2 NDIDEM 25:1 - Edisana ñwed Abasi Ibom

¹ EDIKEM ke ɔyɔhɔ isua usukkiet nte enye akada ubɔŋ, ke ɔyɔhɔ ɔfiɔŋ duop, ke ɔyɔhɔ usen ɔfiɔŋ duop, Nebuchadnezzar edidem Babylon, ye ofuri udim-ekɔŋ esie edi ekɔŋ ye Jerusalem, edikan enye ekuk.

2 NDIDEM 25:1 ပူးပေါင်းရင်းမြစ်များ

2 NDIDEM 24:1

KE eyo esie Nebuchadnezzar edidem Babylon ɔdɔk edi, ndien Jehoiakim akabare edi owo esie ke isua ita, ndien akabare ɔsɔŋ ibuot ye enye.

2 NDIDEM 24:10

Ke ini oro ikɔt Nebuchadnezzar edidem Babylon edɔk edi ke Jerusalem edikan obio ekuk.

2 NDIDEM 25:2

Ndien mmɔ ebɔp tower ekan enye ekuk. Ntem ke mmɔ ekan obio ekuk, tutu osim ke ɔyɔhɔ isua edidem Zedekiah duopekiet.

2 NDIDEM 25:8

Ekem ke ɔyɔhɔ ɔfiɔŋ ition, ke ɔyɔhɔ usen itiaba ke ɔfiɔŋ, emi edide ɔyɔhɔ isua edidem Nebuchadnezzar edidem Babylon efurenaŋ, Nebuzaradan etubom mbon-ukpeme edidem, owo edidem Babylon, edisim Jerusalem:

1 CHRONICLES 6:15

Ndien Jehozadak aka ke ntaŋ-mfep, ke ini Jehovah adade ubɔk Nebuchadnezzar ataŋ Judah ye Jerusalem efep.

2 CHRONICLES 36:11

Zedekiah osim isua edip ye kiet ke ini enye adade ubɔŋ, ndien enye edi edidem ke Jerusalem ke isua duopekiet.

ISAIAH 29:3

Ndien nyenam nna-ekɔŋ ŋkan fi ŋkuk, nnyuŋ nda udim mfik fi, nnyuŋ mmenere ŋkpɔ uŋwana ekɔŋ ŋŋwana ye afo.

JEREMIAH 21:2

Mbɔk, bup Jehovah baŋa nnyin: koro Nebuchadrezzar edidem Babylon ke aŋwana ekɔŋ ye nnyin; mme Jehovah eyenam ye nnyin nte asaŋade ye kpukpru mme utibe ŋkpɔ esie, man enye ɔkpɔŋ nnyin ɔdɔk.

JEREMIAH 27:8

Ndien ama edi idut ye obio eke midinyimeke ndinam ŋkpɔ nnɔ enye, kpa Nebuchadnezzar edidem Babylon, ye eke midinyimeke ndisin itɔŋ mmɔ ke ɔkpɔnɔ edidem Babylon, ami nyeda ofut, ye biɔŋ, ye idiɔk udɔŋɔ nnɔ idut oro ufen, tutu mma mmɔ ke ubɔk esie; emi edi uyo Jehovah.

JEREMIAH 32:1

IKƆ emi okoto Jehovah osim Jeremiah ke ɔyɔhɔ isua Zedekiah edidem Judah, duop, isua oro edi ɔyɔhɔ isua Nebuchadrezzar efureta.

JEREMIAH 32:2

Ndien ke ini oro mbon-ekɔŋ edidem Babylon ekan Jerusalem ekuk: ndien ekɔbi Jeremiah prophet ebaha ke okure ufɔk ukwak, emi odude ke ufɔk edidem Judah.

JEREMIAH 32:24

Sese, mme ibombom emesim obio, man mmɔ eda enye: ndien emen obio esin ke ubɔk mme Chaldean, emi eŋwanade ekɔŋ ye enye ke ofut ye ke biɔŋ ye ke udɔŋɔ: ndien se afo ɔkɔdɔhɔde omosu: ndien, sese, afo omokut.

