2 NDIDEM 9:11 - Edisana ñwed Abasi Ibom

¹¹ Ekem Jehu ɔwɔrɔ etiene ikɔt ete esie: ndien owo kiet obup enye, ete, Nte ɔfɔn? Idat oro ekedi nso ke ɔtɔ fo? Ndien enye ɔbɔrɔ mmɔ ete, Mbufo emefiɔk owo emi, emenyuŋ efiɔk uyo esie.

2 NDIDEM 9:11 ပူးပေါင်းရင်းမြစ်များ

2 NDIDEM 4:26

Shunammite emi ko: fehe, ndien, kosobo ye enye, nyuŋ bup enye, Nte ɔfɔn ye afo? Nte ɔfɔn ye uberi?

2 NDIDEM 5:21

Ntre ke Gehazi ebine Naaman. Ekem adaŋemi Naaman okutde ete ke ebine imɔ, enye oto ke chariot esie ɔsuhɔre edisobo ye enye, ndien obup enye, ete, Nte ŋkpɔ ɔfɔn?

2 NDIDEM 9:12

Ndien mmɔ ete, Nsu; tiŋ nɔ nnyin, mbɔk. Ndien enye ete, Ntem ye ntem ke enye ɔkɔdɔhɔ mi, ete, Ntem ke Jehovah ɔdɔhɔ ete, Mmeyet fi aran nnim ke edidem Israel.

2 NDIDEM 9:17

Ekem owo emi ekpemede ada ke enyɔŋ tower ke Jezreel, ndien enye okut udim Jehu nte enye edide, onyuŋ ɔdɔhɔ ete, Ami ŋkut udim owo. Ndien Jehoram ɔdɔhɔ ete, Sio odoro-horse kiet, dɔŋ ete aka okosobo ye mmɔ, onyuŋ obup mme edi ke emem.

2 NDIDEM 9:19

Ndien enye ɔdɔŋ odoro-horse efen; enye onyuŋ aka okosim mmɔ, onyuŋ obup ete, Ntem ke edidem ɔdɔhɔ, ete, Mme edi emem? Ndien Jehu ɔbɔrɔ ete, Afo asaŋa nso ye emem?

2 NDIDEM 9:2

ndien ke adaŋemi afo osimde do, yom Jehu eyen Jehoshaphat, eyen Nimshi do, ndien be duk kanam enye adaha ke otu nditɔ-ete esie ɔwɔrɔ, ndien da enye duk ke esit ubet;

2 NDIDEM 9:22

Edikem ke ini Jehoram okutde Jehu, enye obup ete, Nte edi emem, Jehu? Ndien enye ɔbɔrɔ ete, Nso emem, adaŋa ini nte use Jezebel uka, ye ediwak idiɔŋ esie ebigide?

ISAIAH 59:15

Ndien akpanikɔ anana; owo eke akabarede ɔkpɔŋ idiɔk onyuŋ onim idem esie ke ŋkpɔ mbume. Ndien Jehovah okut, ndien ɔdiɔk enye ke enyin, koro edinen ikpe miduhe.

JEREMIAH 29:26

“Jehovah okonim fi ke oku ke ibuot Jehoiada oku, man mme etubom ekpedu ke ufɔk Jehovah, ebaŋa kpukpru owo eke edamade idat, enyuŋ enimde idem mmɔ ke prophet, man afo onyuŋ esin mmɔ ke ebuka ye ke ufɔk ukwak.”

HOSEA 9:7

Mme usen ufen emedi, mme usen usiene emedi; Israel eyefiɔk: prophet edi owo ndisime, owo spirit adama idat, kabaŋa akamba idiɔk ido fo ye akwa usua.

MARK 3:21

Edi ke ini iman Esie ekopde, mmɔ ewɔŋɔ eka ndimum Enye: koro mmɔ edɔhɔde ete, Ibuot ɔbɔhɔ Enye.

JOHN 10:20

Ediwak mmɔ ete, Enye enyene demon, idat onyuŋ anam Enye: nsinam mbufo ekopde ikɔ Esie?

UTOM MME APOSTLE 17:18

Ndusuk mme ɔfiɔkŋkpɔ owo, emi etienede ukpep-ŋkpɔ Epicurus ye ukpep-ŋkpɔ mme Stoic, eneni eneni ye enye. Ndusuk mmɔ ete, Nso ke owo emi oyom nditiŋ ye mbubek ifiɔk esie? Ndusuk eŋwen ete, Enye etie nte andikwɔrɔ isen Abasi: mmɔ etiŋ ntre koro enye ɔkwɔrɔde Jesus ye ediset ke mkpa.

UTOM MME APOSTLE 26:24

Ndien nte Paul etiŋde ikɔ akaŋ idem ntem, Festus okot enye ke ɔkpɔsɔŋ uyo ete, Paul, idat omum fi; akwa ukpep-ŋkpɔ anam fi ɔdɔŋɔ idat.

1 ŊWED CORINTH 4:10

Nnyin idi ndisime kabaŋa Christ, edi mbufo edi mme enyene-ibuot owo ke Christ; nnyin idi mmeme, edi mbufo emokop idem; mbufo enyene ukpono, edi nnyin idia esuene.

2 ŊWED CORINTH 5:13

Koro edieke ibuot ɔbɔhɔde nnyin, ɔwɔrɔ nnyin ntre ɔnɔ Abasi; onyuŋ edieke nnyin inyenede eti ibuot, edi man ɔfɔn ye mbufo.