2 PETER 1:3 - Edisana ñwed Abasi Ibom

³ Sia Odudu Abasi ama ɔkɔnɔ nnyin kpukpru ŋkpɔ eke esaŋade ye uwem ye uteŋe Abasi, oto erifiɔk Enye emi akadade ubɔŋ ye nti ido Esie okot nnyin;

2 PETER 1:3 ပူးပေါင်းရင်းမြစ်များ

ŊWED MME PSALM 110:3

Ikɔt fo edi enɔ ima-esit ke usen odudu fo, ke edisana mbanaoto ke idibi usiere, afo emenyene mbara uyen fo.

ŊWED MME PSALM 84:11

Koro Jehovah Abasi edide utin ye otu-ekɔŋ: Jehovah ɔmɔnɔ ufɔn ye ubɔŋ: ama edi mmɔ eke eneŋerede esaŋa, enye isinke mmɔ nti ŋkpɔ.

MME ŊKE 12:4

Enyene-ido aŋwan edi anyanya ebe esie: edi oburobut aŋwan etie nte nyap ke ɔkpɔ esie.

MME ŊKE 31:10

Anie edikut enyene-ido aŋwan? Ŋkɔm ekɔm-urua esie akan pearl anyan usuŋ.

MME ŊKE 31:29

“Ediwak iban emenam eti; edi afo akan mmɔ kpukpru.”

MATTHEW 28:18

Edi Jesus asaŋa ekpere mmɔ, onyuŋ ɔdɔhɔ mmɔ ete, Enɔ Mi ofuri odudu ke heaven ye ke isɔŋ.

ŊWED MBON ROME 8:32

Enye emi mikesinke ndinɔ Eyen Esiemɔ, edi ayakde Enye ɔnɔ ke ibuot nnyin kpukpru, Enye edikeme didie nditre ndinɔ nnyin kpukpru ŋkpɔ ndian ye Enye?

ŊWED MBON ROME 9:24

kpa nnyin, emi Enye okonyuŋ okotde, idige ke otu mme Jew ikpɔŋ, edi ke otu mme Gentile nde?

1 ŊWED CORINTH 1:9

Abasi edi anam-akpanikɔ, emi okokotde mbufo ete ediduk nsaŋa ye Eyen Esie Jesus Christ Ɔbɔŋ nnyin.

2 ŊWED CORINTH 12:9

Edi Enye ete mi, Mfɔn mi ke ekekem fi; koro enamde odudu Mi ɔfɔn ama ke mmem-idem. Ntre ke adat mi esit eti-eti ndinam mbure ke mmem-idem mi, man odudu Christ odoro ofuk mi.

ŊWED MBON EPHESUS 4:1

MMƆDO ami, emi ndide owo-ŋkpɔkɔbi ke Ɔbɔŋ, mmekpe mbufo ubɔk, nte, esaŋa nte odotde ikot emi ekokotde mbufo,

ŊWED MBON EPHESUS 4:4

Idem kiet odu, Spirit kiet onyuŋ odu, kpa nte ekekotde mbufo ke idori-enyin kiet emi asaŋade ye ikot mbufo;

ŊWED MBON PHILIPPI 3:8

Ke akpanikɔ mbat kpukpru ŋkpɔ ke ntak-urua, man mbɔ akan ifiɔk Christ Jesus Ɔbɔŋ mi: emi ŋkayakde kpukpru ŋkpɔ atak kabaŋa Enye, mmonyuŋ nsin mmɔ ke mbio,

ŊWED MBON PHILIPPI 4:8

Ke akpatre item, nditɔ-ete, ŋkpɔ ekededi eke edide akpanikɔ, ye ŋkpɔ ekededi eke enyenede ukpono, ye ŋkpɔ ekededi eke enende, ye ŋkpɔ ekededi eke edide edisana, ye ŋkpɔ ekededi eke odotde ete ema, ye ŋkpɔ ekededi eke ɔwɔrɔde eti etop; edieke eti ido odude ke ŋkpɔ, edieke itoro onyuŋ odude, ekere ŋkpɔ oro.

ŊWED MBON COLOSSAE 1:16

Koro ke Enye ke ekebot kpukpru ŋkpɔ ke enyɔŋ ye ke isɔŋ, se enyin owo okutde ye se enyin owo mikwe, mme mmɔ edide ndidem, mme edide mbɔŋ, mme edide mme andikara, mme edide mme ada-idaha; ekebot kpukpru ŋkpɔ oto ke Enye, enyuŋ ebot kpukpru ŋkpɔ enɔ Enye.

