2 PETER 1:8 - Edisana ñwed Abasi Ibom

⁸ Koro edieke mme ŋkpɔ emi edude ke esit mbufo ɔyɔhɔ-ɔyɔhɔ, mmɔ eyenam mbufo ekutie ifu, ekunyuŋ enana mfri ke erifiɔk Ɔbɔŋ nnyin Jesus Christ.

2 PETER 1:8 ပူးပေါင်းရင်းမြစ်များ

MME ŊKE 19:15

Ifu anam ɔkpɔsɔŋ idap ɔduɔ owo ke idem: ndien owo nuɔn eyetie biɔŋ.

MATTHEW 13:22

Enye emi esuande mkpasip ke ufɔt ikɔt ŋkukim, edi owo emi okopde ikɔ; ndien ekikere ŋkpɔ eyo emi ye abiaŋa inyene ababa ikɔ oro owot, ntre ke enye akabare anana mfri.

MATTHEW 20:3

Ekem ke ini ekperede ɔyɔhɔ hour usuk-kiet ke usenubɔk, enye ɔwɔrɔ okut mmɔ efen edade ke aŋwa-urua efen-efen, onyuŋ ɔdɔhɔ mmɔ ete,

MATTHEW 20:6

Edi ke ini ekperede ɔyɔhɔ hour ition ke mbubreyo enye ɔwɔrɔ okut owo efen edade do, onyuŋ ɔdɔhɔ mmɔ ete, Nsinam mbufo ekadade mi ɔfuri usen efen-efen?

MATTHEW 25:26

Edi ɔbɔŋ esie ɔbɔrɔ ete, Afo idiɔk asaŋutom ifu, afo ɔkɔfiɔk ete ndɔdɔk ke ɔtɔ nte mmeŋkɔtɔhɔ, nnyuŋ ntataŋ ke ɔtɔ nte mmeŋkasuanke;

JOHN 15:2

Kpukpru ŋkɔk ke idem Mi eke miŋwumke mfri, Enye osibe efep; ndien kpukpru ŋkɔk eke oŋwumde mfri, Enye ɔdiɔŋ, man oŋwum mfri awak akan.

JOHN 17:3

Ndien nsinsi uwem oro edi ndifiɔk Fi, ata Abasi kierakiet, ye Enye emi Afo ɔkɔdɔŋde, kpa Jesus Christ.

JOHN 5:42

edi mmɔdiɔŋɔ mbufo nte mbufo inyeneke ima Abasi ke esit mbufo.

ŊWED MBON ROME 12:11

ekutek ke ifik mbufo; enyene ifiopesit ke spirit; enam utom enɔ Ɔbɔŋ.

1 ŊWED CORINTH 15:58

Mmɔdo ndima nditɔ-ete mi, esɔŋɔ eda, ekuyak ŋkpɔ esehere mbufo; eyɔhɔ kpukpru ini ke utom Ɔbɔŋ; sia emɔfiɔk ete utom eke mme imɔ inamde idiwɔrɔke idi ikpikpu ke Ɔbɔŋ.

2 ŊWED CORINTH 13:5

Edomo idem mbufo ese mme mbufo edu ke mbuɔtidem: etim edomo idem mbufo efiɔk. Nte mbufo ifiɔkke ibaŋa idem, ite, Christ oduŋ mme imɔ ke esit? Edieke midige ntre, mbufo edi mbukpo owo.

2 ŊWED CORINTH 8:2

ete, ke akwa ukut eke odomode mmɔ, uwak-ŋkan idaresit mmɔ ye ɔkpɔsɔŋ unana mmɔ akanam akwa ntarubɔk mmɔ owut idem uwak-uwak

2 ŊWED CORINTH 8:7

Edi nte mbufo edade iso ke kpukpru ŋkpɔ, ke mbuɔtidem, ke eritiŋ ikɔ, ye ifiɔk, ye kpukpru ufiopesit, ye ima eke mbufo emade nnyin, eda iso ŋko ke utom mfɔn emi.

2 ŊWED CORINTH 9:14

mmɔ ke idem mmɔ ŋko enam mkpe-ubɔk enɔ mbufo, onyuŋ ɔdɔŋ mmɔ ndisobo ye mbufo, ke ntak akwa mfɔn Abasi eke odude ye mbufo.

ŊWED MBON PHILIPPI 1:9

Ndien mmebeŋe ntem nte, ima mbufo akpakam ɔdɔdiɔŋ awak ke ifiɔk ye kpukpru ikike;

ŊWED MBON PHILIPPI 2:5

Yak mbufo enyene oruk esit emi okodude ke Christ Jesus.

