2 NDIDEM 9:1 - Edisana ñwed Abasi Ibom

¹ EKEM Elisha prophet okot eyen mme prophet kiet, onyuŋ ɔdɔhɔ enye, ete, Bɔbɔ mbɔbɔ fo ke isin, nyuŋ da ekpeme aran emi ke ubɔk fo, ka ke Ramoth-gilead:

2 NDIDEM 9:1 ပူးပေါင်းရင်းမြစ်များ

1 NDIDEM 1:39

Zadok oku onyuŋ osio nduk aran ke efe, aka ekeyet Solomon ke idem.Mmɔ enyuŋ efuri obukpoŋ; ndien kpukpru owo edɔhɔ ete, Yak edidem Solomon odu uwem.

1 NDIDEM 18:46

Ndien ubɔk Jehovah odoro Elijah ke idem; ndien enye ɔbɔbɔ mbɔbɔ ke isin esie, onyuŋ ebem Ahab iso efehe tutu osim ke inua-otop Jezreel.

1 NDIDEM 19:16

nyuŋ yet Jehu eyen Nimshi aran nim ke edidem Israel: nyuŋ yet Elisha eyen Shaphat, emi otode ke Abel meholah, nim ke prophet ke itie fo.

1 NDIDEM 20:35

Ekem owo kiet ke otu nditɔ mme prophet ɔdɔhɔ mbɔhiduŋ esie ke uyo Jehovah, ete, Mbɔk, kam tɔ mi. Edi owo oro inyimeke nditɔ enye.

1 NDIDEM 22:20

Ndien Jehovah ɔdɔhɔ enye ete, Anie editap Ahab, man enye ɔdɔk aka ɔkɔduɔ ke Ramoth-gilead? Ndien kiet ɔdɔhɔ ntem, kiet eken onyuŋ ɔdɔhɔ ntem.

1 NDIDEM 22:4

Ndien enye obup Jehoshaphat, ete, Nte afo onyime ndisaŋa ye ami, ŋka ekɔŋ ke Ramoth - gilead? Ndien Jehoshaphat ɔdɔhɔ edidem Israel, ete, Ami nnam nte afo anamde, ikɔt mi nte ikɔt fo, mme horse mi nte horse fo.

2 NDIDEM 2:15

Ndien adaŋemi nditɔ mme prophet oro edude ke Jericho ke edem oko ekutde, mmɔ edɔhɔ ete, spirit Elijah odu Elisha ke idem. Ndien mmɔ eka ekesobo ye enye, enyuŋ enuhɔ ke isɔŋ enɔ enye.

2 NDIDEM 2:3

Ntre ke mmɔ esuhɔre eka ke Beth-el. Ndien nditɔ mme prophet oro edude ke Beth-el ewɔŋɔ etiene Elisha, enyuŋ edɔhɔ enye, ete, Nte afo ɔmɔfiɔk ete ke Jehovah eyemen usɔ ɔbɔ fi mfin emi? Ndien enye ete, Ih, ami mmɔfiɔk;

2 NDIDEM 2:5

Ndien nditɔ mme prophet emi edude ke Jericho etiene Elisha, ekedɔhɔ enye, ete, Nte afo ɔmɔfiɔk ete ke Jehovah eyemen usɔ ɔbɔ fi mfin emi? Ndien enye ɔdɔhɔ ete, Ih, ami mmɔfiɔk ŋko; mbufo edop uyo.

2 NDIDEM 2:7

Ndien nditɔ mme prophet, owo aba ye duop, eka ekeda nsan nsan, esak iso ese mmɔ: ndien mmɔ mbiba eda ke mben Jordan.

2 NDIDEM 4:1

EKEM ŋwan kiet ke otu iban nditɔ mme prophet eseme ɔnɔ Elisha, ete, Ebe mi, owo fo, amakpa; afo omonyuŋ ɔfiɔk ete ke owo fo edi owo eke abakde Jehovah: ndien owo-ebuɔt esie emedi ndida nditɔ-iren mi iba ke idemesie nnim ke ifin.

2 NDIDEM 4:29

Ndien Elisha ɔdɔhɔ Gehazi, ete, Bɔbɔ mbɔbɔ ke isin, nyuŋ da esaŋ mi ke ubɔk fo, ka: okut owo ke usuŋ, kukɔm enye; owo onyuŋ ɔkɔm fi, kuyere enye; ndien dori eyen oro esaŋ mi ke iso.

2 NDIDEM 9:4

Ntre ke akparawa oro, kpa eyen mme prophet, aka ke Ramoth-gilead.

2 CHRONICLES 22:1

NDIEN mme andiduŋ Jerusalem eda Ahaziah ekpri eyen esie enim ke edidem ke itie esie: koro udim oro ekesaŋade ye mme Arabian edi ke nna-ekɔŋ, ekewotde kpukpru mbiowo esie.

2 CHRONICLES 22:5

Enye ŋko asaŋa ke item mmɔ, onyuŋ etiene Jehoram eyen Ahab edidem Israel, aka ndiŋwana ekɔŋ ye Hazael edidem Syria ke Ramoth-gilead: ndien mme Syrian enɔ Joram unan.

JEREMIAH 1:17

Afo, ndien, bɔbɔ mbɔbɔ ke isin fo, nyuŋ daha da, nyuŋ nam kpukpru se ami nditemede fi tiŋ nɔ mmɔ: kuyak esit ɔduɔ fi ubaŋa mmɔ, mbak ami ndinam esit ɔduɔ fi ke iso mmɔ.

MATTHEW 26:7

ŋwan kiet akama otu alabaster, emi esinde ata ɔsɔŋ-urua ufuɔŋkpɔ ke esit, etiene Enye, ɔtɔhɔ Enye ufuɔŋkpɔ ke ibuot, nte Enye etiede ke itie -udia.

DEUTERONOMY 4:1

O ISRAEL, mbufo ekop, ndien, mme ewuhɔ, ye mbet emi ŋkpepde mbufo nte enam, man mbufo edu uwem, enyuŋ eduk ekeda isɔŋ emi Jehovah Abasi mme ete mbufo ɔnɔde mbufo.

DEUTERONOMY 4:3

Enyin mbufo emekut se Jehovah akanamde ke ikɔ Baal-peor; koro ama edi kpukpru owo emi eketienede Baal-peor, Jehovah Abasi mbufo ama osobo mmɔ ke otu mbufo efep.

1 PETER 1:13

Mmɔdo efak ɔfɔŋ esit mbufo, efara ke idem, enyuŋ edori enyin ɔyɔhɔ-ɔyɔhɔ ke ufɔn eke edidade esɔk mbufo ke eriyarare Jesus Christ.

1 SAMUEL 10:1

NDIEN Samuel ada ekpeme aran ɔtɔhɔ enye ke ibuot, ndien otim enye inua, onyuŋ ɔdɔhɔ ete, Nte idige koro Jehovah eyetde fi aran onim ke etubom udeme esie?

1 SAMUEL 16:1

EKEM Jehovah ɔdɔhɔ Samuel, ete, Adaŋa didie ke afo editua Saul, sia mma nsio enye mfep ke idaha edidem Israel? Sin aran ke nduk fo yɔhɔ; ndien ka, nyedɔŋ fi utom ke ebiet Jesse eyen Bethlehem: koro mmokut edidem mi ke otu nditɔ-iren esie.