2 PETER 1:19 - Edisana ñwed Abasi Ibom

¹⁹ Ndien ema edɔdiɔŋ esɔŋɔ ikɔ mme prophet ekan enɔ nnyin; ndien mbufo eyetim enam, edieke mbufo edibiɔŋde utɔŋ ke ikɔ oro, nte owo esese utuenikaŋ eke ayamade ke ŋkim-ŋkim ebiet, tutu eyo esiere, utin onyuŋ asiaha ke esit mbufo;

2 PETER 1:19 ပူးပေါင်းရင်းမြစ်များ

ŊWED MME PSALM 119:105

Ikɔ fo edi utuenikaŋ ukot mi, ye uŋwana usuŋ mi.

MME ŊKE 6:23

Koro ibet edide utuenikaŋ; ewuhɔ onyuŋ edi uŋwana: ntunɔ ye item enyuŋ edi usuŋ uwem:

ISAIAH 14:12

Ŋwan ima ɔfiɔŋ, eyen usiere, afo anam didie oto ke enyɔŋ ɔduɔ! Emekpi fi eduɔk ke isɔŋ, kpa afo emi ɔkɔsɔŋde akan mme idut.

ISAIAH 41:26

Anie owo eketiŋ ke eritɔŋɔ, man nnyin ifiɔk? ye ke eset, man nnyin idɔhɔ ite, Enen? Ŋkɔm baba owo kiet eke etiŋde iduhe, ŋkɔm baba owo kiet eke obupde iduhe, ŋkɔm baba owo kiet eke okopde ikɔ mbufo iduhe.

ISAIAH 8:20

Ebup ewuhɔ ye ŋwed ntiense: ke mmɔ minyimeke ndidɔhɔ nte ekemde ye ikɔ emi, ke edi mmɔ eke midikwe usiere.

ISAIAH 9:2

Mbio oro ekesaŋade ke ekim ekut akwa uŋwana: ama edi mmɔ eke eketiede ke isɔŋ mfut mkpa, uŋwana ayama ɔnɔ mmɔ.

MATTHEW 4:16

Mbio oro eketiede ke ekim Ekut akwa uŋwana, Ama edi mmɔ eketiede ke isɔŋ mfut mkpa, Uŋwana ayama ɔnɔ mmɔ.

JOHN 5:35

John ekedi utuenikaŋ emi asakde onyiuŋ ayamade; mbufo ema enyuŋ enyime ndidara ke uŋwana esie ke ekpri ibio ini.

JOHN 5:39

Mbufo eduŋɔre Ŋwed Abasi, koro mbufo esede ete mme imɔ imenyene nsinsi uwem ke esit; ndien edi enye edi ntiense ɔnɔ Mi.

JOHN 8:12

Ntre ke Jesus ɔtɔŋɔ ntak etiŋ ɔnɔ mmɔ, ete, Ami ndi uŋwana ererimbot; owo eke etienede Mi idisaŋake ke ekim, edi eyenyene uŋwana uwem.

UTOM MME APOSTLE 15:29

ete mbufo ebet mme ŋkpɔ eke ewade enɔ ndem, ye iyip, ye unam eke eyiride yiri, enyuŋ etre use; ema ekpeme idem ke ŋkpɔ emi, eyefɔn ye mbufo. Etie suŋ.

UTOM MME APOSTLE 17:11

Mmɔ emi edi enyene-ido ekan mme andiduŋ Thessalonica; mmɔ ekop ikɔ ke erinyime esit, enyuŋ eduŋɔre ŋwed Abasi ke usen ke usen, ete ifiɔk mme mme ikɔ oro ekem ntre.

MME HEBREW 2:2

Koro edieke ikɔ eke ekedade mme angel etiŋ ɔsɔŋɔde ada, ndien kpukpru ndudue ye ntututɔŋ ebɔde ufen eke ekemde;

JAMES 2:8

Edi edieke mbufo enimde ewuhɔ Edidem, nte ewetde ke Ŋwed Abasi ete, Ma mbɔhiduŋ fo nte amade idem fo, mbufo enam se ifɔnde;

1 PETER 1:10

Edi erinyaŋa emi ke mme prophet ema etim eyom enyuŋ eduŋɔre, kpa mme prophet emi eketiŋde ebaŋa ufɔn eke edinɔde mbufo;

1 JOHN 5:10

Owo eke ɔbuɔtde idem ye Eyen Abasi enyene ikɔ-ntiense emi ke esit esie. Edi owo eke minimke Abasi ke akpanikɔ akanam Abasi ɔwɔrɔ osu-nsu, sia enye midaha ikɔ-ntiense emi Abasi ɔkɔnɔde nte akpanikɔ.

3 JOHN 1:6

Mmɔ eketie ntiense ebaŋa ima fo ke iso ufɔk Abasi. Ɔfɔn afo osio mmɔ unyɔŋ, nte odotde owo Abasi ndinam:

ERIYARARE 2:28

Ndien nyenɔ enye ntantafiɔŋ usenubɔk.

ERIYARARE 22:16

Ami Jesus ŋkɔdɔŋ angel Mi edisian fi ikɔ emi, man ada ɔnɔ mme ufɔk Abasi. Ami ndi Oruŋ ye Eyen David, ediyama ntantafiɔŋ usenubɔk.