2 NDIDEM 5:15 - Edisana ñwed Abasi Ibom

¹⁵ Ekem, enye ye ofuri udim esie efiak ekesim owo Abasi, edi edida enye ke iso: ndien enye ɔdɔhɔ ete, Mbɔk, sese, mmɔfiɔk nte ke baba Abasi kiet iduhe ke ofuri ereri-mbot, ke mibɔhɔke ke Israel: mbɔk ndien, bɔ owo fo ŋkpɔ mfɔn.

2 NDIDEM 5:15 ပူးပေါင်းရင်းမြစ်များ

GENESIS 33:11

Mbɔk, bɔ enɔ mi oro edade esɔk fi: koro Abasi ama ɔfɔn ye ami, koro ami nnyuŋ nnyenede kpukpru. Enye onyuŋ eyire Esau,

1 NDIDEM 13:7

Ndien edidem ɔdɔhɔ owo Abasi oro, ete, Tiene mi di ke ufɔk, sɔŋ idem, nyenɔ fi enɔ.

1 NDIDEM 18:36

Edikem ke ini emi ekam ewade uwa, prophet Elijah asaŋa ekpere, onyuŋ ɔdɔhɔ ete, O Jehovah Abasi Abraham, ye eke Isaac, ye eke Israel, ke ami nnyuŋ ndi owo fo, ke nnyuŋ nnam kpukpru ŋkpɔ emi ke uyo fo.

2 NDIDEM 19:15

Hezekiah onyuŋ anam mkpe-ubɔk ke iso Jehovah, onyuŋ ɔdɔhɔ, ete, Jehovah Abasi Israel, emi etiede ke otu mme cherubim, afo ke idem fo ikpɔŋ-ikpɔŋ edi Abasi kpukpru mme idut ke ererimbot; afo akanam enyɔŋ ye isɔŋ.

2 NDIDEM 19:19

Ke emi, ndien, O Jehovah Abasi nnyin, mbɔk, nyaŋa nnyin sio enye ke ubɔk, ndien kpukpru mme idut ererimbot eyefiɔk ete ke afo edi Jehovah Abasi, afo ikpɔŋ-ikpɔŋ.

2 NDIDEM 5:8

Edikem ke ini Elisha, owo Abasi, okopde ete ke edidem Israel ama asiak ɔfɔŋ-idem esie, enye ɔdɔŋ ekedɔhɔ edidem, ete, Nsinam afo akasiakde ɔfɔŋ-idem fo? Yak enye etiene mi, ndien enye eyefiɔk ete ke prophet ododu ke Israel.

ISAIAH 44:6

Ntem ke edidem Israel, ye andifak enye, Jehovah mme udim, ɔdɔhɔ, ete, Ami ndi mbemiso, ami nnyuŋ ndi akpatre; ndien baba owo kiet iduhe ke mibɔhɔke ami.

ISAIAH 44:8

Mbufo ekudige, ekunyuŋ enyek idem: nte ŋkobukke nnɔ fi, nnyuŋ ntiŋ nnɔ fi ini oko? Nte mbufo inyuŋ idige ntiense mi? Nte Abasi odu ke mibɔhɔke ami? Ŋkɔm akwa itiat iduhe du; mfiɔkke baba kiet.

ISAIAH 45:6

man mmɔ efiɔk ke edem usiaha-utin, ye ke edem usop-utin, ete ke baba kiet iduhe ke mibɔhɔke ami, ami ndi Jehovah, ndien baba efen iduhe.

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

DANIEL 3:29

Ami nnyuŋ ŋwuk ewuhɔ, nte ke eyeda idut, ye obio, ye usem eke etiŋde se minenke edian Abasi Shadrach ye Meshach ye Abednego, ekpok mmɔ mbak-mbak, enyuŋ enim ufɔk mmɔ ke ekwe: koro baba Abasi efen eke ekemede ndinyaŋa ntem miduhe.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:

ŊWED MBON ROME 10:10

koro owo ada esit onim ke akpanikɔ enyene edinen ido; onyuŋ ada inua onyime enyene erinyaŋa.

2 ŊWED CORINTH 9:5

Ntem ke eketie mi nte ɔfɔnde ndikpe nditɔ-ete ubɔk ete, ebem mi iso edi ke ɔtɔ mbufo edibem iso etaŋ etibe eke mbufo ema ekɔŋwɔŋɔ, man mbufo ebeŋe etibe oro enim, nte eke enɔde ke mfɔnido, mitoho ke ŋkan-ubɔk.

JOSHUA 9:24

Ndien mmɔ ebɔrɔ Joshua, ete, Koro mmɔ eketiŋde enɔ nnyin ikɔt fo, nte Jehovah Abasi fo okowukde Moses owo esie ndida ofuri edem emi nnɔ mbufo, nnyuŋ nsobo kpukpru mme andiduŋ edem emi ke iso mbufo mfep, ndien oto mbufo nnyin idikhe eti-eti ibaŋa uwem nnyin, ndien inam ŋkpɔ emi.

JOSHUA 9:9

Ndien mmɔ edɔhɔ enye, ete, Nnyin ikɔt fo imeto ke ata anyan idut idi, ibaŋa enyiŋ Jehovah Abasi fo: koro nnyin ikokopde etop esie, ye kpukpru se enye akanamde ke Egypt,

1 SAMUEL 25:27

(Se), ndien ŋkpɔ mfɔn emi ofin aŋwan fo adade ɔsɔk ɔbɔŋ mi, yak emen mmɔ enɔ mkparawa emi esaŋade ye ɔbɔŋ mi.

1 SAMUEL 9:7

Ndien Saul ɔdɔhɔ owo esie, ete, Sese, nnyin ima ika, idida nso ŋkpɔ isɔk owo oro? koro uyo ke ekpat nnyin okurede, baba enɔ kiet eke nnyin ididade isɔk owo Abasi oro inyuŋ iduhe: nnyin inyene nso ŋkpɔ?