2 NDIDEM 23:30 - Edisana ñwed Abasi Ibom

³⁰ Ndien ikɔt esie edori okpo esie ke chariot ke Megiddo, ebiom edi ke Jerusalem, edibuk enye ke udi esiemɔ: ndien mbio-obio eda Jehoahaz eyen Josiah, eyet enye aran, enim enye ke itie ete esie.

2 NDIDEM 23:30 ပူးပေါင်းရင်းမြစ်များ

2 NDIDEM 14:21

Ndien kpukpru mbio Judah eda Azariah, emi edide isua efurekiet, enim enye ke edidem ke ibuot Amaziah ete esie.

2 NDIDEM 21:24

Ekem mbio-obio ewot kpukpru mmɔ oro ekedukde odu ebaŋa edidem Amon. Mbio-obio enyuŋ eda Josiah eyen esie, enim ke edidem ke itie esie.

2 NDIDEM 22:20

Mmɔdo, sese, nyeyak fi obono ye mme usɔ, eyenyuŋ emen fi esin ke udi ke ifure; enyin fo idinyuŋ ikwe kpukpru mme idiɔk-ŋkpɔ eke ami ndidade ntiene ebiet emi. Ndien mmɔ emen ikɔ oro, efiak eketiŋ enɔ edidem.

2 NDIDEM 9:28

Ekem ikɔt esie ebiom enye ke chariot esie, eda enye eka ke Jerusalem, enyuŋ ebuk enye ke udi esie ye mme ete esie ke obio David.

2 CHRONICLES 35:20

Ke ini kpukpru ŋkpɔ emi ema ekebe, ke adaŋemi Josiah ɔkɔdiɔŋde ufɔk oro, Neco edidem Egypt ɔdɔk ndiŋwana ekɔŋ ke Car-chemish ke mben Euphrates: ndien Josiah ɔwɔrɔ aka ɔkɔbiɔŋɔ enye.

2 CHRONICLES 35:24

Ndien ikɔt esie emen enye ke chariot oro efep edori ke udiana chariot emi enye enyenede: ndien mmɔ eda enye edi ke Jerusalem. Ntre ke enye akpa, onyuŋ ɔbuhɔ ke udi mme ete esie. Ofuri Judah ye Jerusalem enyuŋ etuaŋa Josiah.

JEREMIAH 22:10

Mbufo ekutuaŋa ebaŋa akpa-mkpa, ekunyuŋ eseme enye: etua eyet eti-eti ebaŋa owo eke edikade, koro enye midinyɔŋke aba, midinyuŋ ikwe aba obio emana esie.

JEREMIAH 22:11

Koro ntem ke Jehovah ɔdɔhɔ abaŋa Shallum, eyen Josiah edidem Judah, emi akadade ubɔŋ ke itie Josiah ete esie, emi okotode ke ebiet emi aka, enye idinyɔŋke aba idi:

EZEKIEL 19:1

AFO ŋko nyuŋ men eseme baŋa mbɔŋ Israel, Nyuŋ dɔhɔ, ete, Uka edi anie? Uman lion.