2 NDIDEM 6:32 - Edisana ñwed Abasi Ibom

³² Ndien Elisha etie ke ufɔk esie, mbiowo enyuŋ etie ye enye: ndien edidem osio owo ke iso esie ɔdɔŋ utom: edi ke isuŋ oro mika-isimke enye, sese, enye ɔdɔhɔ mbiowo oro, ete, Mbufo ese nte eyen owot-owo emi ɔdɔŋde, ete edibigi mi ibuot! Mbufo ese: ke ini isuŋ oro edide, mbufo eberi usuŋ, enyuŋ enuk enye ke enyin-usuŋ efep: nte ntim-ikpat ete esie itieneke enye ke edem?

2 NDIDEM 6:32 ပူးပေါင်းရင်းမြစ်များ

1 NDIDEM 14:6

Edikem ke ini Ahijah okopde ntim-ikpat esie, nte enye odukde ke enyin-usuŋ, enye ɔdɔhɔ, ete, Ŋwan Jeroboam, be duk, nsinam afo onimde idem fo nte owo efen? Koro etobode mi ɔkpɔsɔŋ ikɔ enɔ fi.

1 NDIDEM 18:4

koro edikem adaŋemi Jezebel okowotde mme prophet Jehovah, Obadiah ada prophet ikie, odip mmɔ owo aba ye duop, aba ye duop, ke aba itiat, onyuŋ ɔbɔk mmɔ ke uyo ye mmɔŋ.)

1 NDIDEM 21:10

enyuŋ eda owo iba, mme oburobut owo, enim enye ke iso, man etiŋ ikɔ ntiense ebaŋa enye, ete, Afo okosuŋi Abasi ye edidem. Ndien mbufo esio enye, enyuŋ etɔŋɔ enye ke itiat, ewot.

1 NDIDEM 21:13

ata mme oburobut owo, eduk eketie ke iso Naboth: ndien mme oburobut owo oro etiŋ ikɔ ntiense edian enye Naboth, ke iso mbio-obio, ete, Naboth okosuŋi Abasi ye edidem. Ndien mmɔ esio enye eka ke edem obio, eketɔŋɔ enye ke itiat, ewot.

1 NDIDEM 21:19

Ntem ke Jehovah ɔdɔhɔ ete, Nte afo omowot, omonyuŋ ada ŋko? Nyuŋ dɔhɔ enye, ete, Ntem ke Jehovah ɔdɔhɔ, ete, Ke ebiet emi mme ebua edeide iyip Naboth, ke mme ebua edinyuŋ edei iyip fo ŋko-ŋko.

2 NDIDEM 5:26

Ndien enye ɔdɔhɔ enye, ete, Nte esit mi ikakaha, ke ini owo oro otode ke chariot esie afiak edisobo ye afo? Nte emi edi ini nte owo ɔkpɔbɔde okuk, okponyuŋ ɔbɔde ɔfɔŋ-idem, ye iŋwaŋ olive, ye iŋwaŋ vine, ye erɔŋ, ye enaŋ, ye ifin iren, ye ifin iban?

2 NDIDEM 6:12

Ndien owo ikɔt esie kiet ɔdɔhɔ ete, Idige ntre, ɔbɔŋ mi, edidem; edi Elisha prophet emi odude ke Israel asian edidem Israel ikɔ emi afo etiŋde ke ubet nna fo.

2 NDIDEM 7:17

Ndien edidem ada adidaha owo oro enye ekeberede enye ke ubɔk, onim nte ekpeme inua-otop obio: ndien mbio-obio edigi enye ke inua-otop ewot, kpa nte owo Abasi ɔkɔdɔhɔde, eke enye ɔkɔdɔhɔde ke ini edidem ɔsuhɔrede aka ke ebiet esie.

JEREMIAH 11:18

Ndien Jehovah asian mi, ndien mfiɔk: ndien afo owut mi ido mmɔ.

JEREMIAH 32:3

Koro Zedekiah edidem Judah ɔkɔkɔbide enye abaha, ete, Afo anam didie etiŋ prophecy, ete, Ntem ke Jehovah ɔdɔhɔ, ete, Sese, ami mmɔŋ nda obio emi nsin edidem Babylon ke ubɔk, ndien enye eyeda enye;

EZEKIEL 14:1

EKEM ndusuk mbiowo Israel edi ke ɔtɔ mi editie ke iso mi.

EZEKIEL 20:1

EDIKEM ke ɔyɔhɔ isua itiaba, ke ɔyɔhɔ ɔfiɔŋ ition, ke ɔyɔhɔ usen ɔfiɔŋ duop, ndusuk mbiowo Israel eto edi edibup Jehovah ŋkpɔ, ndien mmɔ editie mi ke iso.

EZEKIEL 33:31

ndien mmɔ edi ke ɔtɔ fo, kpa nte mbio-obio edide, enyuŋ etie ke iso fo, kpa nte ikɔt mi etiede, mmɔ enyuŋ ekop ikɔ fo; edi inamke mmɔ: koro mmɔ enamde nte mbon-ima ke mkpɔk-inua mmɔ, edi esit mmɔ ebine udori mmɔ.

EZEKIEL 8:1

EDIKEM ke ɔyɔhɔ isua itiokiet, ke ɔyɔhɔ ɔfiɔŋ itiokiet, ke ɔyɔhɔ usen ɔfiɔŋ ition, ami ntie ke ufɔk mi, mbiowo Judah enyuŋ etie mi ke iso; ndien ubɔk Ɔbɔŋ Jehovah ɔduɔ mi ke idem do.

LUKE 13:32

Edi Enye ɔdɔhɔ mmɔ ete, Eka ekɔdɔhɔ ebua-ikɔt oro ete, Sese, mmebin demon nduɔk, nnyuŋ nnam udɔŋɔ ekure mfin ye mkpɔŋ, ndien ke ɔyɔhɔ usen ita eyenam Mi mfɔn mma.