2 NDIDEM 5:13 - Edisana ñwed Abasi Ibom

¹³ Ndien ikɔt esie esaŋa ekpere ekedɔhɔ enye, ete, Ete mi, prophet akpasiak akamba ŋkpɔ ɔnɔ fi, ukpanamke? Nwaŋwa ediso, ndien, ke enye ɔdɔhɔde fi, ete, Yere, ndien sana.

2 NDIDEM 5:13 ပူးပေါင်းရင်းမြစ်များ

GENESIS 41:43

onyuŋ anam enye odoro ke udiana-akpa chariot esie; mmɔ enyuŋ efiori enye ke iso, ete, Etɔŋɔ edɔŋ: onyuŋ onim enye edi akakan ke ofuri isɔŋ Egypt.

1 NDIDEM 20:23

Ekem ikɔt edidem Syria edɔhɔ enye, ete, Mme abasi mmɔ edi abasi ikpɔ obot, mmɔdo mmɔ ekesɔŋde ekan nnyin; edi yak nnyin iŋwana ye mmɔ ke una-isɔŋ, ise mme nnyin iyesɔŋ ikan mmɔ,

1 NDIDEM 20:31

Ndien ikɔt esie edɔhɔ enye, ete, Mbɔk, sese, nnyin imokop ite ke ndidem ufɔk Israel edi ndidem mbɔm: mbɔk, yak nnyin ikune ɔfɔŋ ikpo ke isin, inyuŋ ikɔŋɔ uruk ke itɔŋ nnyin, ndien iwɔŋɔ itiene edidem Israel: mme enye eyenim fi uwem.

2 NDIDEM 13:14

Ekem Elisha ɔdɔŋɔ udɔŋɔ esie oro enye akpade ke esit. Ndien Joash edidem Isreal ɔsuhɔre aka ke ɔtɔ esie, akatua enye eyet ke iso, onyuŋ ɔdɔhɔ ete, O ete mi, ete mi, chariot Israel, ye mbon horse esie!

2 NDIDEM 2:12

Ndien adaŋemi Elisha okutde, enye ofiori, ete, Ete mi, ete mi! chariot Israel, ye mbon horse esie. Ndien enye ikwe aba enye. Ndien enye omum ɔfɔŋidem esie, awai ke mbak iba.

2 NDIDEM 5:10

Ndien Elisha ɔdɔŋ isuŋutom etiene enye, ete, Ka keyere mmɔŋ ke Jordan utim ikatiaba, ndien obukidem fo eyefiak oduk fi ke idem, ndien afo eyesana.

2 NDIDEM 5:3

Ekem eyen oro ɔdɔhɔ eka esie, ete, Ete mi akpakam odu ke iso prophet emi odude ke Samaria! enye akpanam ndien akpa-mfia okure enye.

2 NDIDEM 6:21

Ndien ke ini edidem Israel okutde mmɔ, enye obup Elisha, ete, Ete mi, nte ŋwot mmɔ? nte ŋwot mmɔ?

2 NDIDEM 8:9

Ndien Hazael aka okosobo ye enye, onyuŋ ada enɔ akama ke ubɔk esie, kpa kpukpru nti ŋkpɔ Damascus, emi camel aba ebiomde, ndien aka akada enye ke iso, onyuŋ ɔdɔhɔ ete, Eyen fo Ben-hadad, edidem Syria, ɔdɔŋ mi ntiene fi, ete, Mme udɔŋɔ emi eyekure mi?

ŊWED MME PSALM 51:2

Diɔŋ yet mme ukwaŋ-ŋkpɔ mi fep, nyuŋ sio mi mme idiɔk ido ke idem fep, nam ndi edisana.

ŊWED MME PSALM 51:7

Afo eyeda hyssop osio idiɔk ido mi efep, ndien nyesana: eyeyet mi idem, ndien nyafia ŋkan snow.

