2 NDIDEM 4:29 - Edisana ñwed Abasi Ibom

²⁹ Ndien Elisha ɔdɔhɔ Gehazi, ete, Bɔbɔ mbɔbɔ ke isin, nyuŋ da esaŋ mi ke ubɔk fo, ka: okut owo ke usuŋ, kukɔm enye; owo onyuŋ ɔkɔm fi, kuyere enye; ndien dori eyen oro esaŋ mi ke iso.

2 NDIDEM 4:29 ပူးပေါင်းရင်းမြစ်များ

1 NDIDEM 18:46

Ndien ubɔk Jehovah odoro Elijah ke idem; ndien enye ɔbɔbɔ mbɔbɔ ke isin esie, onyuŋ ebem Ahab iso efehe tutu osim ke inua-otop Jezreel.

2 NDIDEM 2:14

Enye onyuŋ ada mantle Elijah oro okotode enye ke idem ɔduɔ, oyibi mmɔŋ, onyuŋ ɔdɔhɔ ete, Enye Jehovah Abasi Elijah? Kpa enye ŋko onyuŋ oyibi mmɔŋ, ndien mmɔŋ abahare edem mbiba: ndien Elisha asaŋa ebe.

2 NDIDEM 2:8

Ndien Elijah emen mantle esie, onyuŋ akpaŋ enye, ada oyibi mmɔŋ, ndien mmɔŋ asiaha edem mbiba, ndien mmɔ mbiba esaŋa ke nsatisɔŋ ebe.

2 NDIDEM 4:12

Ndien enye (Elisha) ɔdɔhɔ Gehazi, akparawa esie, ete, Kot Shunammite emi edi ken.

2 NDIDEM 9:1

EKEM Elisha prophet okot eyen mme prophet kiet, onyuŋ ɔdɔhɔ enye, ete, Bɔbɔ mbɔbɔ fo ke isin, nyuŋ da ekpeme aran emi ke ubɔk fo, ka ke Ramoth-gilead:

EXODUS 14:16

Edi afo menere esaŋ fo ke enyɔŋ, nyuŋ, nyanare ubɔk fo ke enyɔn inyaŋ, bahare inyaŋ: ndien nditɔ Israel eyesaŋa ke edisat isɔŋ ke ufɔt inyaŋ ebe.

EXODUS 4:17

Nyuŋ da esaŋ emi afo edidade anam mme idiɔŋɔ oro, kama ke ubɔk fo.

MME ŊKE 31:17

Enye ɔbɔbɔ odudu ke isin esiemɔ; onyuŋ anam ubɔk esiemɔ ɔsɔŋɔ.

LUKE 10:4

Ekukama ekpat okuk, mme ekpat udia, mme ikpa-ukot: ekunyuŋ ekɔm owo ke usuŋ.

UTOM MME APOSTLE 19:12

tutu mme owo eda ukwɔhɔre-inua ye mbɔbɔ emi etode enye ke idem esɔk mbon udɔŋɔ, ndien mme udɔŋɔ ekpɔŋ mmɔ, mme idiɔk spirit enyuŋ ewɔŋɔ mmɔ ke idem.

UTOM MME APOSTLE 3:16

Ndien oto koro owo emi ɔbuɔtde idem ke enyiŋ Esie, enyiŋ Esie ama anam owo emi mbufo ekutde enyuŋ efiɔkde okop nsɔŋidem: ke akpanikɔ, mbuɔtidem emi otode ke enye ama ɔnɔ owo emi ɔyɔhɔ nsɔŋidem ntem ke iso mbufo kpukpru.

ŊWED MBON EPHESUS 6:14

Esɔŋɔ eda ndien: eda akpanikɔ ebɔbɔ ke isin, enyuŋ esine edinen ido nte ukwak ikpanesit,

1 PETER 1:13

Mmɔdo efak ɔfɔŋ esit mbufo, efara ke idem, enyuŋ edori enyin ɔyɔhɔ-ɔyɔhɔ ke ufɔn eke edidade esɔk mbufo ke eriyarare Jesus Christ.