2 NDIDEM 23:4 - Edisana ñwed Abasi Ibom

⁴ Ndien edidem owuk Hilkiah akwa oku, ye mme oku udiana-akpa udim, ye mme andikpeme enyin-usuŋ, ete esio kpukpru mkpoduoho oro ekenamde enɔ Baal, ye Asherah, ye ofuri udim enyɔŋ, ke ufɔk Jehovah efep: ndien enye ɔfɔp mmɔ ke edem Jerusalem ke iŋwaŋ Kidron, ndien ada ntɔŋ mmɔ aka ke Beth-el

2 NDIDEM 23:4 ပူးပေါင်းရင်းမြစ်များ

2 SAMUEL 15:23

Ofuri obio enyuŋ etua ke ɔkpɔsɔŋ uyo; kpukpru owo enyuŋ esaŋa ebe edidem ŋko ebe ebedeŋ Kidron, kpukpru owo enyuŋ ebe, eka edem wilderness.

1 NDIDEM 12:29

Ndien enye ada kiet onim ke Bethel, onyuŋ onim kiet eken ke Dan.

1 NDIDEM 15:13

Enye onyuŋ osio Maacah eka esie ke itie ɔbɔŋ aŋwan efep, koro enye akanamde mbiet ɔnɔ Ashtoreth: ndien Asa asai mbiet esie mbai-mbai, onyuŋ ɔfɔp enye ke ebedeŋ Kidron.

1 NDIDEM 16:31

Edikem, (nte erisaŋa emi enye asaŋade ke mme idiɔk ido Jeroboam eyen Nebat edi ekpri ŋkpɔ), enye onyuŋ ada Jezebel eyen Ethbaal edidem mme Zidonian ɔdɔ, onyuŋ aka akanam ŋkpɔ Baal, onyuŋ atuak ibuot ɔnɔ enye.

1 NDIDEM 18:19

Kam dɔŋ ekebon ofuri Israel enɔ mi ke obot Carmel, ye mme prophet Baal ikie inaŋ ye aba ye duop, ye mme prophet Asherah owo ikie inaŋ emi ediade ŋkpɔ ke okpokoro Jezebel.

1 NDIDEM 18:26

Ntre ke mmɔ eda enaŋ oro ekenɔde mmɔ, enyuŋ ediɔŋ enye, ndien efiori ekot enyiŋ Baal, ɔtɔŋɔde ke usenubɔk tutu osim ufɔt uwemeyo, ete, O Baal, yere nnyin. Edi baba uyo kiet iduhe, baba owo kiet eke eyerede inyuŋ iduhe. Ndien mmɔ enek unek ekan itie-uwa oro mmɔ ekenamde ekuk.

1 NDIDEM 18:40

Ndien Elijah ɔdɔhɔ ete, Mbufo emum mme prophet Baal; ekuyak baba owo mmɔ kiet ɔbɔhɔ. Ndien mmɔ emum mmɔ: Elijah onyuŋ ada mmɔ ɔsuhɔre ke akpa Kishon, onyuŋ owot mmɔ do.

1 NDIDEM 19:18

Edi mma nsuhɔ tɔsin owo itiaba ke Israel nnɔ idem mi, kpukpru mme edɔŋ eke mikenuhɔke inɔ Baal, ye kpukpru mme inua eke miketimke enye.

2 NDIDEM 10:26

Ndien mmɔ eduk ke ɔkpɔsɔŋ ebiet ufɔk Baal; ekesioŋo mbio-eto ufɔk Baal, efɔp;

2 NDIDEM 12:10

Edikem adaŋemi mmɔ ekutde ete ke silver awak ke ekebe oro, andiwet ŋwed edidem ye akamba oku edɔk, ekeda enye ebɔp ke ekpat, enyuŋ ebat silver oro mmɔ ekutde ke ufɔk Jehovah.

2 NDIDEM 17:16

Edi mmɔ ekpɔŋ kpukpru ibet Jehovah Abasi mmɔ, enyuŋ enam editara mbiet ke idem mmɔ, kpa nditɔ-enaŋ iba, enyuŋ enam eto-mkpe, enyuŋ ebɔŋ akam enɔ ofuri udim enyɔŋ, enyuŋ enam ŋkpɔ Baal.

2 NDIDEM 21:3

Koro enye ɔtɔŋɔde ntak ɔbɔp mme edikoŋ ebiet oro Hezekiah ete esie okowuride; onyuŋ anam itie-uwa ɔnɔ Baal, onyuŋ anam edisɔi ŋkpɔ Asherah, kpa nte Ahab edidem Israel akanamde; onyuŋ atuak ibuot ɔnɔ ofuri udim-enyɔŋ, onyuŋ anam ŋkpɔ mmɔ.

2 NDIDEM 21:5

Ntre ke enye anam itie-uwa ɔnɔ ofuri udim-enyɔŋ ke esien mbiba ke ufɔk Jehovah.

2 NDIDEM 21:7

Onyuŋ ada edisɔi ŋkpɔ Asherah oro enye akanamde, onim ke ufɔk oro Jehovah ɔkɔdɔhɔde David ye Solomon eyen esie, ete, Nyenim enyiŋ mi ke nsinsi ke ufɔk emi, ye ke Jerusalem emi mmekde ke otu kpukpru esien Israel.

