2 NDIDEM 23:3 - Edisana ñwed Abasi Ibom

³ Ndien edidem ada adiana adaha, onyuŋ anam ediomi ke iso Jehovah, ete iyetiene Jehovah, inyuŋ inim ibet esie, ye item esie, ye mme ewuhɔ esie, ke ofuri esit, ye ke ofuri ukpɔŋ, inyuŋ inam ikɔ ediomi emi ekewetde ke ŋwed emi. Ndien kpukpru owo eda ke ediomi.

2 NDIDEM 23:3 ပူးပေါင်းရင်းမြစ်များ

2 NDIDEM 11:14

Ndien ke ini enye okutde, sese, edidem ke ada adiana adaha, nte akam esinamde, mme etubom, ye mme andifuri ukorowo enyuŋ ekpere edidem; kpukpru mbio-obio enyuŋ edara, enyuŋ efuri ukorowo. Ndien Athaliah asiak ɔfɔŋ-idem esie, onyuŋ ofiori ete, Odu! Odu!

2 NDIDEM 11:17

Ndien Jehoiada anam ediomi ke ufɔt Jehovah ye edidem, ye mbio-obio ete mmɔ edi ikɔt Jehovah; enye onyuŋ anam ediomi ŋko ke ufɔt edidem ye mbio-obio.

2 CHRONICLES 15:15

Ndien ofuri Judah edat esit ebaŋa uŋwɔŋɔ oro: koro mmɔ ekeŋwɔŋɔde ke ofuri esit mmɔ, enyuŋ eyomde enye ke ofuri itɔŋ mmɔ; ndien mmɔ ekut enye; Jehovah onyuŋ anam mmɔ etie suŋ ke edem kpukpru.

2 CHRONICLES 23:13

Ndien ke enye okutde, sese, edidem ke ada ke ŋkaŋ adaha esie, ke ebiet eke edukde, mme etubom ye mme ukorowo enyuŋ eda edidem ke ŋkaŋ: kpukpru mbio-obio enyuŋ enam idara, enyuŋ efuri ukorowo, ye mme andikwɔ eke ekamade ŋkpɔ mbre, ye mmɔ eke etemede ndikwɔ itoro. Ndien Athaliah awai edisine-ŋkpɔ esie, ete, Odu! odu!

2 CHRONICLES 23:16

Ekem Jehoiada anam ediomi ke ufɔk idem esie, ye kpukpru mbio-obio, ye edidem, ete edi ikɔt Jehovah.

2 CHRONICLES 29:10

Ndien odu mi ke esit ndidiomi ye Jehovah Abasi Israel, man ikaŋ iyaresit esie ɔwɔŋɔre ɔkpɔŋ nnyin.

EZRA 10:3

Ke emi, ndien, yak nnyin idiomi ediomi ye Abasi nnyin, ite ke nnyin iyesioŋo kpukpru iban, ye nditɔ emi mmɔ emande, nte ekemde ke item ɔbɔŋ mi, ye ke eke mme mmɔ emi enyekde idem ebaŋa mbet Abasi nnyin; ndien yak enam ke ewuhɔ.

NEHEMIAH 10:1

NDIEN Nehemiah, Tirshatha, eyen Hacaliah, asaŋa ye mmɔ emi efikde ke ufik-ŋwed,

NEHEMIAH 5:13

Ndien nnyeŋe ikpanesit ɔfɔŋidem mi, nnyuŋ ndɔhɔ nte, Ntem ke Abasi edinyeŋe kpukpru owo eke midinamke ikɔ emi, osio ke ufɔk esie, ye ke ŋkpɔ-utom esie efep; ndien ntem ke edinyeŋe enye efep, enye eyenyuŋ edi ukpɔk. Ndien ofuri esop mmɔ edɔhɔ ete, Amen, enyuŋ etoro Jehovah. Kpukpru owo enyuŋ enam ke ikɔ emi.

NEHEMIAH 9:38

Ndien kpukpru ŋkpɔ emi esin nnyin idiomi ediomi, inyuŋ iwet; ndien mbɔŋ nnyin, ye mme Levite nnyin, ye mme oku nnyin, enyuŋ efik ke ufik-ŋwed mmɔ.

