2 NDIDEM 9:7 - Edisana ñwed Abasi Ibom

⁷ Wot ndien ufɔk Ahab usɔ, man nsio usiene iyip ikɔt mi mme prophet, ye iytip kpukpru ikɔt Jehovah, ke ubɔk Jezebel.

2 NDIDEM 9:7 ပူးပေါင်းရင်းမြစ်များ

1 NDIDEM 18:4

koro edikem adaŋemi Jezebel okowotde mme prophet Jehovah, Obadiah ada prophet ikie, odip mmɔ owo aba ye duop, aba ye duop, ke aba itiat, onyuŋ ɔbɔk mmɔ ke uyo ye mmɔŋ.)

1 NDIDEM 21:15

Edikem adaŋemi Jezebel okopde ete ke ema eketɔŋɔ Naboth ke itiat ewot, Jezebel ɔdɔhɔ Ahab, ete, Daha ke enyɔŋ, ka da iŋwaŋ-vine Naboth a Jezreel oro enye ekesinde ndinɔ fi ke okuk: koro Naboth miduhe aba uwem, edi amakpa.

1 NDIDEM 21:21

Sese, ami mmɔŋ nda idiɔk-ŋkpɔ ntiene fi, nnyuŋ mbine fi ndikpɔri fi mfep, nnyuŋ nsibe irenowo Ahab, ye ofin ye eyen-isɔŋ, mfep ke Israel;

1 NDIDEM 21:25

Edi oruk owo nte Ahab ikoduhe, emi akanyamde idem esie ndinam idiɔk ke iso Jehovah, emi Jezebel ŋwan esie esinde nsɔk.

2 NDIDEM 10:10

Mbufo efiɔk, ndien, ete ke baba ikɔ Jehovah kiet, emi Jehovah ɔkɔdɔhɔde abaŋa ufɔk Ahab iduɔhɔ ke isɔŋ: edi Jehovah amanam se enye ɔkɔdɔhɔde ke inua Elijah owo esie.

2 NDIDEM 10:11

Ntem ke Jehu owot kpukpru owo ufɔk Ahab eke esuhɔde ke Jezreel, ye kpukpru ikpɔ owo esie, ye mme ɔdiɔŋɔ esie, ye mme oku esie, tutu ikpɔŋke ndomo owo kiet inɔ enye.

2 CHRONICLES 22:7

Ndien nsobo Ahaziah oto Abasi ke erika ke ɔtɔ Joram: ndien adaŋemi enye akade, enye etiene Jehoram ɔwɔrɔ okosobo ye Jehu eyen Nimshi, emi Jehovah ekeyetde aran, ete osibe ufɔk Ahab efep.

JEREMIAH 26:5

nnyuŋ ŋkop ikɔ ikɔt mi mme prophet, emi ami ŋkɔdɔŋde utom ke ɔtɔ mbufo, mbabak ndɔŋ, edi mbufo ikokopke;

MATTHEW 23:35

man ofuri edinen iyip emi eduɔkde ke isɔŋ ɔkpɔkɔbɔ mbufo, ɔtɔŋɔde ke iyip edinen Abel, tutu osim iyip Zachariah, eyen Barachiah, emi mbufo ekowotde ke ufaŋ emi odude ke ufɔt temple ye itie-uwa.

ŊWED MBON ROME 12:19

Ekusio usiene enɔ idem mbufo, ndima mme ufan mi, edi ebɔk idem ke usuŋ enɔ iyaresit Abasi: koro ewet ete, Jehovah ete, Usiene enyene Mi, Ami nyesio usiene.

ŊWED MBON ROME 13:4

koro enye edide anam-utom Abasi, man ŋkpɔ ɔfɔn ye afo. Edi edieke afo anamde se idiɔkde, fehe ndik; koro enye ikamake ofut ke ikpikpu: koro enye edi anam-utom Abasi, andisio usiene ndiyarare iyaresit ye enye emi anamde idiɔk.

DEUTERONOMY 32:35

Ufen ye usiene edi okim; ukot mmɔ eyefiɔnɔde ke ekem ini: koro usen nditaha mmɔ emekpere, ndien se ibeŋede mmɔ ke ɔnyuŋ ɔsɔp itɔk edi.

DEUTERONOMY 32:43

Mbufo mme idut, etiene ikɔt esie esioŋo mkpo idara: koro enye omosio usiene iyip ifin esie, omonyuŋ osio usiene ye mme asua esie, onyuŋ osio isop isɔŋ esie, kpa eke ikɔt esie.

MME HEBREW 10:30

Koro nnyin imɔfiɔk Enye emi ɔdɔhɔde ete, Usiene edi okim, nyesio usiene; onyuŋ ɔdɔhɔde ŋko ete, Jehovah eyekpe ikpe ikɔt Esie.

ERIYARARE 18:20

Edara ebaŋa enye O heaven, ye mbufo nti ikɔt Abasi ye mme apostle ye mme prophet, koro Abasi ama ekpe ikpe ibuot mbufo ye enye.

ERIYARARE 19:2

koro mme ikpe Esie edi ata akpanikɔ enyuŋ enen; koro Enye ama ebiere ikpe akwa akpara, emi akadade use esie abiat isɔŋ, Enye onyuŋ ada usiene iyip ikɔt Esie odori enye ke ibuot.

ERIYARARE 2:20

Edi mmenyene se ndade mbiom fi, ete, ayak itie ɔnɔ ŋwan oro, Jezebel, emi okotde idem prophet-aŋwan; onyuŋ adade abiaŋa ekpep ikɔt Mi ndinam use, nnyuŋ ndia se ekewade enɔ ndem.