2 NDIDEM 6:29 - Edisana ñwed Abasi Ibom

²⁹ Ntre ke nnyin iketem eyen mi, inyuŋ ita enye: ndien ami ndɔhɔ enye ke edem usen, nte, Da eyen fo di, nnyin ita enye: edi enye omodip eyen esie.

2 NDIDEM 6:29 ပူးပေါင်းရင်းမြစ်များ

1 NDIDEM 3:26

Ndien ŋwan emi odu-uwem eyen edide esie, ɔdɔhɔ edidem, koro itɔŋ eyen esie ɔdɔŋde enye, ete, Mbɔk, ɔbɔŋ mi, mbufo enɔ enye odu-uwem eyen, kuwot enye baba; edi enye eken ɔdɔhɔ ete, Okunyene mi, okunyuŋ enyene fi: mbufo ebahare.

ISAIAH 49:15

Nte ŋwan ekeme ndifre eyen-nsek esiemɔ, nnyuŋ ntre nditua eyen emi enye amande mbɔm? Idem mmɔ ekeme ndifre, edi ami ndifreke fi.

ISAIAH 66:13

Kpa nte owo emi eka esie ɔdɔŋde enye esit, kpa ntre ke ami ndidɔŋ mbufo esit: ndien eyedɔŋ mbufo esit ke Jerusalem.

ŊWED ESEME 4:10

Ubɔk iban emi enyenede esit mbɔm emetem nditɔ mmɔ: mmɔ ekabare edi udia mmɔ ke ŋwure adiaha ikɔt mi.

LEVITICUS 26:27

Ndien edieke kpukpru ŋkpɔ emi misinke mbufo ekop uyo mi, edi esaŋa ke ndusuara ye ami;

LEVITICUS 26:29

Ndien mbufo eyeta obukidem nditɔ-iren mbufo, enyuŋ eta obukidem nditɔ-iban mbufo.

DEUTERONOMY 28:52

Ndien enye eyekan fi okuk ke kpukpru obio fo, tutu ŋkokoŋo ye mkpɔsɔŋ ibibene fo, emi afo ɔbuɔtde idem fo ke esit, eduɔŋɔ ke ofuri isɔŋ fo: ndien enye eyekan fi okuk ke kpukpru obio fo, ke ofuri isɔŋ fo emi Jehovah Abasi fo ɔnɔde fi.

DEUTERONOMY 28:53

Ndien afo eyeda mfri idibi fo, kpa unam nditɔ-iren fo ye eke nditɔ-iban fo, eke Jehovah Abasi fo ɔnɔde fi, ata ke ukuk obio, ye ke mbaba eke mme asua fo edisinde fi:

DEUTERONOMY 28:57

ye obiet eke otode enye ke idibi, ye nditɔ esie eke enye edimande: koro enye eyeta mmɔ ke ndibe ke unana kpukpru ŋkpɔ ke uku obio, ye ke mbaba emi mme asua fo edisinde fi ke obio mbufo.