2 NDIDEM 24:20 - Edisana ñwed Abasi Ibom

²⁰ Koro osu ntre ye Jerusalem, ye Judah, abaŋa iyaresit Jehovah, tutu enye emen mmɔ ke iso esie ɔduɔk. Ndien Zedekiah ɔsɔŋ ibuot ye edidem Babylon.

2 NDIDEM 24:20 ပူးပေါင်းရင်းမြစ်များ

GENESIS 4:16

Ndien Cain ɔwɔrɔ ɔkpɔŋ iso Jehovah, aka okoduŋ ke isɔŋ Nod, ke edem Eden emi utin asiahade.

2 NDIDEM 22:17

ke usiene emi mmɔ ekekpɔŋde mi, enyuŋ efɔpde incense enɔ abasi efen, man eyat mi esit ke kpukpru utom ubɔk mmɔ; oro esin iyaresit mi asak ye ebiet emi, idinyuŋ inimeke.

2 NDIDEM 23:26

Edi Jehovah ikabakede ikpɔŋ ikaŋ akwa iyaresit esie, emi enye ayatde esit ye Judah, abaŋa kpukpru eriyat oro Manasseh akadade ayat enye.

2 NDIDEM 24:1

KE eyo esie Nebuchadnezzar edidem Babylon ɔdɔk edi, ndien Jehoiakim akabare edi owo esie ke isua ita, ndien akabare ɔsɔŋ ibuot ye enye.

2 NDIDEM 24:3

Ŋkɔm osu ntre ɔnɔ Judah ke uyo Jehovah, man enye emen mmɔ ke iso esie efep, abaŋa mme idiɔk ido Manasseh, nte enye akanamde kpukpru;

2 CHRONICLES 36:13

Enye onyuŋ ɔsɔŋ ibuot ye edidem Nebuchadnezzar, emi akanamde enye otomo Abasi: enye onyuŋ ɔsɔŋ obot-itɔŋ esie, onyuŋ ɔsɔŋ esit esie, ete ikufiak itiene Jehovah Abasi Israel.

ŊWED MME PSALM 51:11

Kumen mi ke iso fo uduɔk; kunyuŋ ubɔ mi edisana spirit fo.

JEREMIAH 37:2

Edi enye ye ikɔt esie ye mbiobio ikopke uyo Jehovah oro enye ɔkɔdɔhɔde ke inua Jeremiah prophet.

JEREMIAH 52:3

Koro osude ntre ye Jerusalem ye Judah abaŋa iyaresit Jehovah, tutu enye emen mmɔ ke iso esie ɔduɔk. Ndien Zedekiah ɔsɔŋ ibuot ye edidem Babylon.

EZEKIEL 17:12

Dɔhɔ ndien ufɔk nsɔŋ-ibuot, ete, Nte mbufo ifiɔkke se ŋkpɔ emi edide? Dɔhɔ, ete, Sese, edidem Babylon okosim Jerusalem, okonyuŋ ada edidem esie ye mbɔŋ esie, onyuŋ emen mmɔ ke idemesie ɔnyɔŋ ke Babylon;

EZEKIEL 19:14

Ndien ikaŋ omoto ke esaŋ ŋkɔk esie, amata mfri esie, ŋkpɔsɔŋ esaŋ ke eke mmɔnyɔ ɔbɔŋ inyuŋ iduhe enye ke esit. Emi edi eseme, eyenyuŋ edi se edisemede.

1 ŊWED CORINTH 1:20

Enye owo eti ibuot? Enye andiwet ŋwed? Enye eneni eneni eyo emi? Nte Abasi ikanamke ifiɔk mbon ererimbot emi akabare edi ndisime?

DEUTERONOMY 2:30

Ndien Sihon ɔbɔŋ Heshbon ikonyimeke ndiyak nnyin isaŋa ibe enye: koro Jehovah Abasi fo ɔkɔsɔŋde enye ibuot, onyuŋ anamde esit esie edi itun, ete ida enye isin fi ke ubɔk, kpa nte edide mfin emi.

DEUTERONOMY 29:27

ndien Jehovah obumere iyaresit ye isɔŋ emi, onyuŋ esin kpukpru mme idiɔk-ŋkpɔ emi ewetde ke ŋwed emi etiene enye;

DEUTERONOMY 4:24

Koro Jehovah Abasi fo edide edisak ikaŋ ye Abasi ufup.