2 NDIDEM 6:9 - Edisana ñwed Abasi Ibom

⁹ Ndien owo Abasi ɔdɔŋ ekedɔhɔ edidem Israel, ete Kpeme idem fo mbak afo edibe ɔtɔ oro: koro mme Syrian emɔŋ esuhɔre eka do.

2 NDIDEM 6:9 ပူးပေါင်းရင်းမြစ်များ

1 NDIDEM 20:13

Ndien, sese, prophet kiet aka ke ebiet Ahab edidem Israel, ɔkɔdɔhɔ ete, Ntem ke Jehovah ɔdɔhɔ ete, Ŋkɔm afo omokut akwa otu emi. Sese, nyeda mmɔ nsin fi ke ubɔk mfin emi; ndien afo eyefiɔk ete ke ami ndi Jehovah.

1 NDIDEM 20:28

Ekem owo Abasi oro asaŋa ekpere ɔkɔdɔhɔ edidem Israel, ete, Ntem ke Jehovah ɔdɔhɔ ete, Koro mme Syrian ekedɔhɔde, ete, Jehovah edi abasi ikpɔ obot, edi idige abasi mme itihere, nyeda ofuri akamba udim emi nsin fi ke ubɔk; ndien mbufo eyefiɔk, ete ke ami ndi Jehovah.

2 NDIDEM 4:1

EKEM ŋwan kiet ke otu iban nditɔ mme prophet eseme ɔnɔ Elisha, ete, Ebe mi, owo fo, amakpa; afo omonyuŋ ɔfiɔk ete ke owo fo edi owo eke abakde Jehovah: ndien owo-ebuɔt esie emedi ndida nditɔ-iren mi iba ke idemesie nnim ke ifin.

2 NDIDEM 4:27

Nte ɔfɔn ye eyen? Ndien ŋwan ɔbɔrɔ, ete, Ɔfɔn. Ekem enye osim owo Abasi ke obot, onyuŋ omum enye ukot: edi Gehazi asaŋa ekpere, ete inuk enye ifep. Edi owo Abasi ɔdɔhɔ ete, Kpɔŋ enye: koro esit ayatde enye: ndien Jehovah omodip mi, inyuŋ isianke mi.

2 NDIDEM 4:7

Ndien aran ekpehe. Ndien ŋwan oro aka eketiŋ ɔnɔ owo Abasi. Ndien enye ɔdɔhɔ ete, Ka kanyam aran oro sio isɔn fo, Ndien afo ye nditɔ fo eda se isuhɔde edu uwem.

2 NDIDEM 6:10

Ndien edidem Israel ɔdɔŋ owo, ete eka ke ebiet oro owo Abasi akasiakde enye, onyuŋ etemede enye; ntem ke enye ekpeme idem esie do, idige ini kiet, inyuŋ idige utim ikaba.

2 NDIDEM 6:12

Ndien owo ikɔt esie kiet ɔdɔhɔ ete, Idige ntre, ɔbɔŋ mi, edidem; edi Elisha prophet emi odude ke Israel asian edidem Israel ikɔ emi afo etiŋde ke ubet nna fo.

2 NDIDEM 6:8

Ekem edidem Syria aŋwana ekɔŋ ye Israel, ndien odiomi ye ikɔt esie, ete, Nna-ekɔŋ mi eyedu ke ebiet ntem.

ŊWED JOB 5:12

Enye asuan uduak mbon ŋkari, ndien ubɔk mmɔ inamke ŋkpɔ akpanakpan.

ŊWED MME PSALM 33:10

Jehovah asuan uduak mme idut: enye anam mme ekikere mme obio ekpu.

MME ŊKE 22:12

Enyin Jehovah ekpeme (mbon) ifiɔk: edi enye oyut uyo mbon nsu akabare onim.

JEREMIAH 11:18

Ndien Jehovah asian mi, ndien mfiɔk: ndien afo owut mi ido mmɔ.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.

ERIYARARE 1:1

IKƆ eriyarare Jesus Christ, emi Abasi ɔkɔnɔde Enye, ete owut ikɔt Esie, kpa ŋkpɔ eke enyenede ndisu ke ekpri ibio ini: ndien Enye ɔkɔdɔŋ angel Esie okowut ŋkpɔ emi ɔnɔ owo Esie John;