2 PETER 1:12 - Edisana ñwed Abasi Ibom

¹² Ke ntak emi nduak nditi mbufo ŋkpɔ emi kpukpru ini, okposuk edi nte mbufo efiɔkde mmɔ, enyuŋ esɔŋɔde eda ke akpanikɔ eke odude ye mbufo.

2 PETER 1:12 ပူးပေါင်းရင်းမြစ်များ

UTOM MME APOSTLE 16:5

Ntre ke mme ufɔk Abasi esɔŋɔ ke mbuɔtidem, ibat mmɔ onyuŋ ɔtɔt ke usen ke usen.

ŊWED MBON PHILIPPI 3:1

NTE ukperedem ikɔ, nditɔ-ete mi, edat esit ke Ɔbɔŋ. Ndiwet kpa ŋkpɔ oro nnɔ esɔk mbufo ifekke mi, edi ɔfɔn ye mbufo.

ŊWED MBON COLOSSAE 1:5

emi otode ke idori-enyin emi ekenimde enɔ mbufo ke heaven, emi mbufo ekebemde iso ekop ebaŋa ke ikɔ akpanikɔ gospel emi okosimde mbufo;

ŊWED MBON COLOSSAE 2:7

yak mbufo emum ŋkam, enyuŋ ekɔri edaha eda ke Enye, enyuŋ edɔdiɔŋ esɔŋɔ eda ke mbuɔtidem, kpa nte ekekpepde mbufo, enyuŋ enɔ Abasi ekɔm eti-eti.

1ŊWED TIMOTHY 4:6

Edieke afo emende mme ŋkpɔ emi esin nditɔ-ete ke ekikere, afo eyedi, eti anam-utom Christ Jesus, emi ekebɔkde fi ke ikɔ mbuɔtidem ye eti ukpep-ŋkpɔ, eke afo akasaŋade ke esit.

2 ŊWED TIMOTHY 1:6

Ke ntak emi mmeti fi nte edemere enɔ Abasi, emi ekɔnɔde fi ke eridori fi ubɔk mi.

MME HEBREW 10:32

Edi eti mme usen ini oko, ini oro enyin ekatarade mbufo, mbufo ekenyuŋ ebiomde ɔkpɔsɔŋ ndusihere ndutuhɔ;

MME HEBREW 13:9

Ekuyak nsio-nsio esen ukpepŋkpɔ osio mbufo ke itie mbufo. Ɔfɔn esit enyene nsɔŋ-nda ke mfɔn Abasi, okuda ke nsio-nsio oruk udia; koro ido oro ikodorike mmɔ emi esaŋade esit.

1 PETER 5:10

Ndien Abasi kpukpru mfɔn, emi okokotde mbufo ete ediduk ke nsinsi ubɔŋ Imɔ ke Christ, ke ini mbufo ema ekut ukut ke ekpri ini, eyenam mbufo efɔn ema, enyuŋ esɔŋɔ eda, enyuŋ ekop idem.

1 PETER 5:12

Ŋwet ŋwed emi ibio-ibio nnɔ esɔk mbufo ke ubɔk silvanus, emi ndade nte eyen-ete emi anamde akpanikɔ; man nsɔŋɔ mbufo esit, nnyuŋ ŋwut mbufo nte, emi edi ata mfɔn Abasi. Esɔŋɔ eda ke esit.

2 PETER 1:13

Nnyuŋ mbat nte enen mi ndidemere mbufo ke eriti mbufo ŋkpɔ emi, adaŋa ini nte ndodu ke ataya emi;

2 PETER 1:15

Ke akpanikɔ nyesin ifik nti mbufo, man mma ndaha, mbufo ekpekeme nditi mme ŋkpɔ emi kpukpru ini.

2 PETER 3:1

NDIMA, emi edi udiana-akpa ŋwed emi ŋwetde nnɔ esɔk mbufo; ndien ke mmɔ mbiba ndemere edideŋi esit mbufo ke eriti ikɔ;

2 PETER 3:17

Edi ndima, sia mbufo ema ekebem iso efiɔk emi, ekpeme mbak nduyo mme anam-idiɔk edimen mbufo efep, onyuŋ anam mbufo ekpɔŋ nsɔŋɔ-nda mbufo.

1 JOHN 2:21

Ŋwetke nnɔ mbufo koro mbufo mifiɔkke akpanikɔ, edi koro mbufo efiɔkde akpanikɔ, enyuŋ ekutde ete, nsu baba kiet isaŋake ŋkpɔ ye akpanikɔ.

2 JOHN 1:2

ke ntak akpanikɔ eke oduŋde nnyin ke esit, edinyuŋ odude ye nnyin ke nsinsi.

JUDE 1:17

Edi ndima mi, mbufo eti ikɔ eke mme apostle Ɔbɔŋ nnyin Jesus Christ ekebemde iso etiŋ;

JUDE 1:3

Ndima, ke ini nsinde ifik eti-eti ŋwet nnɔ mbufo mbaŋa erinyaŋa eke enyenede nnyin kpukpru, esit enyik mi ŋko ndiwet ŋkekpe ye mbufo nte, esɔŋɔ eŋwana kabaŋa ikɔ mbuɔtidem, emi ema ekeyak ini kiet ko esin nti ikɔt Abasi ke ubɔk.

JUDE 1:5

Edi mmonyom nditi mbufo se mbufo ema ekefiɔk ema, nte, ke adaŋemi Jehovah ama akanyaŋa ikɔt osio ke Egypt, ekem Enye osobo mmɔ emi minimke ke akpanikɔ.