JEREMIAH 32:28

Mmɔdo ntem ke Jehovah ɔdɔhɔ, ete, Sese, ami mmɔŋ nda obio emi nsin mme Chaldean ke ubɔk, ye ke ubɔk Nebuchadrezzar edidem Babylon; ndien enye eyeda enye:

JEREMIAH 4:17

Kpa nte mme ekpeme-iŋwaŋ, kpa ntre ke mmɔ edikan enye ekuk: koro enye ama ɔsɔŋ ibuot ye ami; Jehovah ɔdɔhɔ.

JEREMIAH 43:10

Ntem ke Jehovah mme udim Abasi Israel ɔdɔhɔ, ete, Sese, ami nyedɔŋ ekeda Nebuchadrezzar edidem Babylon owo mi edi, nyenyuŋ ndori ebekpo esie ke enyɔŋ mme itiat emi ndipde; ndien enye eyetat ediye ɔfɔŋ ebekpo esie ke enyɔŋ mmɔ.

JEREMIAH 50:17

Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

JEREMIAH 51:34

Nebuchadrezzar edidem Babylon ama adia mi, ama asuan mi, ama onim mi nte ukpɔk abaŋ, ama emen mi nte kukubarakpa, ama ada edinem udia mi esin ke idibi esie ɔyɔhɔ, ama ebin mi efep.

JEREMIAH 52:1

ZEDEKIAH edi isua edip ye kiet ke ini enye adade ubɔŋ, ndien enye edi edidem ke Jerusalem ke isua duopekiet. Ndien enyiŋ eka esie ekere Hamutal eyen Jeremiah a Libnah.

JEREMIAH 6:3

Mme ekpemerɔŋ ye mme udim mmɔ eyedi ke ebiet esie; eyewuk tent mmɔ ekan enye ekuk:

EZEKIEL 21:14

Afo, eyen owo, tiŋ ndien prophecy, nyuŋ kwak ubɔk ke ubɔk, ndien ofut eyedɔdiɔŋ ɔsɔŋ aka iso utim ikaba ye idem utim ikata, enye eyedi ofut mmɔ eke ekpaŋade afai; ofut akamba owo emi akpade afai: enye oduk osim ŋkpɔ esit idem mmɔ.

EZEKIEL 26:7

Koro ntem ke Ɔbɔŋ Jehovah ɔdɔhɔ, ete, Sese, ami mmɔŋ nda Nebuchadrezzar edidem Babylon, edidem ndidem, ke edere, ye horse ye chariot, ye mbon horse, ye akwa udim owo, ntiene Tyre.

EZEKIEL 40:1

KE isua edip ye ition nte eketaŋ nnyin efep, ke eritɔŋɔ isua, ke ɔyɔhɔ usen ɔfiɔŋ duop, ke isua duopenaŋ nte ekesuan obio, ke idem usen oro ubɔk Jehovah odoro mi ke idem, onyuŋ emen mi edi ken.

ZECHARIAH 8:19

Ntem ke Jehovah mme udim ɔdɔhɔ, ete, Utre-udia ɔyɔhɔ ɔfiɔŋ inaŋ, ye utre-udia ɔfiɔŋ ition, ye utre-udia ɔfiɔŋ itiaba, ye utre-udia ɔfiɔŋ duop, eyedi ini idara ye mbre ufɔk Judah, ye nti usɔrɔ. Mbufo ema ndien akpanikɔ ye emem.

DEUTERONOMY 28:52

Ndien enye eyekan fi okuk ke kpukpru obio fo, tutu ŋkokoŋo ye mkpɔsɔŋ ibibene fo, emi afo ɔbuɔtde idem fo ke esit, eduɔŋɔ ke ofuri isɔŋ fo: ndien enye eyekan fi okuk ke kpukpru obio fo, ke ofuri isɔŋ fo emi Jehovah Abasi fo ɔnɔde fi.