2 NDIDEM 25:4 - Edisana ñwed Abasi Ibom

⁴ Ekem ebuŋ obio, kpukpru mbon-ekɔŋ enyuŋ efeŋe ke okoneyo ke usuŋ inua-otop ke ufɔt ibibene mbiba emi ekperede iŋwaŋ-esa edidem: (koro mme Chaldean enyuŋ ekan obio ekuk:) ndien (edidem) efehe aka usuŋ una-isɔŋ.

2 NDIDEM 25:4 ပူးပေါင်းရင်းမြစ်များ

2 NDIDEM 25:5

Ndien udim-ekɔŋ mme Chaldean ebine edidem, enyuŋ esim enye ke una-isɔŋ Jericho: ndien ofuri udim ekɔŋ esie esuana ekpɔŋ enye.

2 CHRONICLES 32:5

Ndien ŋko enye ɔsɔŋ esit ɔbɔp ofuri ibibene eke owurede, onyuŋ eneŋere enye onim tutu osim ke mme tower, ye ibibene efen ke edem, onyuŋ ɔdiɔŋ ɔsɔŋ Millo, ye obio David, onyuŋ anam ediwak onyim ye otu-ekɔŋ.

NEHEMIAH 3:15

Edi Shallun eyen Col-hozeh, etubom ubak Mizpah, ɔdiɔŋ inua-otop idim; enye ɔbɔp enye, onyuŋ okubi enye, onyuŋ ɔkɔŋ itim esie, ye locks esie, ye usin-usuŋ esie, ye ibibene mkpɔdiɔhɔ-mmɔŋ Shelah tutu osim iŋwaŋ-esa edidem, udigukot emi otode ke obio David ɔsuhɔre.

ISAIAH 22:11

Mbufo emenyuŋ enam mkpɔdiɔhɔ-mmɔŋ ke ufɔt ibibene mbiba enɔ mmɔŋ akani mkpɔdiɔhɔ-mmɔŋ. Edi itiŋke enyin ke andinam enye, inyuŋ isehe Enye emi okobotde enye tutu ko.

ISAIAH 22:3

Kpukpru mme etubom fo efehe ɔtɔ kiet; ebɔp mmɔ, idige ke utiga: eda kpukpru nditɔ fo eke mmɔ ekutde ebɔp ɔtɔ kiet, mmɔ eto ke anyan ebiet efeŋe.

JEREMIAH 32:4

Zedekiah edidem Judah idinyuŋ ibɔhɔke mme Chaldean ke ubɔk; koro enye miditreke ndisine edidem Babylon ke ubɔk, eyenyuŋ eneme ye enye inua ye inua, enyin esie eyenyuŋ okut enyin enye eken;

JEREMIAH 34:3

Ndien afo udubɔhɔke enye ke ubɔk, koro mmɔ eyemum fi, eyenyuŋ eda fi esin enye ke ubɔk; ndien enyin fo eyekut enyin edidem Babylon, inua esie eyenyuŋ eneme ye inua fo, ndien afo eyesim Babylon.

JEREMIAH 38:18

edi munyimeke ndiwɔrɔ ntiene ikpɔ owo edidem Babylon, obio emi eyesine mme Chaldean ke ubɔk: ndien mmɔ eyefɔp enye ke ikaŋ, afo udunyuŋ ubɔhɔke mmɔ ke ubɔk.

JEREMIAH 4:17

Kpa nte mme ekpeme-iŋwaŋ, kpa ntre ke mmɔ edikan enye ekuk: koro enye ama ɔsɔŋ ibuot ye ami; Jehovah ɔdɔhɔ.

JEREMIAH 4:29

Uyom mme horse ye eke mme otop-utiga eyesin ofuri obio efeŋe: mmɔ eduk ke mfuhɔ ikɔt, enyuŋ edɔk ke ikpɔ itiat: ekpɔŋ kpukpru obio, baba owo kiet eke oduŋde mmɔ ke esit inyuŋ iduhe.

