2 NDIDEM 3:13 - Edisana ñwed Abasi Ibom

¹³ Ndien Elisha ɔdɔhɔ edidem Israel, ete, Nsaŋa nso ye afo? Tiene mme prophet usɔ, ye mme prophet uka. Ndien edidem Israel ɔdɔhɔ enye, ete, Ih ih: koro Jehovah ama okot ndidem ita emi edi, ete ida mmɔ isin ke ubɔk Moab.

2 NDIDEM 3:13 ပူးပေါင်းရင်းမြစ်များ

1 NDIDEM 17:18

Ndien eka ɔdɔhɔ Elijah, ete, Ami nsaŋa nso ye afo, O owo Abasi? Nte afo emedi ke ufɔk mi, nditi mi idiɔk ido mi, nnyuŋ ŋwot eyen mi?

1 NDIDEM 18:19

Kam dɔŋ ekebon ofuri Israel enɔ mi ke obot Carmel, ye mme prophet Baal ikie inaŋ ye aba ye duop, ye mme prophet Asherah owo ikie inaŋ emi ediade ŋkpɔ ke okpokoro Jezebel.

1 NDIDEM 22:6

Ndien edidem Israel obon mme prophet, owo ikie inaŋ, ɔtɔ kiet, ndien obup mmɔ, ete, Nte ŋka ekɔŋ ke Ramoth-gilead, mme ŋkuka? Ndien mmɔ ebɔrɔ ete, Dɔk: ndien Ɔbɔŋ eyeda enye esin edidem ke ubɔk.

2 NDIDEM 3:10

Ndien edidem Israel ɔdɔhɔ ete, Ahab! emi Jehovah okotde ndidem ita emi edi, ete ida mmɔ isin Moab ke ubɔk.

2 NDIDEM 3:12

Ndien Jehoshaphat ɔdɔhɔ ete, ikɔ Jehovah odu ye enye. Ekem edidem Israel, ye Jehoshaphat, ye edidem Edom, esuhɔre eka ke ɔtɔ esie.

MME ŊKE 1:28

Ke ini oro mmɔ eyeseme ekot mi, edi ndiyereke; eyebak eyom mi, ndien idikwe mi.

JEREMIAH 37:19

Ndien mme prophet mbufo oro eketiŋde prophecy enɔ mbufo, ete, “Edidem Babylon ididige ekɔŋ ye mbufo ke isɔŋ emi”, edu mmɔŋ?

HOSEA 6:1

MBUFO edi, nnyin inyɔŋ itiene Jehovah: koro edi enye akawai, ndien enye eyekɔk nnyin: edi enye okoyibi, ndien enye eyebɔp nnyin.

MATTHEW 8:29

Ndien sese, mmɔ efiori ete, Nnyin isaŋa nso ye Afo, Afo Eyen Abasi? Nte emedi ndituhɔre nnyin ke ini mikemke kaŋa ini?

JOHN 2:4

Jesus ete enye, Ŋwan owo, Ami nsaŋa didie ye afo? Ini Mi ikemke kaŋa.

2 ŊWED CORINTH 5:16

Ntre ɔtɔŋɔde ke emi nnyin ifiɔkke owo ke ido obukidem; ekpedi nte ikɔfiɔkde Christ ke ido obukidem, ifiɔkke Enye aba ke usuŋ oro.

2 ŊWED CORINTH 6:15

Nso udeme ke edinen ido enyene ye ukwaŋido? Nso abuana ke uŋwana enyene ye ekim? Nso nduk ke Christ oduk ye Belial? Nso udeme ke andinim ke akpanikɔ enyene ye owo eke minimke ke akpanikɔ?

JUDGES 10:14

Mbufo eka ekeseme enɔ mme abasi emi mbufo emekde: yak mmɔ enyaŋa mbufo ke ini nnanenyin mbufo.

RUTH 1:15

Ndien enye ɔdɔhɔ ete, Sese, ŋwan eyen-eka uberi ɔnyɔŋ etiene oruk esie, ye mme abasi esie; nyɔŋ tiene ŋwaŋ eyen-eka uberi.