ŊWED MBON PHILIPPI 3:8

Ke akpanikɔ mbat kpukpru ŋkpɔ ke ntak-urua, man mbɔ akan ifiɔk Christ Jesus Ɔbɔŋ mi: emi ŋkayakde kpukpru ŋkpɔ atak kabaŋa Enye, mmonyuŋ nsin mmɔ ke mbio,

ŊWED MBON COLOSSAE 1:10

man mbufo esaŋa ke ido nte odotde Ɔbɔŋ, enem Enye esit ke kpukpru usuŋ, enyuŋ eŋwum mfri ke erinam kpukpru nti utom, enyuŋ ekɔri ke ifiɔk Abasi:

ŊWED MBON COLOSSAE 2:7

yak mbufo emum ŋkam, enyuŋ ekɔri edaha eda ke Enye, enyuŋ edɔdiɔŋ esɔŋɔ eda ke mbuɔtidem, kpa nte ekekpepde mbufo, enyuŋ enɔ Abasi ekɔm eti-eti.

ŊWED MBON COLOSSAE 3:16

Mbufo enyuŋ enyene esit ekɔm. Eyak ikɔ Christ odu ɔyɔhɔ-ɔyɔhɔ ke esit mbufo ke kpukpru eti ibuot; emen psalm ye hymn ye ikwɔ uwem spirit ekpep enyuŋ eteme kiet eken, ekwɔ itoro enɔ Abasi ye esit ekɔm.

1 ŊWED THESSALONICA 3:12

Ɔbɔŋ akpakam onyuŋ anam mbufo ekɔri enyene ima ɔyɔhɔ ɔyɔhɔ ye kiet eken, enyuŋ enyene ima ye kpukpru owo, kpa nte nnyin inyenede ye mbufo;

1 ŊWED THESSALONICA 4:1

KE akpatre itie, nditɔ-ete, nnyin imebeŋe mbufo, inyuŋ isɔŋɔ ikpe ye mbufo ke Ɔbɔŋ Jesus, ite, kpa nte mbufo ekekopde ke inua nnyin nte mbufo ekpesaŋade ekenem Abasi esit, kpa nte mbufo enyuŋ esaŋade, mbufo edɔdiɔŋ enam ntre.

2 ŊWED THESSALONICA 1:3

Ana nte nnyin ikɔm Abasi kpukpru ini ibaŋa mbufo, nditɔ-ete, kpa nte odotde nnyin ndinam ntre, koro mbuɔtidem mbufo ɔkɔride eti-eti, ima emi kpukpru mbufo emade kiet eken onyuŋ okponde;

1ŊWED TIMOTHY 5:13

Akan oro, mmɔ ekpep ndifu ifu, esaŋa ke ufɔk ke ufɔk: inyuŋ idige ifu ikpɔŋ, edi ekabare mbabara ye mbon ibaŋa, etiŋ se mmɔ mikpetiŋke.

TITUS 3:14

Nyuŋ dɔhɔ ikɔt nnyin ete, enyene eti ubɔk-utom kabaŋa se edinade nte mmɔ enam, mbak mmɔ edinana mfri.

PHILEMON 1:6

Nnyuŋ mbeŋe nte mfɔn-ido emi otode ke mbuɔtidem fo edikabare enyene ukeme ke ŋkpɔ Christ, ke eritim mfiɔk kpukpru nti ŋkpɔ emi edude nnyin ke idem.

MME HEBREW 6:12

man mbufo ekukop ifem, edi edi mendikpebe mmɔ emi ekesaŋade ke mbuɔtidem ye ime ebɔ mme uŋwɔŋɔ Abasi enyene.

2 PETER 1:2

Mfɔn ye emem akpakam oto ke erifiɔk Abasi ye Jesus Ɔbɔŋ nnyin etiene mbufo uwak-uwak.

2 PETER 1:3

Sia Odudu Abasi ama ɔkɔnɔ nnyin kpukpru ŋkpɔ eke esaŋade ye uwem ye uteŋe Abasi, oto erifiɔk Enye emi akadade ubɔŋ ye nti ido Esie okot nnyin;

2 PETER 2:20

Koro edieke mmɔ ema ekesaŋa ke ifiɔk Ɔbɔŋ ye Andinyaŋa nnyin Jesus Christ ebɔhɔ se isabarede owo uwem ke ererimbot, ndien mmɔ etɔŋɔ ntak ekɔmɔ ke esit, enyuŋ eyak ŋkpɔ oro akan mmɔ ubɔk, akpatre itie mmɔ akabare ɔdiɔk akan akpa.

2 PETER 3:18

Edi etie ke mfɔn ye ifiɔk Ɔbɔŋ ye Andinyaŋa nnyin Jesus Christ ekɔri ŋkɔri. Yak ubɔŋ enyene Enye ke emi ye ke nsinsi. Amen.