2 PETER 1:18 - Edisana ñwed Abasi Ibom

¹⁸ nnyin ke idem nnyin ikokop uyo oro, nte otode ke enyɔŋ ɔwɔrɔ, ke ini nnyin idude ye Enye ke edisana obot oro.

2 PETER 1:18 ပူးပေါင်းရင်းမြစ်များ

EXODUS 3:1

NDIEN Moses ɔbɔk ufene Jethro, oku Midian, ete ŋwan esie; ndien enye ada ufene oro aka ke edem wilderness, onyuŋ osim ke Horeb obot Abasi.

EXODUS 3:5

Ndien enye ɔdɔhɔ ete, Kusaŋa ukpere ken; sio ikpa-ukot fo ke ukot fo fep: koro ɔtɔ oro afo adade ke esit edi edisana isɔŋ.

ISAIAH 11:9

Mmɔ idinamke idiɔk, idinyuŋ ibiatke ŋkpɔ ke ofuri edisana obot mi: koro ifiɔk Jehovah eyeyɔhɔ ke ererimbot, kpa nte mmɔŋ ofukde inyaŋ.

ISAIAH 56:7

nyeda mmɔ ndi ke edisana obot mi, nnyuŋ nnam mmɔ edat esit ke ufɔk akam mi: ndifɔp uwa mmɔ ye mme uwa emem mmɔ eyedi ŋkpɔ inem ke itie-uwa mi; koro ufɔk mi eyekere, ete, Ufɔk akam kpukpru mme idut.

ZECHARIAH 8:3

Ntem ke Jehovah ɔdɔhɔ, ete, Mmɔnyɔŋ ndi ke Zion, nyenyuŋ ndaŋ ke ufɔt Jerusalem: ndien Jerusalem eyekere, ete, Obio akpanikɔ; ye obot Jehovah mme udim, edisana obot.

MATTHEW 17:6

Ekem ke ini mbet ekopde uyo oro mmɔ eduɔŋɔ ekibi iso ke isɔŋ, ndik onyuŋ anam mmɔ eti-eti

JOSHUA 5:15

Ndien etubom mbon - ekɔŋ Jehovah ɔdɔhɔ Joshua, ete, Sio ikpa-ukot fo ke ukot fo fep: koro ebiet emi afo adade ke esit edide edisana. Ndien Joshua anam ntre.