2 NDIDEM 5:22 - Edisana ñwed Abasi Ibom

²² Ndien enye ɔbɔrɔ ete, Ɔfɔn. Ete mi ɔmɔdɔŋ mi utom, ete, Sese, mkparawa iba emi etode ke nditɔ mme prophet, emeto ke obot Ephraim edi ke ɔtɔ mi, ke idahemi: mbɔk, nɔ mmɔ talent silver kiet, ye ukpuhɔ ɔfɔŋidem iba.

2 NDIDEM 5:22 ပူးပေါင်းရင်းမြစ်များ

1 NDIDEM 13:18

Ndien enye eken ete, Ami nde-nde ndi prophet kpa nte afo, ndien angel kiet ɔkɔdɔhɔ mi ke uyo Jehovah, ete, Da enye fiak ye afo ke ufɔk fo, man enye adia ŋkpɔ, onyuŋ ɔŋwɔŋ mmɔŋ; edi enye osusu ɔnɔ enye.

1 NDIDEM 20:35

Ekem owo kiet ke otu nditɔ mme prophet ɔdɔhɔ mbɔhiduŋ esie ke uyo Jehovah, ete, Mbɔk, kam tɔ mi. Edi owo oro inyimeke nditɔ enye.

1 NDIDEM 20:39

Ndien ke ini edidem ebede, enye eseme ɔnɔ edidem, ete, Owo fo oduk ke ufɔt ekoŋ; ndien, sese, owo kiet awaha, ada owo kiet ɔsɔk mi, ete, Kpeme owo emi: edieke owo emi ɔbɔhɔde bɔhɔ, eyekaŋa uwem fo ke ibuot uwem esie, ke mudomoke talent silver kiet unɔ.

2 NDIDEM 2:15

Ndien adaŋemi nditɔ mme prophet oro edude ke Jericho ke edem oko ekutde, mmɔ edɔhɔ ete, spirit Elijah odu Elisha ke idem. Ndien mmɔ eka ekesobo ye enye, enyuŋ enuhɔ ke isɔŋ enɔ enye.

2 NDIDEM 2:3

Ntre ke mmɔ esuhɔre eka ke Beth-el. Ndien nditɔ mme prophet oro edude ke Beth-el ewɔŋɔ etiene Elisha, enyuŋ edɔhɔ enye, ete, Nte afo ɔmɔfiɔk ete ke Jehovah eyemen usɔ ɔbɔ fi mfin emi? Ndien enye ete, Ih, ami mmɔfiɔk;

2 NDIDEM 2:5

Ndien nditɔ mme prophet emi edude ke Jericho etiene Elisha, ekedɔhɔ enye, ete, Nte afo ɔmɔfiɔk ete ke Jehovah eyemen usɔ ɔbɔ fi mfin emi? Ndien enye ɔdɔhɔ ete, Ih, ami mmɔfiɔk ŋko; mbufo edop uyo.

2 NDIDEM 2:7

Ndien nditɔ mme prophet, owo aba ye duop, eka ekeda nsan nsan, esak iso ese mmɔ: ndien mmɔ mbiba eda ke mben Jordan.

2 NDIDEM 4:26

Shunammite emi ko: fehe, ndien, kosobo ye enye, nyuŋ bup enye, Nte ɔfɔn ye afo? Nte ɔfɔn ye uberi?

2 NDIDEM 5:21

Ntre ke Gehazi ebine Naaman. Ekem adaŋemi Naaman okutde ete ke ebine imɔ, enye oto ke chariot esie ɔsuhɔre edisobo ye enye, ndien obup enye, ete, Nte ŋkpɔ ɔfɔn?

2 NDIDEM 5:25

Ekem enye oduk akada ke iso ete esie. Ndien Elisha ɔdɔhɔ enye, ete, Afo oto mmɔŋ, Gehazi? Ndien enye ɔbɔrɔ ete, Owo fo ikaha baba ebiet kiet.

2 NDIDEM 5:5

Ekem edidem Syria ɔdɔhɔ ete, Nam ka, nyenɔ ŋwed esɔk edidem Israel. Ntre ke enye aka, onyuŋ ada talent silver duop, ye tɔsin shekel gold itiokiet, ye ukpuhɔ ɔfɔŋ-idem duop, akama ke ubɔk aka.

ISAIAH 59:3

Koro iyip asabarede mbufo ubɔk, idiɔk ido onyuŋ asabare mbufo nnuenubɔk; mkpɔk-inua mbufo ededɔhɔ nsu, edeme mbufo etetiŋ ukwaŋ-ŋkpɔ.

JEREMIAH 9:3

Ndien mmɔ enuk utiga mmɔ, kpa edeme mmɔ etop nsu: idaha akpanikɔ inam uko ke isɔŋ; koro mmɔ edediɔŋ eka iso ke idiɔk ido, ndien ifiɔkke mi: ke edi Jehovah ɔdɔhɔ.

JEREMIAH 9:5

Ndien kpukpru owo eyebiaŋa nsaŋa mmɔ, idinyuŋ idɔhɔke akpanikɔ: edeme mmɔ emehe ndisu nsu, enam idiɔk tutu idem emem mmɔ.

JOHN 8:44

Mbufo edi nditɔ ete mbufo, kpa Satan, enyuŋ eyom ndinam obukpo udɔŋ ete mbufo. Enye edi owot-owo toto ke eritɔŋɔ, ikonyuŋ isɔŋɔke ida ke akpanikɔ, koro enye minyeneke akpanikɔ ke esit esie. Ke ini enye osude nsu, enye osio se idude ke esit etiŋ: koro enye edi osunsu, ye ete nsu.

JOSHUA 24:33

Ekem, Eleazar, eyen Aaron, akpa; ndien mmɔ ebuk enye ke Gibeah Phinehas eyen esie, emi ekenɔde enye ke otu ikpɔ obot Ephraim.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

JUDGES 14:12

Ekem Samson ɔdɔhɔ mmɔ, ete, Yak ntop ŋke nnɔ mbufo, ndien: mbufo ema esiak enye enɔ mi ke usen udia itiaba, enyuŋ efiɔk enye, nyenɔ mbufo ndien shirt edip ye duop ye ukpuhɔ edisine-ŋkpɔ edip ye duop.