2 NDIDEM 9:27 - Edisana ñwed Abasi Ibom

²⁷ Adaŋoro Ahaziah edidem Judah okutde, enye efehe ke usuŋ ufɔk iŋwaŋ. Ndien Jehu ebine enye, onyuŋ ɔdɔhɔ ete, Mbufo ewot enye ŋko ke chariot esie, ke obot Gur emi ekperede Ibleam; ndien enye efehe aka ke Megiddo, onyuŋ akpa do.

2 NDIDEM 9:27 ပူးပေါင်းရင်းမြစ်များ

1 NDIDEM 21:2

Ndien Ahab eneme ye Naboth, ete, Nɔ mi iŋwaŋ vine fo, man nda enye nnim ke iŋwaŋ-ikɔŋ, koro enye ekperede mben ufɔk mi: ndien nyeda iŋwaŋ-vine eke ɔfɔnde akan enye, nnɔ fi ke ibuot esie; edi ama enem fi, nyenɔ fi okuk ke ekɔm-urua esie.

1 NDIDEM 4:12

Baana eyen Ahilud ada Taanach ye Meggido, ye ofuri Beth-shean, emi ekperede Zarethan, ke idak Jezreel, ɔtɔŋɔde ke Beth-shean tutu osim ke Abel-meholah, ye ke edem Jokmean oko;

2 NDIDEM 10:4

Edi ndik anam mmɔ eti-eti; ndien mmɔ edɔhɔ ete, Sese, ndidem iba ikadaha enye ke iso; nnyin idinam didie ndien ida?

2 NDIDEM 11:1

EKEM ke ini Athaliah, eka Ahaziah, okutde ete ke eyen imɔ amakpa, enye adaha ke enyɔŋ osobo ofuri ubon edidem.

2 NDIDEM 12:1

JEHOASH osim isua itiaba ke ini enye adade ubɔŋ. Jehoash ada ubɔŋ ke ɔyɔhɔ isua Jehu itiaba; onyuŋ edi edidem ke Jerusalem ke isua aba. Enyiŋ eka esie onyuŋ ekere Zibiah a Beer-sheba.

2 NDIDEM 12:21

Ntre ke Jozacar eyen Shimeath, ye Jehozabad eyen Shomer, ikɔt esiemɔ, etɔ enye ewot; ndien ebuk enye ye mme ete esie ke obio David: ndien Amaziah eyen esie ada ubɔŋ ke itie esie.

2 NDIDEM 14:19

Ekem mmɔ eduk odu ebaŋa enye ke Jerusalem: ndien enye efehe aka Lachish; edi mmɔ edɔŋ ebine enye ke Lachish, enyuŋ ewot enye do.

2 NDIDEM 21:23

Ndien ikɔt Amon eduk odu ebaŋa enye, enyuŋ ewot edidem ke ufɔk esiemɔ.

2 NDIDEM 8:29

Ndien edidem Joram afiak ke Jezreel, ete ikɔkɔk unan oro mme Syrian ekenɔde enye ke Ramah, ke ini enye akaŋwanade ekɔŋ ye Hazael edidem Syria. Ahaziah eyen Jehoram edidem Judah onyuŋ ɔsuhɔre aka ndise Joram eyen Ahab ke Jezreel, koro enye ɔdɔŋɔde.

MME ŊKE 13:20

Owo eke asaŋade ye mme enyene-ibuot eyenyene ibuot: edi nsaŋa mbon ndisime eyediɔŋ ɔdiɔk.

NUMBERS 16:26

Ndien enye ɔdɔhɔ mbon esop, ete, Mbɔk edaŋa ke mme tent mme idiɔk owo emi, ekunyuŋ etuk baba ŋkpɔ kiet eke mmɔ enyenede, mbak edisobo mbufo ke kpukpru mme idiɔk ido mmɔ.

2 ŊWED CORINTH 6:17

Mmɔdo, Jehovah ɔnɔ uyo ete, Ewɔŋɔ ke otu mmɔ, enyuŋ edianare eda. Ekunyuŋ etuk ŋkpɔ ndek baba kiet; Ndien nyedara mbufo,

JOSHUA 17:11

Manasseh onyuŋ enyene Beth-shean, ye mme obio esie, ye Ibleam, ye mme obio esie, ye mme andiduŋ Dor, ye mme obio esie, ye mme andiduŋ Endor, ye mme obio esie, ye mme andiduŋ Taanach, ye mme obio esie, ye mme andiduŋ Megiddo, ye mme obio esie, edem obot ita.

JUDGES 1:27

Ndien Manasseh ŋko idaha Beth-shean ye mme obio iŋwaŋ esie inyene, ye Taanach ye mme obio iŋwaŋ esie, inyuŋ isioho mme adiduŋ Dor ye mme obio iŋwaŋ esie, ye mme andiduŋ Ibleam ye mme obio iŋwaŋ esie, ye mme andiduŋ Megiddo ye mme obio iŋwaŋ esie; edi mme Canaanite ekeduak ndiduŋ ke isɔŋ oro.

JUDGES 5:19

Ndidem ekedi ekeŋwana ekɔŋ; ndien ndidem Canaan ekeŋwana ke Taanach ke mben mmɔŋ Megiddo; mmɔ ikwe mbume silver.