2 NDIDEM 4:31 - Edisana ñwed Abasi Ibom

³¹ Edi Gehazi ebem mmɔ iso, aka okodori eyen oro esaŋ ke iso; edi baba uyo iduhe, mkpaŋ-utɔŋ inyuŋ iduhe. Ndien enye afiak okosobo ye enye, onyuŋ ɔdɔhɔ enye, ete, Eyen oro idemekede.

2 NDIDEM 4:31 ပူးပေါင်းရင်းမြစ်များ

1 NDIDEM 18:26

Ntre ke mmɔ eda enaŋ oro ekenɔde mmɔ, enyuŋ ediɔŋ enye, ndien efiori ekot enyiŋ Baal, ɔtɔŋɔde ke usenubɔk tutu osim ufɔt uwemeyo, ete, O Baal, yere nnyin. Edi baba uyo kiet iduhe, baba owo kiet eke eyerede inyuŋ iduhe. Ndien mmɔ enek unek ekan itie-uwa oro mmɔ ekenamde ekuk.

1 NDIDEM 18:29

Ekem ke ini ufɔt uwemeyo ama ekebe, mmɔ edama nte idat, tutu oyom ndikem ke ini emi ewade uwa, edi uyo iduhe, baba owo kiet eke eyerede iduhe, baba mkpaŋ-utɔŋ inyuŋ iduhe.

2 NDIDEM 4:32

Ekem ke ini Elisha odukde ke ufɔk, sese, eyen amakpa, ana ke bed esie.

2 NDIDEM 5:20

Ndien Gehazi akparawa Elisha, owo Abasi, ɔdɔhɔ ete, Sese, ete mi etre ndibɔ Naaman eyen Syria emi se enye akadade ke ubɔk edi: ma uwem Jehovah nyefehe mbine enye, nyuŋ mbɔ enye ŋkpɔ.

2 NDIDEM 8:1

NDIEN Elisha ama ɔkɔdɔhɔ ŋwan oro enye akanamde eyen esie eset, ete, Daha ke enyɔŋ, afo, ye ufɔk fo, nyuŋ ka koduŋ ke ebiet eke afo edikemede ndiduŋ: koro Jehovah okotde akaŋ edi; ndien ŋko akaŋ eyedu ke edem emi ke isua itiaba.

ŊWED JOB 14:12

Kpa ntre ke owo ɔsuhɔre ana ke isɔŋ, inyuŋ idahake ke enyɔŋ: mmɔ idemekede tutu ikpa-enyɔŋ okure, idinyuŋ ituakke mmɔ ke idap mmɔ.

EZEKIEL 14:3

Eyen owo, mme mmɔ emi emeda ibɔk mmɔ ewuk ke esit mmɔ, enyuŋ eda ŋkpɔ iduɔ idiɔk ido mmɔ enim ke iso mmɔ: nte ŋkpayak ebup mi ebaŋa mmɔ?

DANIEL 12:2

Ndien ediwak mmɔ emi edede idap ke ntan isɔŋ eyedemere: usuk eyedemere eduk ke nsinsi uwem, usuk ke but ye nsinsi esuene.

MARK 5:39

Ndien ke Enye odukde ufɔk, Enye ɔdɔhɔ mmɔ ete, Nsinam mbufo esinde ndutime enyuŋ etuaŋade? eyen emi ikpaha mkpa, edi edede.

JOHN 11:11

Ke Enye ama ɔkɔdɔhɔ ikɔ emi, Enye ete, Lazarus, ufan nnyin, ke ede; edi mmɔŋ ŋka man ndemere enye ke idap.

ŊWED MBON EPHESUS 5:14

koro sededi eke eyararede akabare edi uŋwana. Mmɔdo ɔdɔhɔde ete, Demere, afo emi edede idap, Nyuŋ set ke mkpa, Ndien Christ eyeyama ɔnɔ fi.

1 SAMUEL 14:37

Ndien Saul obup Abasi, ete, Nte nsuhɔre mbine mme Philistine? Nte afo edida mmɔ esin ke ubɔk Israel? Edi enye ibɔrɔke enye ke ini oro.

1 SAMUEL 28:6

Ndien adaŋemi Saul obupde Jehovah, Jehovah ibɔrɔke enye ke ndap, ye ke Urim, ye ke mme prophet.