EXODUS 24:3

Ekem Moses emen kpukpru ikɔ Jehovah, ye kpukpru mme item emi, edi editiŋ ɔnɔ kpukpru owo: ndien kpukpru owo ebɔrɔ uyo kiet, ete, Nnyin iyenam kpukpru ikɔ emi Jehovah ɔkɔdɔhɔde.

ECCLESIASTES 8:2

Ami (ndɔhɔ nte): Nim uyo edidem, baŋa uŋwɔŋɔ Abasi!

JEREMIAH 34:15

Ndien mbufo ema ekabare mfin, ema enyuŋ enam se inende ke iso mi, enyuŋ ekwɔrɔ uwɔrɔ-ufin kpukpru kiet kiet enɔ mbɔhiduŋ mbufo; ema enyuŋ ediomi ediomi ke iso mi ke ufɔk emi ekerede enyiŋ mi:

JEREMIAH 34:8

Uyo emi okoto Jehovah osim Jeremiah ke adaŋemi edidem Zedekiah okodiomide ama ye kpukpru owo eke edude ke Jerusalem, ete ekwɔrɔ uwɔrɔ ufin enɔ mmɔ;

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

JEREMIAH 50:5

Mmɔ eyebup ebaŋa Zion, ekabare iso esin ke usuŋ eke akade do, ete, Mbufo edi ndien nnyin iyedian idem ye Jehovah, ke nsinsi ediomi eke midifreke.

DEUTERONOMY 10:12

Nso ŋkpɔ ndien, O Israel, ke Jehovah Abasi fo oyom ye afo, ke mibɔhɔke eribak Jehovah Abasi fo, nnyuŋ nsaŋa ke kpukpru usuŋ esie, nnyuŋ mma enye, nnyuŋ nnam ŋkpɔ Jehovah Abasi fo, ke ofuri esit fo, ye ke ofuri ukpɔŋ fo,

DEUTERONOMY 11:13

Ndien ama ekem, edieke mbufo edikopde kpukpru mbet mi, emi ami mbetde mbufo mfin emi, enyuŋ ema Jehovah Abasi mbufo, enyuŋ enam ŋkpɔ esie ke ofuri esit mbufo ye ke ofuri ukpɔŋ mbufo,

DEUTERONOMY 13:4

Mbufo etiene Jehovah Abasi mbufo, enyuŋ ebak enye, enyuŋ enim mbet esie, enyuŋ ekop uyo esie, enyuŋ enam ŋkpɔ esie, enyuŋ eyire ye enye.

DEUTERONOMY 29:1

MME mmɔ emi edi ikɔ ediomi Jehovah Abasi ɔkɔdɔhɔde Moses, ete, enye anam ye nditɔ Israel ke isɔŋ Moab, ɔkɔrɔ ye ediomi emi enye akanamde ye mmɔ ke Horeb.

DEUTERONOMY 4:45

mme mmɔ emi edi ikɔ ntiense, ye mme ewuhɔ, ye mme item, emi Moses eketiŋde ɔnɔ nditɔ Israel, ke mmɔ ema eketo ke Egypt ewɔrɔ;

DEUTERONOMY 6:1

NDIEN mme mmɔ emi edi mbet, ye mme ewuhɔ, ye mme item, emi Jehovah Abasi mbufo okowukde ete ŋkpep mbufo, kpaŋ mbufo ekpenam mmɔ ke isɔŋ emi mbufo eyomde ndibe ŋka do ŋkada enye nnyene:

DEUTERONOMY 6:5

ma ndien Abasi fo ke ofuri esit fo, ye ke ofuri ukpɔŋ fo, ye ke ofuri odudu fo.

DEUTERONOMY 8:19

Ndien ama ekem, edieke afo edifrede Jehovah Abasi fo, edinyuŋ etienede mme abasi eŋwen, onyuŋ anamde ido mmɔ, onyuŋ ɔnuhɔde ɔnɔ mmɔ, mmɔdɔhɔ mbaŋa mbufo mfin emi, nte ke edisobo mbufo tak-tak.

MME HEBREW 12:24

ye Jesus emi edide esine-ufɔt obufa ediomi, ye erisime iyip, eke etiŋde se ifɔnde ikan iyip Abel.

MME HEBREW 13:20

Ndien Abasi emem, emi akanamde akwa Ekpeme-erɔŋ asaŋa ye iyip nsinsi ediomi eset ke mkpa,