ISAIAH 1:16

Mbufo eyet idem enam esana; emen mme idiɔk ido mbufo ke enyin mi efep; etre ndinam idiɔk; ekpep ndinam eti:

MALACHI 1:6

Eyen okpono ete, ofin onyuŋ okpono andinyene enye: edi edieke ami ndide ete, ukpono mi odu mmɔŋ? Edieke ami nnyuŋ ndide andinyene, uteŋe mi odu mmɔŋ? Ntem ke Jehovah mme udim ɔdɔhɔ mbufo mme oku emi esede enyiŋ mi ke ndek. Ndien mbufo ebup ete, Ke didie ke nnyin ise enyiŋ fo ke ndek?

MATTHEW 23:9

Ekunyuŋ ekot ndomo owo kiet ke isɔŋ, ete, Ete; koro Kiet edi Ete mbufo, kpa Enye emi odude ke heaven.

JOHN 13:8

Peter ete Enye, Uduyetke mi ukot. Jesus ɔbɔrɔ enye ete, Edieke mmenyetke fi, afo usuaŋake ŋkpɔ ye Ami.

JOHN 9:7

Ka keyet mmɔ ke mkpɔdiɔhɔ-mmɔŋ Siloam (emi ɔwɔrɔde ete, Enye emi ekɔdɔŋde). Owo oro aka ekeyet mmɔ, onyuŋ afiak edi okut usuŋ.

UTOM MME APOSTLE 22:16

Ndien ke ebebet nso naŋa? Daha ke enyɔŋ, kana baptism, nyuŋ yet mme idiɔk-ŋkpɔ fo fep ke eriseme ŋkot enyiŋ Esie.

1 ŊWED CORINTH 1:21

Sia Abasi okonimde ke ɔniɔŋ Esie, ete ererimbot ekuda eti ibuot eke mmɔ efiɔk Imɔ, ɔfɔn Abasi ke enyin ndida ukwɔrɔ-ikɔ, emi owo esede ke ndisime, nnyaŋa mmɔ emi enimde ke akpanikɔ.

1 ŊWED CORINTH 1:27

edi Abasi ekemek ŋkpɔ oro edide ndisime ke ererimbot man Enye esuene mbon eti ibuot; Abasi okonyuŋ emek ŋkpɔ eke edide mmeme ke ererimbot man Enye esuene mkpɔsɔŋ ŋkpɔ;

1 ŊWED CORINTH 4:15

Koro mbufo ekpenyenyene mme andikpep thousand duop ke Christ, mbufo inyeneke ediwak ete; koro edi ami ŋkada gospel mbon mbufo ke Christ Jesus.

TITUS 3:5

itoho ke ŋkpɔ eke nnyin inamde ke edinen ido, edi oto ke mbɔm Esie ke Enye akanyaŋa nnyin, ɔtɔŋɔ ntak obot nnyin ke eriyet nnyin isana,

MME HEBREW 10:22

eyak nnyin isaŋa ikpere ye esit akpanikɔ ke ɔyɔhɔ mbuɔt-idem idem, ye esit eke esimede esio ifiɔk idiɔk-ŋkpɔ efep ye idem eke eyetde ke ata mmɔŋ:

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.

1 SAMUEL 24:11

Ndien ŋko, ete mi, se utɔŋ ekura fo ke ubɔk mi: koro ŋkesibede utɔŋ ekura fo mfep, ndien mme-ŋwotke fi, da oro fiɔk, nyuŋ se, ete ke idiɔk ido ye ukwaŋ-ŋkpɔ iduhe mi ke ubɔk, ŋkonyuŋ nduehe fi baba ŋkpɔ kiet; edi afo ke osuk ebine ndibɔ mi uwem.

1 SAMUEL 28:23

Edi enye esin, onyuŋ ɔdɔhɔ ete, Ndiaha. Edi ikɔt esie ye ŋwan oro eyire enye; ndien enye okop uyo mmɔ; ndien adaha ke enyɔŋ etie ke bed.

1 SAMUEL 9:10

Ndien Saul ɔdɔhɔ owo esie, ete, Uyo fo ɔfɔn; di nnyin ika. Ndien mmɔ eka ke obio emi owo Abasi odude do.