1 ŊWED THESSALONICA 2:12

man mbufo esaŋa edu uwem nte odotde Abasi, emi okokotde mbufo esin ke Obio Ubɔŋ Esie.

1 ŊWED THESSALONICA 4:7

Koro Abasi ikokotke nnyin ite ididu uwem mbubiam, edi okokot nnyin ete, ididu uwem ke edisana ido.

2 ŊWED THESSALONICA 2:14

Enye okonyuŋ ada gospel nnyin okot mbufo abaŋa emi, ete mbufo edibɔ ubɔŋ Ɔbɔŋ nnyin Jesus Christ enyene.

1ŊWED TIMOTHY 4:8

Koro erisin idem mbet ŋkpɔ ikpɔhidem enyene esisit udori; edi uteŋe Abasi ɔwɔrɔ udori ke kpukpru usuŋ, koro uŋwɔŋɔ uwem emi odude ke emi ye eke uwem emi edidide asaŋade ye enye.

2 ŊWED TIMOTHY 1:9

emi ama anyaŋa nnyin, onyuŋ okot nnyin edisana ikot; itoho ke se nnyin inamde edi oto ke uduak ye mfɔn Esiemɔ, emi ekɔnɔde nnyin ke Christ Jesus, ndien nsinsi eyo edidu;

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

1 PETER 1:15

edi kpa nte Andikot mbufo edide Edisana, mbufo nde ekabare esana ke ofuri edu uwem mbufo;

1 PETER 1:5

Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.

1 PETER 2:21

Ekekot mbufo ete edinam oro; koro Christ ke Idem Esie ama okut ndutuhɔ kabaŋa mbufo, onyuŋ ɔkpɔŋ uwut-ŋkpɔ ɔnɔ mbufo, ete, mbufo ekpetiene esaŋa ke nde ikpat Imɔ.

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;

1 PETER 3:9

Ekuda idiɔk esio usiene idiɔk; ekunyuŋ esuŋi owo ke ini esuŋide mbufo; edi ekam ediɔŋ mmɔ. Koro ekekot mbufo ete edinam emi, man mbufo eda eridiɔŋ enyene.

1 PETER 5:10

Ndien Abasi kpukpru mfɔn, emi okokotde mbufo ete ediduk ke nsinsi ubɔŋ Imɔ ke Christ, ke ini mbufo ema ekut ukut ke ekpri ini, eyenam mbufo efɔn ema, enyuŋ esɔŋɔ eda, enyuŋ ekop idem.

2 PETER 1:10

Ntre nditɔ-ete, edɔdiɔŋ esin ifik enam ikot eke ekekotde mbufo ye erimek eke emekde mbufo ɔsɔŋɔ ada: koro edieke mbufo enamde mme ŋkpɔ emi mbufo idikɔmɔke iduɔ;

2 PETER 1:2

Mfɔn ye emem akpakam oto ke erifiɔk Abasi ye Jesus Ɔbɔŋ nnyin etiene mbufo uwak-uwak.

2 PETER 1:5

ke ntak emi ndien, mbufo ke ŋkaŋ mbufo esin ifik ke ofuri ukeme edian eti ido ke mbuɔtidem mbufo, enyuŋ edian ifiɔk ke eti ido, enyuŋ edian erifara ke idem ke ifiɔk,

2 PETER 1:6

ye ime ke erifara ke idem,

2 PETER 1:8

Koro edieke mme ŋkpɔ emi edude ke esit mbufo ɔyɔhɔ-ɔyɔhɔ, mmɔ eyenam mbufo ekutie ifu, ekunyuŋ enana mfri ke erifiɔk Ɔbɔŋ nnyin Jesus Christ.

2 PETER 2:20

Koro edieke mmɔ ema ekesaŋa ke ifiɔk Ɔbɔŋ ye Andinyaŋa nnyin Jesus Christ ebɔhɔ se isabarede owo uwem ke ererimbot, ndien mmɔ etɔŋɔ ntak ekɔmɔ ke esit, enyuŋ eyak ŋkpɔ oro akan mmɔ ubɔk, akpatre itie mmɔ akabare ɔdiɔk akan akpa.

2 PETER 3:18

Edi etie ke mfɔn ye ifiɔk Ɔbɔŋ ye Andinyaŋa nnyin Jesus Christ ekɔri ŋkɔri. Yak ubɔŋ enyene Enye ke emi ye ke nsinsi. Amen.

RUTH 3:11

Kufehe ndien, eyen mi; nyenam kpukpru se afo ɔdɔhɔde nnɔ fi: koro kpukpru mbio-obio nnyin efiɔkde ete ke afo edi enyene-ido aŋwan.