2 NDIDEM 7:4 - Edisana ñwed Abasi Ibom

⁴ Idɔhɔ ite iduk ke obio, akaŋ odu ke obio, ndien nnyin iyekpa do: ima inyuŋ itie mi, iyekpa ŋko. Eyak nnyin ika, ndien, ikoduk ke nna-ekɔŋ mme Syrian: ema enim nnyin uwem, nnyin iyedu uwem; ndien ema ewot nnyin, iyekpa.

2 NDIDEM 7:4 ပူးပေါင်းရင်းမြစ်များ

2 SAMUEL 14:14

Koro nnyin inyenede ndikpa, inyuŋ ibiet mmɔŋ eke eduɔkde ke isɔŋ eke midikohi; Abasi inyuŋ imenke ukpɔŋ ifep: edi ekere ekikere ete ikubin owo esie eke ekebinde, ifep.

2 NDIDEM 6:24

Edikem ke ŋkpɔ emi ema ekebe, Ben-hadad edidem Syria obon kpukpru mbon-ekɔŋ esie, ndien ɔdɔk aka akakan Samaria okuk.

2 NDIDEM 7:5

Ndien mmɔ edaha ke enyɔŋ ke mfuŋ-mfuŋ mbubreyo, eka ke nna-ekɔŋ Syria: ndien adaŋemi mmɔ esimde utit nna Syria, sese, baba owo kiet iduhe do.

1 CHRONICLES 12:19

Ndusuk owo Manasseh ŋko edianare idem mmɔ etiene David, ke ini enye etienede mme Philistine aka ndiŋwana ekɔŋ ye Saul; edi iŋwamke mmɔ: koro mbɔŋ mme Philistine ekoide koi edɔŋ enye ɔnyɔŋ, ete, Enye eyeda ibuot nnyin adianare idemesie etiene ete esie Saul.

ESTHER 4:16

Ka kobon kpukpru mme Jew emi edude ke Shushan, mbufo enyuŋ etre udia ebaŋa mi, ekunyuŋ edia ŋkpɔ, ekunyuŋ eŋwɔŋ ke usen ita, ke okoneyo, ye ke uwemeyo, ami ye nditɔ-iban mi ŋko iyetre udia kpa ntre; ndien ntem ke ndiduk ke ɔtɔ edidem, eke misaŋake ke ewuhɔ; ndien mma ŋkpa yak ŋkpa.

JEREMIAH 14:18

Edieke ŋwɔrɔde ke iŋwaŋ, sese, mmɔ emi ekpaŋade ke ofut! ndien edieke ndukde ke obio, sese, mmɔ emi edɔŋɔde biɔŋ! koro mme prophet ye mme oku ŋko ediyode eka idut eke mmɔ mifiɔkke.

JEREMIAH 8:14

“Nsinam nnyin itiede? Mbufo esop idem, ndien nnyin iyeduk ke obio ibibene, inyuŋ itie do suŋ: koro Jehovah Abasi nnyin esinde nnyin ke ndobo, onyuŋ ɔnɔde nnyin mmɔŋ etidot iŋwɔŋ: koro nnyin inamde idiɔk ye Jehovah.

JONAH 3:9

Anie owo ɔfiɔk mme Abasi eyewɔŋɔre onyuŋ akabare esit, onyuŋ adahado ke ikaŋ iyaresit esie, man nnyin ikutak.

MME HEBREW 9:27

Ndien kpa nte ema enim enɔ owo ndikpa ini kiet, ndinyuŋ nda ke itie-ikpe ke oro ebede;