2 NDIDEM 24:14 - Edisana ñwed Abasi Ibom

¹⁴ Enye onyuŋ ataŋ ofuri Jerusalem, ye kpukpru ikpɔ owo, ye kpukpru mbon-uko efep, kpa tɔsin mbuot-ekɔŋ duop, ye kpukpru mbon-usɔ, ye mme odom-utim: isuhɔke baba kiet ke mibɔhɔke nditɔ ubuene ke isɔŋ.

2 NDIDEM 24:14 ပူးပေါင်းရင်းမြစ်များ

2 NDIDEM 24:16

Ye kpukpru mbon-inyene, kpa tɔsin owo itiaba, ye mme anam-usɔ, ye mme odom utim, tɔsin owo, kpukpru mbon-uko emi eŋwanade ekɔŋ, kpa mmɔ ke edidem Babylon ataŋ ɔnyɔŋ ke Babylon.

2 NDIDEM 25:12

Edi etubom mbon-ukpeme ɔkpɔŋ mbon-ubuene isɔŋ, onim ke mme ɔdiɔŋ vine ye mme ofuŋ-isɔŋ.

1 CHRONICLES 9:1

NTEM ke ebat ofuri Israel esin ke ŋwed emana; ndien, sese, ewet mmɔ esin ke ŋwed ndidem Israel; ndien etaŋ Judah enyɔŋ ke Babylon ebaŋa mme idiɔk ido mmɔ.

EZRA 2:1

NDIEN mme mmɔ emi edi nditɔ province emi etode ke mbon ntaŋ-mfep oro Nebuchadnezzar edidem Babylon akataŋde ɔnyɔŋ ke Babylon, edɔk edi, ndien efiak ke Jerusalem ye Judah, kpukpru owo ke obio mmɔ;

NEHEMIAH 1:2

Ndien Hanani, owo nditɔ-ete mi kiet, oto edi, ye ndusuk nditɔ Judah, ndien mbup mmɔ mbaŋa mme Jew oro ekebɔhɔde, emi esuhɔde ke otu mmɔ oro eketode ke itie ntaŋ-mfep, nnyuŋ mbup mbaŋa Jerusalem.

ESTHER 2:6

emi eketaŋde efep ke Jerusalem ye mbon ntaŋ-mfep oro eketaŋde efep ye Jeconiah edidem Judah, emi Nebuchadnezar edidem Babylon akataŋde efep.

ISAIAH 3:2

owo uko, ye owo ekɔŋ, ye ebierikpe ye prophet, ye abia-idiɔŋ, ye ebio-owo,

JEREMIAH 27:20

emi Nebuchadnezzar edidem Babylon mikemenke ifep, ke ini oro enye akataŋde Jeconiah eyen Jehoiakim edidem Judah, ke Jerusalem ɔnyɔŋ ke Babylon, ye kpukpru mbɔŋ Judah, ye Jerusalem:

JEREMIAH 28:4

Jehovah onyuŋ ɔdɔhɔ, ete, Ami nyeda Jeconiah eyen Jehoiakim edidem Judah, ye ofuri Judah emi eketaŋde efep enyɔŋ ke Babylon, mfiak ndi ke ebiet emi: Koro nyebuŋ ɔkpɔnɔ edidem Babylon.

JEREMIAH 29:2

(ke Jeconiah edidem, ye ɔbɔŋ-aŋwan, ye mme eunuch, mbɔŋ Judah ye Jerusalem, ye mbon-usɔ, ye mme odom-utim ewɔŋɔde ke Jerusalem ema:)

JEREMIAH 39:10

Ndien Nebuzaradan etubom mme andikpeme edidem ayak ndusuk mbon ubuene eke minyeneke baba ŋkpɔ kiet ɔkpɔŋ ke isɔŋ Judah, onyuŋ ɔnɔ mmɔ iŋwaŋ vine ye iŋwaŋ ke ini oro.

JEREMIAH 40:7

Ekem kpukpru mme etubom mbon-ekɔŋ emi edude ke iŋwaŋ mmɔ ye ikɔt mmɔ edikop, ete ke edidem Babylon okonim Gedaliah eyen Ahikam ke etubom ke isɔŋ, okonyuŋ ada iren-owo, ye iban ye nditɔwɔŋ, ye ndusuk mbon ubuene, ubak mmɔ emi miketaŋke ifep ika Babylon, onim ye enye;

JEREMIAH 52:16

Nebuzaradan etubom mbon ukpeme edidem onyuŋ osuhɔ ndusuk mme ubuene nditɔ obio, ete edi mbon iŋwaŋ-vine ye mme ofuŋ-isɔŋ.

JEREMIAH 52:28

Mme mmɔ emi edi mmɔ oro Nebuchadrezzar akataŋde efep: ke ɔyɔhɔ isua itiaba, tɔsin Jew ita ye owo edip ye ita:

EZEKIEL 17:14

man ubɔŋ ɔsuhɔre, man ekumenere idem esie ke enyɔŋ, edi onim ediomi esie man enye ɔsɔŋ ada.

EZEKIEL 17:3

Ntem ke Ɔbɔŋ Jehovah ɔdɔhɔ ete, Akwa ntrukpom emi mba okponide, ntaŋ mba enyuŋ eniɔŋide, ntaŋ enyuŋ eyɔhɔde enye ke idem, emi ewerede nsio-nsio, aka Lebanon akada nsom cedar:

MATTHEW 1:11

Amon obon Josiah; Josiah onyuŋ obon Jechoniah ye nditɔ-ete esie, ke ini emi etaŋde nmɔ eka ke Babylon.

MATTHEW 1:12

Ndien ke ema eketaŋ mmɔ eka ke Babylon, Jechoniah obon Shealtiel; Shealtiel obon Zerubabbel;

MATTHEW 1:17

Ntem ɔtɔŋɔde ke Abraham tutu osim David kpukpru emana edi emana duopenaŋ; onyuŋ ɔtɔŋɔde ke David tutu osim ini emi etaŋde mmɔ eka Babylon edi emana duopenaŋ; onyuŋ ɔtɔŋɔde ke ini emi etaŋde mmɔ eka Babylon tutu osim Christ edi emana duopenaŋ;

DEUTERONOMY 28:36

Jehovah eyeda fi, ye edidem fo eke afo edinimde ke idem fo, aka idut eke afo ye mme usɔ mikɔfiɔkke; ndien do ke afo edinam ŋkpɔ mme abasi efen, eke eto ye itiat.

1 SAMUEL 13:19

Ndien baba odom-utim kiet iduhe ke ofuri isɔŋ Israel: koro mme Philistine edɔhɔde ete, Mbak mme Hebrew enam ofut ye eduat: