2 NDIDEM 7:8 - Edisana ñwed Abasi Ibom

⁸ Ekem adaŋemi mbon-akpa oro ekesimde utit nna, mmɔ eduk ke tent kiet, ekedia ŋkpɔ, enyuŋ eŋwɔŋ, ndien eda silver, ye gold, ye edisine-ŋkpɔ do, ebiom eka ekedip; ndien mmɔ efiak ekeduk ke tent efen, enyuŋ etaŋ ŋkpɔ do eka ekedip.

2 NDIDEM 7:8 ပူးပေါင်းရင်းမြစ်များ

2 NDIDEM 5:24

Ekem adaŋemi enye osimde obot, enye ɔbɔ mmɔ ke ubɔk ada okonim ke ufɔk: ndien ayak mbon oro enyɔŋ.

2 NDIDEM 7:9

Ekem kiet ɔdɔhɔ kiet, ete, Nnyin inamke se inende: mfin emi edi usen ikɔ idaresit, ndien nnyin idop uyo: ima ibet usiere, nnyin iyekut ufen; eyak nnyin ikam ika ndien, iketiŋ inɔ ufɔk edidem.

ISAIAH 33:23

Uruk fo emetara; mmɔ ikemeke ndineŋere ito mmɔ nsɔŋɔ ŋwuk: itatke ɔfɔŋ-etak-ubom: ndien owo edeme ediwak mbume eke ekebumede; idem mme mbuŋɔ ebume mbume.

JEREMIAH 41:8

Ndien ekut owo duop ke otu mmɔ, ndien mmɔ edɔhɔ Ishmael, ete, Kuwot nnyin: koro nnyin inyenede ŋkpɔ eke edibede ke iŋwaŋ, kpa wheat, ye barley, aran, ye aran-ɔkwɔk. Ndien enye ayak etie, inyuŋ iwotke mmɔ ke otu nditɔ-ete mmɔ.

MATTHEW 13:44

Obio Ubɔŋ Heaven ebiet inyene eke odibede ke iŋwaŋ; emi owo kiet okutde, emen, odip; ndien ke idaresit esie, aka akanyam kpukpru se enye enyenede, edep iŋwaŋ oro.

MATTHEW 25:18

Edi owo emi ɔkɔbɔde kiet aka okotibi isɔŋ, odip okuk ete esie.

JOSHUA 7:21

ke adaŋa emi ŋkutde eti ekura Shinar kiet, ye shekel silver ikie iba, ye edeme o gold kiet, emi udobi esie edide shekel aba ye duop, ke otu ŋkpɔ mbume, nsin mmɔ esit mi ke esit, nnyuŋ nda mmɔ; ndien sese, mmɔ ebuhɔ ke isɔŋ ke ufɔt tent mi, silver onyuŋ edu ke idak.