2 NDIDEM 6:10 - Edisana ñwed Abasi Ibom

¹⁰ Ndien edidem Israel ɔdɔŋ owo, ete eka ke ebiet oro owo Abasi akasiakde enye, onyuŋ etemede enye; ntem ke enye ekpeme idem esie do, idige ini kiet, inyuŋ idige utim ikaba.

2 NDIDEM 6:10 ပူးပေါင်းရင်းမြစ်များ

1 NDIDEM 20:15

Ekem enye abat mkparawa mme etubom mme esien, ndien mmɔ esim owo ikie iba ye edip ye duopeba: enye onyuŋ abat kpukpru owo, kpa kpukpru nditɔ Israel, tɔsin owo itiaba, onim mmɔ eken ke edem. Ekem mmɔ ewɔŋɔ ke ufɔt uwemeyo.

2 NDIDEM 13:14

Ekem Elisha ɔdɔŋɔ udɔŋɔ esie oro enye akpade ke esit. Ndien Joash edidem Isreal ɔsuhɔre aka ke ɔtɔ esie, akatua enye eyet ke iso, onyuŋ ɔdɔhɔ ete, O ete mi, ete mi, chariot Israel, ye mbon horse esie!

2 NDIDEM 2:12

Ndien adaŋemi Elisha okutde, enye ofiori, ete, Ete mi, ete mi! chariot Israel, ye mbon horse esie. Ndien enye ikwe aba enye. Ndien enye omum ɔfɔŋidem esie, awai ke mbak iba.

2 NDIDEM 5:14

Ndien enye ɔsuhɔre, okoduk ke Jordan utim ikatiaba, ke uyo owo Jehovah: ndien obuk esie akabare nte obuk ekpri eyenɔwɔŋ, enye onyuŋ asana ŋko.

2 NDIDEM 6:11

Ntre esit etimere edidem Syria abaŋa ŋkpɔ emi; ndien enye okot ikɔt esie, onyuŋ obup mmɔ, ete, Nte mbufo idiwutke mi owo ke otu nnyin, emi adade ye edidem Israel?

2 NDIDEM 6:9

Ndien owo Abasi ɔdɔŋ ekedɔhɔ edidem Israel, ete Kpeme idem fo mbak afo edibe ɔtɔ oro: koro mme Syrian emɔŋ esuhɔre eka do.

2 CHRONICLES 20:20

Ekem mmɔ ebak edemere ke usenubɔk ewɔŋɔ ke wilderness Tekoa: ndien ke ini mmɔ ewɔŋɔde, Jehoshaphat ada ɔdɔhɔ ete, O Judah, ye mme andiduŋ Jerusalem, mbufo ekop uyo mi: eberi idem mbufo ye Jehovah Abasi mbufo, ndien eyemum mbufo ekama; enim uyo mme prophet esie ke akpanikɔ, ndien mbufo eyekut unen.

MME ŊKE 27:12

Ɔniɔŋ okut idiɔk-ŋkpɔ, ndien odibe: mme ɔkɔi ebe iso, ndien esio isop.

JEREMIAH 11:18

Ndien Jehovah asian mi, ndien mfiɔk: ndien afo owut mi ido mmɔ.

MATTHEW 2:12

Ndien sia Abasi etemede mmɔ ke ndap, ete, Ekufiak eka ke ɔtɔ Herod, mmɔ esaŋa ke usuŋ efen enyɔŋɔ obio mmɔ.

MATTHEW 3:7

Edi ke ini enye okutde ediwak mme Pharisee ye mme Sadduccee edide edina baptism ke ubɔk esie, enye ete mmɔ, Mbufo nditɔ urukikɔt, anie eketeme mbufo efeŋe ebɔhɔ iyaresit eke edide?

UTOM MME APOSTLE 27:24

afo enyene ndika ke iso Caesar: ndien sese, Abasi ayak kpukpru mmɔ emi ewatde ye afo ɔnɔ fi.

MME HEBREW 11:7

Oto mbuɔtidem Noah, sia Abasi ɔnɔde enye ntɔt abaŋa se enyin mikwe kaŋa, ke uteŋe Abasi, ɔkɔŋ ubom ndida nnyaŋa ufɔk esie; ndien ke erinam emi enye obiom ererimbot ikpe, onyuŋ akabare edi andinyene edinen ido eke asaŋade ye mbuɔtidem.