2 NDIDEM 8:7 - Edisana ñwed Abasi Ibom

⁷ Ekem Elisha aka Damascus, ndien Ben-hadad edidem Syria ke ɔdɔŋɔ; ndien etiŋ enɔ enye, ete, Owo Abasi oro emedi ken.

2 NDIDEM 8:7 ပူးပေါင်းရင်းမြစ်များ

GENESIS 14:15

Ndien enye ye nditɔ ufɔk esie ebahare idem mmɔ; etiene mmɔ oro ke okoneyo, edisuan mmɔ, enyuŋ ebine mmɔ tutu osim ke Hobah, emi odude ke ubɔk ufien Damascus.

1 NDIDEM 11:24

ndien enye ɔkɔ owo adian idem, onyuŋ akabare edi etubom udim owo, adaŋemi David owotde mmɔ: ndien mmɔ eka ke Damascus ekeduŋ ke esit, enyuŋ eda ubɔŋ ke Damascus.

1 NDIDEM 13:1

EKEM, sese, owo Abasi kiet okoto ke Judah ke uyo Jehovah, aka ke Bethel, ndien Jeroboam ke ada ke iso itie-uwa oro ɔfɔp incense.

1 NDIDEM 15:18

Ndien Asa ada kpukpru silver ye gold emi ɔsuhɔde ke ebiet-unim ŋkpɔ-uto ufɔk Jehovah, ye ke ebiet unim ŋkpɔ uto ufɔk edidem, ada mmɔ esin ikɔt esie ke ubɔk: ndien edidem Asa ɔnɔ mmɔ esɔk Benhadad eyen Tabrimmon, eyen Hezion, edidem Syria, emi oduŋde ke Damascus, ete,

1 NDIDEM 20:1

EKEM Ben-hadad edidem Syria obon kpukpru mbon-ekɔŋ esie: mbɔŋ edip ye duopeba enyuŋ edu ye enye, ye horse, ye chariot: ndien enye ɔdɔk aka akakan Samaria okuk, onyuŋ aŋwana ekɔŋ ye enye.

1 NDIDEM 20:34

Ndien enye (Benhadad) ɔdɔhɔ enye, ete, Nyeyak mme obio oro ete mi ɔkɔbɔde usɔ; afo eyenyuŋ anam efak ɔnɔ idemfo ke Damascus, kpa nte ete mi akanamde ke Samaria. Ndien enye (Ahab) ɔdɔhɔ ete, Ami ŋko nyediomi ediomi ntem nsana fi nyak Ndien enye odiomi ediomi ye enye, onyuŋ asana enye ayak.

2 NDIDEM 1:2

Ndien Ahaziah oto ke window ubet-enyɔŋ esie emi odude ke Samaria ɔduɔ, ndien udɔŋɔ anam enye; ndien enye ɔdɔŋ mme isuŋ-utom, onyuŋ ɔdɔhɔ mmɔ, ete, Mbufo eka ekebup Baal-zebub abasi Ekron, mme udɔŋɔ emi eyekure mi.

2 NDIDEM 2:15

Ndien adaŋemi nditɔ mme prophet oro edude ke Jericho ke edem oko ekutde, mmɔ edɔhɔ ete, spirit Elijah odu Elisha ke idem. Ndien mmɔ eka ekesobo ye enye, enyuŋ enuhɔ ke isɔŋ enɔ enye.

2 NDIDEM 5:20

Ndien Gehazi akparawa Elisha, owo Abasi, ɔdɔhɔ ete, Sese, ete mi etre ndibɔ Naaman eyen Syria emi se enye akadade ke ubɔk edi: ma uwem Jehovah nyefehe mbine enye, nyuŋ mbɔ enye ŋkpɔ.

2 NDIDEM 6:12

Ndien owo ikɔt esie kiet ɔdɔhɔ ete, Idige ntre, ɔbɔŋ mi, edidem; edi Elisha prophet emi odude ke Israel asian edidem Israel ikɔ emi afo etiŋde ke ubet nna fo.

2 NDIDEM 6:24

Edikem ke ŋkpɔ emi ema ekebe, Ben-hadad edidem Syria obon kpukpru mbon-ekɔŋ esie, ndien ɔdɔk aka akakan Samaria okuk.

2 NDIDEM 8:6

Ndien ke adaŋemi edidem obupde ŋwan oro, ŋwan obuk ɔnɔ enye. Ndien edidem onim adidaha owo kiet ɔnɔ ŋwan oro, ete ɔnɔ enye kpukpru se ikenyenede enye, ye kpukpru mbuŋwum iŋwaŋ esie, ɔtɔŋɔde ke usen oro enye ɔkɔkpɔŋde edem oro, tutu osim ini emi.

ISAIAH 7:8

Ididaha, idinyuŋ isuhe. Koro Damascus edide ibuot Syria, Rezin onyuŋ edi ibuot Damascus; ndien osuk isua ata ye ition, Ephraim eyesuana, etre ndidi idut.

JEREMIAH 40:5

Ndien ke enye (Jeremiah) mika-ibɔrɔke kaŋa, (enye eken ɔdɔhɔ, ete,) Fiak ka ke ɔtɔ Gedaliah eyen Ahikam, eyen Shapham, emi edidem Babylon onimde ke etubom mme obio Judah, nyuŋ tie ye enye ke otu mbio-obio; midige ntre, ka ke ebiet ekededi eke afo amade ndika do. Ndien etubom mbon ukpeme ɔnɔ enye udia usuŋ ye enɔ, onyuŋ ayak enye aka.

UTOM MME APOSTLE 17:6

Edi ke adaŋemi mmɔ mikwe mmɔ oro, mmɔ eduri Jason ye ndusuk nditɔ-ete edi ke iso mbɔŋ obio, efiori ete, Mme anditimere ererimbot emi edi mi ŋko-o;

DEUTERONOMY 33:1

EMI onyuŋ edi eridiɔŋ emi Moses, owo Abasi, adade ɔdiɔŋ nditɔ Israel, ke enye mika-ikpaha kaŋa.

JUDGES 16:2

Ndien etiŋ enɔ mbio-obio Gaza, ete, Samson emedi ken. Ndien mmɔ ekan enye ekuk, ena ekpeme enye ofuri okoneyo ke inua-otop obio, enyuŋ edop ofuri okoneyo, ete, Eyo ama esiere ke usenubɔk nnyin iyewot enye.