2 NDIDEM 8:6 - Edisana ñwed Abasi Ibom

⁶ Ndien ke adaŋemi edidem obupde ŋwan oro, ŋwan obuk ɔnɔ enye. Ndien edidem onim adidaha owo kiet ɔnɔ ŋwan oro, ete ɔnɔ enye kpukpru se ikenyenede enye, ye kpukpru mbuŋwum iŋwaŋ esie, ɔtɔŋɔde ke usen oro enye ɔkɔkpɔŋde edem oro, tutu osim ini emi.

2 NDIDEM 8:6 ပူးပေါင်းရင်းမြစ်များ

GENESIS 37:36

Ndien mme Midianite oro enyam enye ke Egypt enɔ Potiphar adidaha owo Pharaoh, etubom mme andikpeme enye.

2 SAMUEL 9:7

Ndien David ɔdɔhɔ enye, ete, Kufehe ndik; koro ndinamde mfɔn-ido ye afo mbaŋa Jonathan usɔ, nyenyuŋ nyak kpukpru iŋwaŋ Saul usɔ nnɔ fi; afo eyenyuŋ adia ŋkpɔ ke okpokoro mi kpukpru ini.

2 NDIDEM 8:5

Edikem ke enye osuk obobuk nte enye (Elisha) akanamde akpa-mkpa eset, ɔnɔ edidem, sese, ŋwan oro enye akanamde eyen esie eset, ke eseseme ɔnɔ edidem abaŋa ufɔk esie ye iŋwan esie. Ndien Gehazi ɔdɔhɔ, ete, Ɔbɔŋ mi edidem, emi edi ŋwan oro, emi onyuŋ edi eyen esie, emi Elisha akanamde eset.

2 NDIDEM 8:7

Ekem Elisha aka Damascus, ndien Ben-hadad edidem Syria ke ɔdɔŋɔ; ndien etiŋ enɔ enye, ete, Owo Abasi oro emedi ken.

2 NDIDEM 9:32

Ndien enye emenere iso esie ese window oro, onyuŋ obup ete, Anie ada ye ami, anie? Ndien eunuch iba mme ita etop iso ese enye.

1 CHRONICLES 28:1

EKEM David osop kpukpru mbɔŋ Israel, mbɔŋ mme esien ye mbɔŋ mme ŋka, eke esaŋade utom edidem, ye mbɔŋ mme tɔsin, ye mbɔŋ mme ikie, ye mbɔŋ kpukpru inyene ye ufene edidem, ye eke nditɔ esie, ye mme ndidaha, ye mkpɔsɔŋ owo, ye kpukpru mbon-uko, ke Jerusalem.

MME ŊKE 16:7

Ke adaŋemi usuŋ owo enemde Jehovah esit, enye anam idem mme asua esie etie emem-emem ye enye.

MME ŊKE 21:1

ESIT ɔbɔŋ edi idim mmɔŋ ke ubɔk Jehovah: enye akabare enye nte amade.

DEUTERONOMY 22:2

Edi edieke eyen-usɔ mikpereke fi, afo munyuŋ ufiɔkke enye, da unam nim ke esit ufɔk fo, ndien yak enye nɔ enye.

JUDGES 11:13

Ndien edidem nditɔ Ammon ɔdɔhɔ mme isuŋ-utom Jephthah, ete, Koro Israel akadade isɔŋ mi, ke ini enye okotode ke Egypt ɔdɔk, ɔtɔŋɔde ke Arnon tutu osim ke Jabbok, ye ke Jordan: yak mmɔ ndien nɔ mi suŋ.