi ke ererimbot.

JUDE 1:18

nte mmɔ edɔhɔde mbufo ete, mbon nsahi eyedu ke ukperedem ini, emi edisaŋade ke idiɔk itɔŋ, midinyuŋ ibakke Abasi.

JUDE 1:4

Koro ndusuk owo ema edɔŋ ikpat ndibe-ndibe eduk ke otu mbufo, kpa mmɔ emi ekenimde mmɔ enɔ ubiom-ikpe emi toto ke eset; owo eke miteŋeke Abasi, enyuŋ ewɔŋɔrede mfɔn Abasi nnyin esin ke obukpo uwem, enyuŋ ekaŋde Jesus Christ emi edide ukure Ete-ufɔk ye ɔbɔŋ nnyin.

ERIYARARE 13:14

Enye onyuŋ ada idiɔŋɔ, emi enɔde enye ndinam ke iso unam oro, abiaŋa mme andiduŋ ke isɔŋ; onyuŋ ɔnɔ mme andiduŋ ke isɔŋ uyo, ete, mmɔ enam mbiet unam oro enyenede nde ofut ke idem, edi osuk odude uwem.

ERIYARARE 2:13

Mmɔfiɔk ebiet eke oduŋde do; kpa ebiet eke ebekpo Satan ɔdiɔhɔde; ndien ɔmɔsɔŋɔ omum enyiŋ Mi akama, ukonyuŋ ukaŋke mbuɔtidem Mi, kpa ke mme usen ntiense Mi Antipas, owo akpanikɔ Mi, emi ekowotde ke otu mbufo, ke ebiet oro Satan oduŋde.

ERIYARARE 2:9

Mmɔfiɔk ukut ye ubuene fo (edi emenyene inyene) ye isuŋi emi ɔbɔde ke ubɔk mmɔ emi edɔhɔde ete idi mme Jew, minyuŋ idige, edi edi synagogue Satan.

ERIYARARE 3:8

Sese, ŋkonim fi ana-iŋwaŋ usuŋ ke iso, emi baba owo kiet mikemeke ndiberi, koro emenyene ekpri ukeme omonyuŋ onim uyo Mi, ukonyuŋ ukaŋke enyiŋ Mi.

ERIYARARE 5:9

Ndien mmɔ ekwɔ obufa ikwɔ ete, Afo omodot ndida ŋwed, ndinyuŋ ndianare mme ufik-ŋkpɔ esie; koro ekewotde Fi, Afo ama onyuŋ ada iyip fo osio owo ke kpukpru esien, ye usem, ye obio, ye idut, afak mmɔ ɔnɔ Abasi;

ERIYARARE 6:10

Ndien mmɔ efiori ke ɔkpɔsɔŋ uyo ete, O Ɔbɔŋ, emi edide Edisana onyuŋ anamde akpanikɔ, adaŋa didie ke editre ndikpe ikpe nnyuŋ nsio usiene iyip nnyin ke idem mme andiduŋ ke isɔŋ?