2 NDIDEM 24:7 - Edisana ñwed Abasi Ibom

⁷ Ndien edidem Egypt itɔŋɔke aba ntak ito ke idut esie idi koro edidem Babylon akadade kpukpru se edidem Egypt ekenyenede, ɔtɔŋɔde ke akpa Egypt tutu osim akpa Euphrates.

2 NDIDEM 24:7 ပူးပေါင်းရင်းမြစ်များ

GENESIS 15:18

Ke usen oro Jehovah odiomi ediomi ye Abram, ete, Ndada isɔŋ emi nnɔ ubon fo, ɔtɔŋɔde ke akpa Egypt, tutu osim akamba akpa, akpa Euphrates:

1 NDIDEM 4:21

Solomon onyuŋ akara kpukpru mme idut, ɔtɔŋɔde ke Akpa ye idut mme Philistine, tutu osim ke adaŋa Egypt: mmɔ etomo utomo; enyuŋ edi ikɔt Solomon ofuri ini uwem esie.

ISAIAH 27:12

Ndien ama ekem ke usen oro, Jehovah eyetuak, ɔtɔŋɔde ke isɔŋ akpa tutu osim ke idim Egypt, ndien eyetaŋ mbufo kiet kiet ebon, O nditɔ Israel.

JEREMIAH 46:2

Eke Egypt, abaŋa mbon-ekɔŋ Pharaoh Neco edidem Egypt, emi okodude ke mben akpa Euphrates ke Carchemish, emi Nebuchadrezzar edidem Babylon asuande, ke ɔyɔhɔ isua Jehoiakim eyen Josiah edidem Judah, inaŋ.

JEREMIAH 46:6

Mbon nsɔp itɔk idifeheke, owo uko idifeheke, owo uko idinyuŋ ibɔhɔke; mmɔ eyetuak ukot eduɔŋɔ ke edem edere, ke mben akpa Euphrates.

EZEKIEL 30:21

Eyen owo, mmobuŋ Pharaoh edidem Egypt ubɔk; ndien, sese, ibɔpke enye, isinke ibɔk, inyuŋ idianke ɔfɔŋ, man ebɔp enye enyuŋ esɔŋ enye man omum ofut.

EZEKIEL 30:22

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmɔŋ nnam ikɔ ye Pharaoh edidem Egypt, ndien nyebuŋ enye ubɔk emi ɔsɔŋɔde onyuŋ ɔbuŋɔde; ndien nyenam ofut oto enye ubɔk ɔduɔ ke isɔŋ.

NUMBERS 34:5

ndien adaŋa ɔkpɔŋ Azmon, ɔwɔŋɔre aka ke akpa Egypt, ndien ɔkɔwɔrɔ ke inyaŋ.

JOSHUA 15:4

ndien ebe aka Azmon, ndien ediwɔrɔ ke akpa Egypt; ndien adaŋa oro etre ke mben inyaŋ. Emi edidi adaŋa mbufo ke edem usuk.