2 NDIDEM 3:4 - Edisana ñwed Abasi Ibom

⁴ Ndien Mesha edidem Moab edi andinyene ufene, onyuŋ otomo edidem Israel tɔsin nditɔ-erɔŋ itie ikie, ye tɔsin okukim itie ikie, kpa idet mmɔ,

2 NDIDEM 3:4 ပူးပေါင်းရင်းမြစ်များ

GENESIS 13:2

Abram onyuŋ odobi ke ufɔk esie, ke ufene, ye ke silver, ye ke gold.

2 SAMUEL 8:2

Enye onyuŋ asuan Moab, onyuŋ ada uruk odomo mmɔ, anam mmɔ ena ke isɔŋ; enye onyuŋ odomo ubak iba eke ediwotde, ye ata akamba ubak eke edinimde ke uwem. Ntre ke nditɔ Moab ekabare edi ifin David, enyuŋ etomo utomo.

2 SAMUEL 8:6

David onyuŋ onim mbon-ekɔŋ ke itie, ke itie, ke Syria Damascus: nditɔ Syria enyuŋ ekabare edi ifin David, enyuŋ etomo utomo. Jehovah onyuŋ anyaŋa David ke kpukpru ebiet emi enye akade.

1 CHRONICLES 18:2

Enye onyuŋ asuan Moab; ndien mme Moabite ekabare edi ikɔt David, enyuŋ etomo utomo.

2 CHRONICLES 26:10

Enye onyuŋ ɔbɔp tower ke wilderness, onyuŋ otibi ediwak obube mmoŋ; koro enye enyenede ediwak ufene ke una-isɔŋ edem inyaŋ, ye ke una-isɔŋ edem Jordan; ye mme andifuŋ isɔŋ ye mbon-udiɔŋ vine ke ikpɔ obot, ye ke Carmel: koro enye edide ama-iŋwaŋ.

ŊWED JOB 1:3

Inyene esie onyuŋ edi tɔsin ŋkpri ufene itiaba, ye tɔsin camel ita, ye enaŋ iba-iba ke itie ikie ition, ye uman ass ikie ition, ye ata ediwak ikɔt; ndien owo oro okpon akan kpukpru nditɔ edem usiaha-utin.

ŊWED JOB 42:12

Ndien Jehovah ɔdiɔŋ Job ke ukperedem akan eke mbemiso: ndien enye enyene tɔsin ŋkpri ufene duopenaŋ, ye tɔsin camel itiokiet, ye enaŋ iba-iba itie tɔsin, ye tɔsin uman ass.

ŊWED MME PSALM 60:8

Moab edi akpaŋkpaŋ-uyet-ukot mi; nyetop ikpa-ukot mi nnɔ Edom: Philistia, sio mkpo idara baŋa mi.