JEREMIAH 44:30

ntem ke Jehovah ɔdɔhɔ ete, Sese ami nyeda Pharaoh Hophra edidem Egypt nsin ke ubɔk mme asua esie, ye ke ubɔk mmɔ eke eyomde uwem esie; kpa nte ŋkadade Zedekiah edidem Judah nsin ke ubɔk Nebuchadrezzar edidem Babylon, asua esie, ye andiyom uwem esie.

JEREMIAH 5:10

Mbufo edɔk ke ibibene esie ekewuri; edi ekunam ema: ekibi enye nnyɔninyɔ efep: koro mmɔ minyeneke Jehovah.

ŊWED ESEME 1:3

Emetaŋ Judah efep ebaŋa ukut ye ɔkpɔsɔŋ ufin: enye etie ke otu mme idut ikwe nduɔk-odudu: kpukpru mmɔ eke ebinede enye emesim enye ke mbaba esie.

ŊWED ESEME 1:6

Ofuri uyai adiaha Zion omonyuŋ ɔwɔrɔ ɔkpɔŋ enye: mbɔŋ esie ebiet edop eke mikwe mbiet, ndien mmɔ ebem andibine iso esaŋa, inyuŋ inyeneke odudu.

EZEKIEL 12:12

Ndien ɔbɔŋ emi odude ke ufɔt mmɔ eyebiom ŋkpɔ ke afara ke ekim ɔwɔrɔ. Mmɔ eyetibi odudu ke ibibene, man ebume ŋkpɔ ke esit ewɔrɔ: enye eyefuk iso esie man okukut isɔŋ ke enyin.

EZEKIEL 12:14

Ndien nyesuan kpukpru mmɔ eke ekande enye ekuk ete iŋwam enye, nyenyuŋ nsuan kpukpru mbon-ekɔŋ esie, nsin ke kpukpru mme ofum; nnyuŋ nsio ofut mbine mmɔ.

EZEKIEL 12:4

Ndusuk mmɔ eyekut, koro mmɔ edide ufɔk nsɔŋ-ibuot. Ndien biom mkpoduoho fo, kpa nte mkpoduoho uwɔrɔ-iduŋ ke uwemeyo ke enyin mmɔ: afo nyuŋ wɔrɔ ke mbubreyo ke enyin mmɔ, kpa nte mmɔ eke ewɔŋɔde eka ke ntaŋ-mfep.

EZEKIEL 33:21

Edikem ke ɔyɔhɔ isua duopeba nte eketaŋ nnyin efep, ke ɔyɔhɔ ɔfiɔŋ duop, ke ɔyɔhɔ usen ɔfiɔŋ ition, owo emi okotode ke Jerusalem ɔbɔhɔ osim mi, ete, Emesuan obio.

LEVITICUS 26:17

Nyenyuŋ ŋkwaŋa iso mi ye mbufo, ndien mbufo eyesuana ke iso mme asua mbufo; mme mmɔ emi esuade mbufo eyekara mbufo: ndien mbufo eyefeŋe itɔk, ke baba owo kiet mibineke mbufo.

LEVITICUS 26:36

Ndien ama edi mme mmɔ emi edisuhɔde ke otu mbufo, nyesin mmɔ esit ufep ke mme idut mme asua mmɔ, ndien uyom ikɔŋ eke enyeŋede eyenam mmɔ efeŋe itɔk, ndien mmɔ eyefeŋe, nte emi efeŋede ofut; enyuŋ eduɔŋɔ ke baba owo kiet mibineke.

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

DEUTERONOMY 28:25

Jehovah eyenim fi ke iso mme usua fo, ete esuan fi: afo eyewɔrɔ aka ekɔŋ ye mmɔ ke usuŋ kierakiet, ndien eyefehe ke iso mmɔ ke usuŋ itiaba: ndien afo eyedi se kpukpru mme idut ererimbot enukde.

DEUTERONOMY 32:30

Owo kiet ekpekeme didie ndibine tɔsin, iba ekpenyuŋ ekeme didie ndisin tɔsin duop efeŋe, ke midige Akwa Itiat mmɔ akanyam mmɔ, Jehovah okonyuŋ ayak mmɔ ɔnɔ?