2 PETER 1:10 - Edisana ñwed Abasi Ibom

¹⁰ Ntre nditɔ-ete, edɔdiɔŋ esin ifik enam ikot eke ekekotde mbufo ye erimek eke emekde mbufo ɔsɔŋɔ ada: koro edieke mbufo enamde mme ŋkpɔ emi mbufo idikɔmɔke iduɔ;

2 PETER 1:10 ပူးပေါင်းရင်းမြစ်များ

ŊWED MME PSALM 112:6

Koro enye midisehekede ke nsinsi: owo edinen ido eyedi se editide ke nsinsi.

ŊWED MME PSALM 121:3

Andikpeme fi okuyak ukot fo ɔfiɔnɔre: enye okuyet idap.

ŊWED MME PSALM 15:5

Enye ibuɔtke inyene esie idia udori ikaha, inyuŋ ibɔhɔ enɔ ituk owo eke miduehe isop. Owo eke anamde ŋkpɔ emi idisehekede ke nsinsi.

ŊWED MME PSALM 37:24

Koro enye eyeduɔ, edi idinyanakede ina: koro Jehovah omumde enye ubɔk akama.

ŊWED MME PSALM 62:2

Edi enye ikpɔŋ-ikpɔŋ edi akwa itiat mi ye erinyaŋa mi; ye ebiet ubɔhɔ mi; ndifumke eti-eti.

ŊWED MME PSALM 62:6

Enye ikpɔŋ ikpɔŋ edi akwa itiat mi ye erinyaŋa mi, ye ebiet ubɔhɔ mi; ndisehekede.

ISAIAH 56:2

Ɔfɔfɔn ɔnɔ owo eke edinamde ŋkpɔ emi, ɔnɔ eyen owo eke edimumde ŋkpɔ emi akama; eke ekpemede sabbath, ndien mibiatke enye, onyuŋ ekpemede ubɔk esiemɔ, mbak edinam idiɔkŋkpɔ ekededi.

MICAH 7:8

Kubure ubaŋa mi, O usua mi; ke ini nduɔde, nyedaha ke enyɔŋ; ke ini ntiede ke ekim, Jehovah eyedi uŋwana mi.

MATTHEW 22:14

Koro mmɔ eke ekotde ewak, edi mmɔ eke emekde iwakke.

ŊWED MBON ROME 11:29

Koro Abasi mituaha mkpɔfiɔk ibaŋa enɔ ye ikot Esie.

2 ŊWED TIMOTHY 2:19

Edi ɔkpɔsɔŋ isɔŋ, eke Abasi okowukde ufɔk Esie ke esit, ɔsɔŋɔ ada; ndien enyene idiɔŋɔ ke esit ntem, ete, Abasi ɔmɔfiɔk mmɔ emi enyenede Enye; Ye, Yak kpukpru owo emi esemede ekot enyiŋ Ɔbɔŋ edianare ekpɔŋ ukwaŋkpɔ.

MME HEBREW 6:11

Edi ɔdɔŋ nnyin nte kpukpru mbufo ewut kpa oruk ifik oro, man enyene ɔyɔhɔ idorenyin tutu osim utit:

MME HEBREW 6:19

idori-enyin oro ke nnyin inyene nte ukwak ubom ukpɔŋ nnyin, eke midikpuhu nnyin, edi ɔsɔŋɔde omum isɔŋ, onyuŋ ebede oduk ekeyire ke se idude ke esit ukara;

JAMES 2:10

Koro owo ekededi eke edinimde ofuri ibet, edi eduede ke nde kiet kpɔt, amakabare edue isop ke ofuri ibet.

JOSHUA 7:3

Ekem mmɔ efiak etiene Joshua, enyuŋ edɔhɔ enye, ete, Kunam kpukpru owo edɔk; yak tɔsin owo iba, mme tɔsin owo ita edɔk ekesobo Ai, kunam kpukpru owo eka utom do: koro mmɔ oro edide esisit.

1 PETER 1:2

emi Abasi Ete ekemekde mmɔ, nte asaŋade ekekem ye mbem-iso ifiɔk Esie, emi Spirit onyuŋ osuk ananam mmɔ esana, man mmɔ ekpesuk ibuot enɔ Jesus Christ, Enye okponyuŋ ada iyip Esie osime mmɔ ke idem. Mfɔn ye emem akpakam osim mbufo uwak-uwak.

1 PETER 1:5

Abasi okonyuŋ onim udeme oro ke heaven ɔnɔ mbufo, emi Enye adade odudu Esie ekpeme oto ke mbuɔtidem, ete, edisim erinyaŋa eke enimde ebet akpatre ini ndiwut idem.

2 PETER 1:3

Sia Odudu Abasi ama ɔkɔnɔ nnyin kpukpru ŋkpɔ eke esaŋade ye uwem ye uteŋe Abasi, oto erifiɔk Enye emi akadade ubɔŋ ye nti ido Esie okot nnyin;

2 PETER 1:5

ke ntak emi ndien, mbufo ke ŋkaŋ mbufo esin ifik ke ofuri ukeme edian eti ido ke mbuɔtidem mbufo, enyuŋ edian ifiɔk ke eti ido, enyuŋ edian erifara ke idem ke ifiɔk,

2 PETER 3:14

Mmɔdo ndima, sia mbufo etiede ebet mme ŋkpɔ emi, enyene ifik ndien, man Enye okposim mbufo nte etiede ke emem, enana ntɔi, enyuŋ enana ndo ke enyin Esie.

2 PETER 3:17

Edi ndima, sia mbufo ema ekebem iso efiɔk emi, ekpeme mbak nduyo mme anam-idiɔk edimen mbufo efep, onyuŋ anam mbufo ekpɔŋ nsɔŋɔ-nda mbufo.

JUDE 1:24

Ama edi Enye emi ekemede ndikpeme mbufo, ete, ekuduɔ, ndinyuŋ nnam mbufo eda ke iso Ubɔŋ Esie ke akwa idaresit, enana ndo;

ERIYARARE 22:14

Ɔfɔfɔn ɔnɔ mmɔ eke eyetde ɔfɔŋidem mmɔ asana, man mmɔ ekpenyene unen ndisim eto uwem, ekpenyuŋ ebe ke inua-otop eduk ke esit obio.