2 PETER 1:17 - Edisana ñwed Abasi Ibom

¹⁷ Koro Enye ɔkɔbɔ ukpono ye ubɔŋ ke ubɔk Abasi Ete, ke adaŋemi uyo otode ke akakan ubɔŋ oro osim Enye ntem, ete, Emi edi Eyen mi, Eyen ima Mi, emi esit enemde Mi ye Enye:

2 PETER 1:17 ပူးပေါင်းရင်းမြစ်များ

ISAIAH 42:1

SE owo mi; nyemum enye ŋkama: se edimek owo mi emi adatde mi esit; mmodori enye spirit mi ke idem: enye eyenam ikpe ɔwɔrɔ ɔnɔ mme idut.

ISAIAH 53:10

Ndien Jehovah ama enye ndinuak; esin enye ɔdɔŋɔ: ukpɔŋ esie ama osio isop idiɔk-ŋkpɔ, enye eyekut ubɔŋ esiemɔ, mme usen esie eyebigi, ndien se Jehovah amade eyesiaha enye ke ubɔk.

MATTHEW 12:18

Sese owo Mi emi ŋkemekde; Ama Mi emi nnemde esit ye Enye: Nyedori Enye Spirit Mi ke idem, Ndien Enye eyenam ikpe ɔwɔrɔ ɔnɔ mme Gentile.

MATTHEW 17:3

Ndien sese, Moses ye Elijah ebiɔŋɔ mmɔ ke iso eneme nneme ye Enye.

MATTHEW 17:5

Ke ini enye osuk etiŋde, sese, nyayama ikpa-enyɔŋ ofuk mmɔ: ndien sese, uyo oto ke ikpa-enyɔŋ ɔwɔrɔ, ete, Emi edi edima Eyen Mi, emi mmenemesit ye Enye; ekop uyo Esie.

MATTHEW 28:19

Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit:

MATTHEW 3:17

ndien sese, uyo oto ke enyɔŋ ɔdɔhɔ ete, Emi edi edima Eyen Mi, emi esit enemde Mi eti-eti ye Enye.

MARK 1:11

uyo onyuŋ oto ke enyɔŋ, ete, Afo edi edima Enyen Mi; mmenem esit eti-eti ye Afo.

MARK 9:7

Ndien ikpa enyɔŋ edi edifuk mmɔ; uyo onyuŋ oto ke ikpa-enyɔŋ ɔwɔrɔ ete, Emi edi edima Eyen Mi: ekop uyo Esie.

LUKE 10:22

Ete Mi amayak kpukpru ŋkpɔ ɔnɔ Mi: ndien baba owo kiet ifiɔkke enye emi Eyen edide ke mibɔhɔke Ete: owo inyuŋ ifiɔkke enye emi Ete edide ke mibɔhɔke Eyen, ye owo ekededi eke Eyen amade ndiyarare Enye nnɔ.

LUKE 3:22

enyɔŋ eberere, ndien Edisana Spirit ɔsuhɔre ke mbiet ibiom edidoro Enye ke idem: ndien uyo oto ke enyɔŋ, ete, Afo edi edima eyen Mi; mmenem esit eti-eti ye Afo.

JOHN 10:15

Ami nnyuŋ mfiɔkde Ete; mmonyuŋ nyak uwem Mi nduɔk ke ibuot mme erɔŋ.

JOHN 10:36

nte mbufo edɔhɔ ebaŋa Enye emi Ete okonimde, ete isio Enye idɔŋ ke ererimbot, ete, Afo emesuene Abasi, koro ndɔhɔde nte, Ndi Eyen Abasi?

JOHN 14:11

Enim Mi ke akpanikɔ ete, Ami ndu ke Ete, Ete onyuŋ odu Mi ke idem; midige, enim se ntiŋde ke akpanikɔ ke ntak utom Mi.

JOHN 14:6

Jesus ɔbɔrɔ enye ete, Ami ndi usuŋ ye akpanikɔ ye uwem: owo baba kiet itieneke Ete, ibɔhɔke ebe ke ami.

JOHN 17:21

man mmɔ kpukpru ekpakam edi kiet, nte Afo, Ete, odude Mi ke idem, Ami nnyuŋ ndude ke Afo; man mmɔ enyuŋ edu ke nnyin: man ererimbot enim ke akpanikɔ ete, edi afo ɔkɔdɔŋ Mi.

JOHN 20:17

Jesus ete enye, Kutuk Mi; koro ndɔkke kaŋa ntiene Ete; edi bine nditɔ-ete Mi kɔdɔhɔ mmɔ ete, Mmɔŋ ndidɔk ntiene Ete Mi ye Ete mbufo, Abasi Mi ye Abasi mbufo.

JOHN 3:35

Ete amama Eyen, omonyuŋ ayak kpukpru ŋkpɔ esin Enye ke ubɔk.

JOHN 5:20

Koro Ete amama Eyen, omonyuŋ owut Enye kpukpru ŋkpɔ eke Enye ke Idem Esie anamde: Enye eyenyuŋ owut Eyen mme utom eke ekponde ekan emi, man enyene mbufo ndyɔ.

JOHN 5:26

Koro kpa nte Ete enyenede uwem ke Idem Esie, suk ntre ke Enye ɔkɔnɔ Eyen ndinyene uwem ke Idem Esie ŋko.

JOHN 6:27

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.

JOHN 6:37

Kpukpru mmɔ eke Ete ɔnɔde Mi eyetiene Mi; ndien owo eke etienede Mi ndibinke enye nduɔk.

JOHN 6:39

Ndien emi edi uduak Andidɔŋ Mi, ete, Ke otu kpukpru mmɔ eke Enye ɔkɔnɔde Mi, ŋkuyak ndomo kiet ɔbɔhɔ osop, edi nnam ofuri eset ke akpatre usen.

ŊWED MBON ROME 15:6

man mbufo ekpeda esit kiet ye inua kiet enɔ Abasi ye Ete Ɔbɔŋ nnyin Jesus Christ ubɔŋ.

2 ŊWED CORINTH 1:3

Itoro enyene Abasi ye Ete Ɔbɔŋ nnyin Jesus Christ, Ete mbɔm ye Abasi kpukpru ndɔŋesit:

2 ŊWED CORINTH 11:31

Abasi ye Ete Ɔbɔŋ nnyin Jesus, eke ubɔŋ enyenede Enye ke nsinsi, ɔmɔfiɔk ete nsuhu nsu.

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

2 JOHN 1:3

Mfɔn ye mbɔm ye emem eyeto ke ubɔk Abasi Ete, ye ke ubɔk Jesus Christ Eyen Ete, odu ye nnyin ke akpanikɔ ye ima.

JUDE 1:1

JUDAS emi edide owo Jesus Christ, ye eyen-eka James ewet ŋwed emi ɔnɔ esɔk mmɔ emi ekekotde, emi Abasi Ete amade, emi enyuŋ ekpemede mmɔ enɔ Jesus Christ.