2 NDIDEM 9:6 - Edisana ñwed Abasi Ibom

⁶ Ndien enye adaha ke enyɔŋ oduk ke ufɔk; ndien enye ada aran oro ɔtɔhɔ enye ke ibuot, onyuŋ ɔdɔhɔ enye, ete, Ntem ke Jehovah Abasi Israel ɔdɔhɔ, ete, Mmeyet fi aran nnim ke edidem Israel, ikɔt Jehovah

2 NDIDEM 9:6 ပူးပေါင်းရင်းမြစ်များ

1 NDIDEM 1:34

ndien yak Zadok oku ye Nathan prophet eyet enye aran do enim ke edidem Israel: mbufo enyuŋ eda obukpoŋ efuri, enyuŋ edɔhɔ, ete, Yak Solomon edidem odu uwem.

1 NDIDEM 10:9

Etoro Jehovah Abasi fo, emi amade fi, onyuŋ emende fi odori ke ebekpo Israel: koro Jehovah amade Israel ke nsinsi esin enye onim fi ke edidem, man afo ekpe ikpe eke enende.

1 NDIDEM 14:7

Ka kɔdɔhɔ Jeroboam, ete, Ntem ke Jehovah Abasi Israel ɔdɔhɔ ete, Koro ami ŋkemenerede fi ke ufɔt obio, nnyuŋ nnim fi ke ɔbɔŋ ikɔt mi Israel,

1 NDIDEM 16:2

Koro ŋkemenerede fi ke ntɔŋ, nnyuŋ nnimde fi ke etubom ikɔt mi Israel; ndien afo ama akasaŋa ke usuŋ Jeroboam, onyuŋ esin ikɔt mi Israel ediɔk, enyuŋ eyat mi esit ke idiɔk mmɔ; sese,

1 NDIDEM 19:16

nyuŋ yet Jehu eyen Nimshi aran nim ke edidem Israel: nyuŋ yet Elisha eyen Shaphat, emi otode ke Abel meholah, nim ke prophet ke itie fo.

1 NDIDEM 3:8

Owo fo onyuŋ odu ke otu ikɔt fo emi afo ekemekde, kpa ekese owo, emi uwak mmɔ miyakke owo odomo,

2 NDIDEM 9:3

ndien men ekpeme aran emi, tɔhɔ enye ke ibuot, nyuŋ ɔdɔhɔ, ete, Ntem ke Jehovah ɔdɔhɔ ete, Mmeyet fi aran nnim ke edidem Israel. Ndien sio usuŋ, fehe, kubet.

2 NDIDEM 9:5

Ekem ke ini enye edide, sese, mme etubom mbon-ekɔŋ ke etie do; ndien enye ɔdɔhɔ ete, Mmenyene ikɔ eke ndɔhɔde ye afo, etubom. Ndien Jehu ɔdɔhɔ ete, Ye anie nnyin kpukpru? Ndien enye, ete ye afo, etubom.

2 CHRONICLES 22:7

Ndien nsobo Ahaziah oto Abasi ke erika ke ɔtɔ Joram: ndien adaŋemi enye akade, enye etiene Jehoram ɔwɔrɔ okosobo ye Jehu eyen Nimshi, emi Jehovah ekeyetde aran, ete osibe ufɔk Ahab efep.

ŊWED MME PSALM 2:6

Ndien edi ami mmonim edidem mi ke enyɔŋ Zion edisana obot mi.

ŊWED MME PSALM 75:6

Koro uforo mitoho ke edem usiaha-utin, minyuŋ itoho ke edem usop-utin, minyuŋ itoho ke wilderness ikpɔ obot.

ISAIAH 45:1

NTEM ke Jehovah ɔdɔhɔ Cyrus, emi enye eyetde aran, emi mmumde enye ubɔk nnasia, nte, Nyedigi mme idut ke iso esie; nnyuŋ ntat ndidem isin, man mberere itim ke iso esie; ndien mmɔ idiberike enyin-usuŋ;

DANIEL 2:21

enye onyuŋ ɔkpuhɔre ini ye mme isua, ke emen ndidem efep, onyuŋ onim ndidem ke itie: ke ɔnɔ mbon-ɔniɔŋ eti ibuot, onyuŋ ɔnɔ mme asian ifiɔk.

DANIEL 4:17

Ŋkpɔ emi oto ke ewuhɔ mme andikpeme, ikɔ emi onyuŋ oto ke uyo me edisana (angel); man mmɔ eke edude uwem efiɔk ete ke Ata Edikoŋ edi etubom ke ubɔŋ ererimbot, onyuŋ ada enye ɔnɔ owo eke enye amade, onyuŋ emen ata ŋkpri owo odori, ete edi etubom ke esit.

DANIEL 4:32

Ubɔŋ amadaha ɔkpɔŋ fi; ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt; eyebɔk fi ke mbiet nte enaŋ; ndien isua itiaba eyebe fi, tutu afo edifiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

1 SAMUEL 10:1

NDIEN Samuel ada ekpeme aran ɔtɔhɔ enye ke ibuot, ndien otim enye inua, onyuŋ ɔdɔhɔ ete, Nte idige koro Jehovah eyetde fi aran onim ke etubom udeme esie?

1 SAMUEL 2:7

Jehovah anam owo ebuene, onyuŋ anam enyene ŋkpɔ: enye ɔduɔk ke isɔŋ, onyuŋ emen onim ke enyɔŋ.

1 SAMUEL 2:8

Anam ubuene adaha ke ntɔŋ, onyuŋ emen mme anana ŋkpɔ ke ifum odori, ete inam mmɔ etie ye mbɔŋ, enye onyuŋ ɔnɔ mmɔ ebekpo ubɔŋ enyene: koro mme obubɔk ererimbot enyenede Jehovah, ndien enye amada ekondo odori mmɔ ke esit.