2 NDIDEM 8:16 - Edisana ñwed Abasi Ibom

¹⁶ Ekem ke ɔyɔhɔ isua Joram eyen Ahab edidem Israel, ition, ke ini Jehoshaphat edide edidem Judah, Jehoram eyen Jeoshaphat edidem Judah ada ubɔŋ.

2 NDIDEM 8:16 ပူးပေါင်းရင်းမြစ်များ

1 NDIDEM 22:42

Jehoshaphat osim isua edip ye efut ke ini enye adade ubɔŋ; ndien enye edi edidem ke Jerusalem ke isua edip ye ition. Enyiŋ eka esie ŋko onyuŋ ekere Azubah eyen Shilhi.

1 NDIDEM 22:44

Jehoshaphat onyuŋ etie ke emem ye edidem Israel.

1 NDIDEM 22:50

Ekem Jehoshaphat ɔsuhɔre ana ye mme ete esie ede, onyuŋ ɔbuhɔ ye mme ete esie ke obio David ete esie: ndien Jehoram eyen esie ada ubɔŋ ke itie esie.

1 NDIDEM 22:51

Ahaziah eyen Ahab ada ubɔŋ ke Samaria ke ɔyɔhɔ isua Jehoshaphat edidem Judah efureba, onyuŋ edi edidem Israel ke isua iba.

2 NDIDEM 1:17

Ntre ke enye akpa ke uyo Jehovah oro Elijah ɔkɔdɔhɔde. Ndien Jehoram ada ubɔŋ ke ibuot esie, ke udiana-akpa isua Jehoram eyen Jehoshaphat edidem Judah; koro enye minyeneke eyen-eren.

2 NDIDEM 11:2

Edi Jehosheba eyen edidem Joram aŋwan, eyen-ete Ahaziah aŋwan, ada Joash eyen Ahaziah, oyip enye efep ke otu nditɔ edidem oro mmɔ eyomde ndiwot, kpa enye ye edep esie, oduk ke ubet mkpana; ntre ke eda enye edip Athaliah; ndien iwotke enye.

2 NDIDEM 3:1

NDIEN Jehoram eyen Ahab ada ubɔŋ Israel ke Samaria, ke ɔyɔhɔ isua Jehoshaphat edidem Judah efureta, onyuŋ edi edidem ke isua duopeba.

2 NDIDEM 8:25

Ke ɔyɔhɔ isua Joram eyen Ahab edidem Israel duopeba, Ahaziah eyen Jehoram edidem Judah ada ubɔŋ.

2 CHRONICLES 22:1

NDIEN mme andiduŋ Jerusalem eda Ahaziah ekpri eyen esie enim ke edidem ke itie esie: koro udim oro ekesaŋade ye mme Arabian edi ke nna-ekɔŋ, ekewotde kpukpru mbiowo esie.