2 PETER 1:11 - Edisana ñwed Abasi Ibom

¹¹ koro edi ntem ke edinɔ mbufo ɔyɔhɔ odudu ndibe nduk ke nsinsi Obio Ubɔŋ Ɔbɔŋ ye Andinyaŋa nnyin Jesus Christ.

2 PETER 1:11 ပူးပေါင်းရင်းမြစ်များ

ŊWED MME PSALM 145:13

Ubɔŋ fo edi ata nsinsi ubɔŋ, afo onyuŋ akara ke ofuri emana.

ŊWED MME PSALM 36:8

Mmɔ eyeyere ke isek ufɔk fo: afo eyenyuŋ ɔnɔ mmɔ akpa inem ŋkpɔ fo eŋwɔŋ.

IKWƆ SOLOMON 5:1

O EYEN-EKA mi, ŋwan mi, mmoduk ke iŋwaŋ mi: mmɔŋ ntaŋ myrrh mi, ye ufuɔŋkpɔ mi, mmɔŋ ndia aran-ɔkwɔk mi, ye obukpa ɔkwɔk mi; mmɔŋ ŋŋwɔŋ wine mi ye mmɔŋ-eba mi. O mme ufan, mbufo edia: mbufo, mbon ima, eŋwɔŋ, eŋwɔŋ uwak-uwak.

ISAIAH 35:2

Eyediɔŋ asiaha ikɔŋ, onyuŋ ebre mbre, onyuŋ ɔkwɔ: eyenɔ enye ubɔŋ Lebanon, ye uyai Carmel ye Sharon; mmɔ eyekut ubɔŋ Jehovah, uyai Abasi nnyin.

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

DANIEL 7:27

Ndien mmɔ eda itie edidem, ye ubɔŋ, ye ukpono itie-edidem ke idak ofuri enyɔŋ enɔ edisana ikɔt Ata Edikoŋ; ubɔŋ esie edi nsinsi ubɔŋ, kpukpru mbɔŋ eyenyuŋ enam ŋkpɔ esie, enyuŋ ekop uyo esie.

MATTHEW 25:34

Ekem Edidem eyedɔhɔ mmɔ emi edude ke ubɔk nnasia, ete, Edi, mbufo emi Ete Mi ɔdiɔŋde, edida ubɔŋ emi ekonimde enɔ mbufo toto ke eritɔŋɔ ererimbot.

JOHN 10:10

Inɔ idige, ke mibɔhɔke man oyip, onyuŋ owot, onyuŋ osobo: Ami ŋkedi man mmɔ enyene uwem, enyuŋ edɔdiɔŋ enyene ekan.

ŊWED MBON ROME 2:4

Midige, mme esin uwak mfɔnido ye ndidop ye anyan ime Esie ke ndek, ke mufiɔkke ete mfɔnido Abasi ada fi oduk ke erikabare esit?

1 ŊWED CORINTH 15:24

Edikem ke edisim utit ini, emi Enye ediyakde itie-ubɔŋ Esie ɔnɔ Abasi, kpa Ete Esie; ke Enye ama okosobo kpukpru erikara ye kpukpru nsɔŋ-uyo ye odudu.

2 ŊWED CORINTH 5:1

KORO nnyin imɔfiɔk ite, edieke ataya eke idaŋde ke esit ke isɔŋ emi owurede, imenyene ufɔk eke Abasi ɔnɔde, eke midaha ubɔk owo ibɔp, eke ebigide ke nsinsi ke heaven.

ŊWED MBON EPHESUS 3:20

Enye emi ekemede ndinam ŋkpɔ awak akan se nnyin ibeŋede inyuŋ ikerede, nte odudu Esie eke anamde utom ke idem nnyin edide,

1ŊWED TIMOTHY 6:17

Sɔŋɔ dɔhɔ mme enyene-ŋkpɔ ke eyo emi, ete mmɔ ekumenere idem, ekunyuŋ edori enyin ke se iyaŋade owo nte enyene, edi edori enyin ke Abasi, emi ɔnɔde nnyin kpukpru ŋkpɔ uwak-uwak, ete idara ke esit.

2 ŊWED TIMOTHY 4:18

Ɔbɔŋ eyenyaŋa mi osio ke kpukpru idiɔk ndunam owo, eyenyuŋ ekpeme mi okosim Obio Ubɔŋ Esie ke heaven. Enɔ Enye ubɔŋ ke nsinsi-nsinsi. Amen.

2 ŊWED TIMOTHY 4:8

Ema enim anyanya eti ido ebeŋe mi, emi Ɔbɔŋ, kpa Edinen Ebierikpe, edinɔde mi ke usen oro; idinyuŋ inɔŋɔ mi ikpɔŋ, edi eyenyuŋ ɔnɔ kpukpru mmɔ emi emade eriyarare Esie.

MME HEBREW 6:17

Ntre sia Abasi oyomde mmɔ emi edidade uŋwɔŋɔ enyene etim ekut ete Enye idikpuhɔkere uduak Esie, Enye ada uŋwɔŋɔ edisin:

2 PETER 1:1

SIMON PETER, emi edide owo ye apostle Jesus Christ, ewet ŋwed emi ɔnɔ esɔk mmɔ emi ekɔbɔde utɔ ɔsɔŋ-urua mbuɔtidem eke ebietde eke nnyin, ke edinen ido Abasi nnyin ye Andinyaŋa Jesus Christ.

2 PETER 1:5

ke ntak emi ndien, mbufo ke ŋkaŋ mbufo esin ifik ke ofuri ukeme edian eti ido ke mbuɔtidem mbufo, enyuŋ edian ifiɔk ke eti ido, enyuŋ edian erifara ke idem ke ifiɔk,

2 PETER 2:20

Koro edieke mmɔ ema ekesaŋa ke ifiɔk Ɔbɔŋ ye Andinyaŋa nnyin Jesus Christ ebɔhɔ se isabarede owo uwem ke ererimbot, ndien mmɔ etɔŋɔ ntak ekɔmɔ ke esit, enyuŋ eyak ŋkpɔ oro akan mmɔ ubɔk, akpatre itie mmɔ akabare ɔdiɔk akan akpa.

2 PETER 3:18

Edi etie ke mfɔn ye ifiɔk Ɔbɔŋ ye Andinyaŋa nnyin Jesus Christ ekɔri ŋkɔri. Yak ubɔŋ enyene Enye ke emi ye ke nsinsi. Amen.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.

ERIYARARE 5:10

omonyuŋ anam mmɔ edi Obio Ubɔŋ ye mme oku enɔ Abasi: mmɔ eyenyuŋ eda ubɔŋ ke isɔŋ.