2 NDIDEM 6:12 - Edisana ñwed Abasi Ibom

¹² Ndien owo ikɔt esie kiet ɔdɔhɔ ete, Idige ntre, ɔbɔŋ mi, edidem; edi Elisha prophet emi odude ke Israel asian edidem Israel ikɔ emi afo etiŋde ke ubet nna fo.

2 NDIDEM 6:12 ပူးပေါင်းရင်းမြစ်များ

2 NDIDEM 5:26

Ndien enye ɔdɔhɔ enye, ete, Nte esit mi ikakaha, ke ini owo oro otode ke chariot esie afiak edisobo ye afo? Nte emi edi ini nte owo ɔkpɔbɔde okuk, okponyuŋ ɔbɔde ɔfɔŋ-idem, ye iŋwaŋ olive, ye iŋwaŋ vine, ye erɔŋ, ye enaŋ, ye ifin iren, ye ifin iban?

2 NDIDEM 5:3

Ekem eyen oro ɔdɔhɔ eka esie, ete, Ete mi akpakam odu ke iso prophet emi odude ke Samaria! enye akpanam ndien akpa-mfia okure enye.

2 NDIDEM 5:8

Edikem ke ini Elisha, owo Abasi, okopde ete ke edidem Israel ama asiak ɔfɔŋ-idem esie, enye ɔdɔŋ ekedɔhɔ edidem, ete, Nsinam afo akasiakde ɔfɔŋ-idem fo? Yak enye etiene mi, ndien enye eyefiɔk ete ke prophet ododu ke Israel.

2 NDIDEM 6:11

Ntre esit etimere edidem Syria abaŋa ŋkpɔ emi; ndien enye okot ikɔt esie, onyuŋ obup mmɔ, ete, Nte mbufo idiwutke mi owo ke otu nnyin, emi adade ye edidem Israel?

2 NDIDEM 6:13

Ndien enye ɔdɔhɔ ete, Mbufo eka ekesin uyep, efiɔk ebiet eke enye odude, ndien nyedɔŋ ekeda enye edi. Ekem etiŋ enɔ enye, ete, Enye odu ke Dothan.

EXODUS 8:3

Ndien ikwɔt eyeyɔhɔ ke akpa: eyenyuŋ edɔk eduk ke ufɔk fo, ye ke ubet nna fo, ye ke ufɔk ikɔt fo, ye ke idem mbio-obio fo, ye ke usaŋ-uyo fo, ye ke unuak-uyo fo:

MME ŊKE 21:30

Baba eti ibuot, baba mbufiɔk, baba item eke ekemde ye Jehovah iduhe.

ECCLESIASTES 10:20

Kusuŋi edidem ke idem ekikere fo: kunyuŋ usuŋi mbɔŋ ke ubet nna fo: koro inuen enyɔŋ eyeda uyo fo eketiŋ, enyene-mba eyenyuŋ asuan ikɔ.

ISAIAH 29:15

Ɔdɔdiɔk ɔnɔ mmɔ eke ekpɔŋde Jehovah eduk ke ntuŋɔ, ete idip uduak mmimɔ, eke enyuŋ enamde ŋkpɔ mmɔ ke ekim, ndien mmɔ edɔhɔ, ete, Anie owo okut nnyin? anie owo onyuŋ ɔfiɔk nnyin?

ISAIAH 8:10

Mbufo eduak uduak, ndien eyekpu: edɔhɔ ikɔ, ndien ididaha: koro Abasi odude ye nnyin.

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.