2 NDIDEM 22:4

ete, Dɔk ke ɔtɔ Hilkiah akwa oku, ete enye ɔnɔ silver emi edade esɔk ufɔk Jehovah, emi mme ekpeme-inua-otop ebɔde mbio-obio ebon:

2 NDIDEM 23:12

Edidem onyuŋ owuri mme itie-uwa oro edude ke ɔkɔm ubet enyɔŋ Ahaz, emi ndidem Judah ekenamde, ye mme itie-uwa oro Manasseh akanamde esin ke esien mbiba ke ufɔk Jehovah, onyuŋ osio mmɔ ke ebiet oro, anuak emem, ada ɔkɔduɔk ke ebedeŋ Kidron.

2 NDIDEM 23:15

Ndien ŋko ama edi itie-uwa oro odude ke Beth-el, ye edikoŋ ebiet oro Jeroboam eyen Nebat, emi ekesinde Israel ediɔk, akanamde, kpasuk itie-uwa oro ye edikoŋ ebiet oro ke enye okowuri, onyuŋ ɔfɔp edikoŋ ebiet oro, onyuŋ anuak enye emem, onyuŋ ɔfɔp eto-mkpe.

2 NDIDEM 25:18

Etubom mbon ukpeme onyuŋ ada Seraiah akwa oku, ye Zephaniah, adiana-akpa oku, ye mme andikpeme - usuŋ ita:

2 CHRONICLES 15:16

Ndien ŋko enye osio Maacah eka Asa edidem ke itie ubɔŋ efep, koro enye akanamde ibɔk ɔnɔ Asherah: ndien Asa asiak ibɔk esie, anuak, onyuŋ ɔfɔp enye ke ebedeŋ Kidron.

2 CHRONICLES 33:3

Ndien enye ɔtɔŋɔ ntak ɔbɔp mme edikoŋ ebiet oro Hezekiah ete esie okowuride, onyuŋ ɔdiɔŋ itie-uwa ɔnɔ Baalim, onyuŋ anam mbiet Asheroth, onyuŋ atuak ibuot ɔnɔ ofuri udim enyɔŋ, onyuŋ anam ŋkpɔ mmɔ.

2 CHRONICLES 33:7

Enye onyuŋ ada edisɔi mbiet ŋkpɔ oro enye akanamde, eneŋere onim ke ufɔk Abasi oro Abasi ɔkɔdɔhɔde David ye Solomon eyen esie, ete, Ke ufɔk emi ye ke Jerusalem emi mmekde ke otu kpukpru esien Israel, ke ndisin enyiŋ mi ke nsinsi:

ISAIAH 27:9

Mmɔdo emi osiode isop Jacob; emi onyuŋ edi ofuri mfri, ke emen idiɔk ido esie efep; ke enye onimde mme itiat itie-uwa nte itiat ndom eke enuakde mbai-mbai, mme eto-mkpe ye mbiet utin ididaha aba.

JEREMIAH 52:24

Ndien etubom mbon-ukpeme edidem ada Seraiah akpan oku ye Zephaniah udiana oku, ye mme etie usuŋ mbita:

JEREMIAH 7:9

Nte mbufo eyip inɔ, ewot owo, enyuŋ esin efibe, enyuŋ etomo Abasi ke nsu, enyuŋ efɔp ŋkpɔ enɔ Baal, enyuŋ etiene abasi efen eke mbufo mikefiɔkke,

EZEKIEL 8:6

Ndien enye ɔdɔhɔ mi, ete, Eyen owo, nte afo omokut se mmɔ enamde? ikpɔ mbubiam ŋkpɔ emi ufɔk Israel enamde mi, man ŋkpɔŋ edisana ebiet mi anyan usuŋ? edi tɔŋɔ ntak kabare, ndien afo eyekut ikpɔ mbubiam ŋkpɔ efen.

HOSEA 4:15

Edieke afo Israel edide akpara, Judah okukam edue; mbufo ekunyuŋ edi ke Gilgal, ekunyuŋ edɔk eka ke Beth-aven, ekunyuŋ etomo, ete, Ma uwem Jehovah.

AMOS 4:4

Mbufo edi ke Bethel enam idiɔk; enyuŋ enam ediwak mme idiɔk ido ke Gilgal; enyuŋ eda uwa mbufo ke usenubɔk edi, ye ɔyɔhɔ mbak duop mbufo ke isua ita:

ZEPHANIAH 1:4

Nyenyuŋ nnyan ubɔk mi ndori Judah ke idem, ye kpukpru mme andiduŋ Jerusalem; nnyuŋ nsibe ikɔt Baal emi esuhɔde mfep ke ebiet emi, ŋkɔrɔ ye enyiŋ mme Chemarim ye mme oku;

MATTHEW 26:3

Ekem ikpɔ oku ye mbiowo obio ebono ɔtɔ kiet ke esit okure akwa oku mi ekerede Caiaphas;

MATTHEW 27:1

EDI ke ini eyo esierede, kpukpru ikpɔ oku ye mbiowo obio eduk ediomi ebaŋa Jesus, ete iwot Enye:

JOHN 18:1

KE Jesus ama eketiŋ ikɔ emi, Enye asaŋa ye mbet Esie ɔwɔrɔ ekebe ke ɔwɔwɔ Kidron, okosim ebiet emi iŋwaŋ mfri odude; ndien Enye oduk ke esit ye mbet Esie.

JUDGES 2:13

Ntem ke mmɔ ekpɔŋ Jehovah, enyuŋ enam ŋkpɔ Baal ye Ashtaroth.