2 NDIDEM 23:12 - Edisana ñwed Abasi Ibom

¹² Edidem onyuŋ owuri mme itie-uwa oro edude ke ɔkɔm ubet enyɔŋ Ahaz, emi ndidem Judah ekenamde, ye mme itie-uwa oro Manasseh akanamde esin ke esien mbiba ke ufɔk Jehovah, onyuŋ osio mmɔ ke ebiet oro, anuak emem, ada ɔkɔduɔk ke ebedeŋ Kidron.

2 NDIDEM 23:12 ပူးပေါင်းရင်းမြစ်များ

1 NDIDEM 15:13

Enye onyuŋ osio Maacah eka esie ke itie ɔbɔŋ aŋwan efep, koro enye akanamde mbiet ɔnɔ Ashtoreth: ndien Asa asai mbiet esie mbai-mbai, onyuŋ ɔfɔp enye ke ebedeŋ Kidron.

2 NDIDEM 10:26

Ndien mmɔ eduk ke ɔkpɔsɔŋ ebiet ufɔk Baal; ekesioŋo mbio-eto ufɔk Baal, efɔp;

2 NDIDEM 21:4

Enye onyuŋ anam itie-uwa ke ufɔk Jehovah, emi Jehovah ɔkɔdɔhɔde, ete, Ke Jerusalem ke ndinim enyiŋ mi.

2 NDIDEM 21:5

Ntre ke enye anam itie-uwa ɔnɔ ofuri udim-enyɔŋ ke esien mbiba ke ufɔk Jehovah.

2 NDIDEM 23:4

Ndien edidem owuk Hilkiah akwa oku, ye mme oku udiana-akpa udim, ye mme andikpeme enyin-usuŋ, ete esio kpukpru mkpoduoho oro ekenamde enɔ Baal, ye Asherah, ye ofuri udim enyɔŋ, ke ufɔk Jehovah efep: ndien enye ɔfɔp mmɔ ke edem Jerusalem ke iŋwaŋ Kidron, ndien ada ntɔŋ mmɔ aka ke Beth-el

2 NDIDEM 23:6

Enye onyuŋ osio mbiet Asherah ke ufɔk Jehovah, ɔwɔrɔ ke edem Jerusalem aka ke ebedeŋ Kidron, ɔkɔfɔp enye ke ebedeŋ Kidron, onyuŋ anuak enye emem, ndien ada ntan esie asuan ke mme udi nditɔ mbio-obio.

2 CHRONICLES 15:16

Ndien ŋko enye osio Maacah eka Asa edidem ke itie ubɔŋ efep, koro enye akanamde ibɔk ɔnɔ Asherah: ndien Asa asiak ibɔk esie, anuak, onyuŋ ɔfɔp enye ke ebedeŋ Kidron.

2 CHRONICLES 33:15

Ndien enye osioŋo isen abasi ye mbiet-ŋkpɔ efep ke ufɔk Jehovah, ye kpukpru mme-itie-uwa oro enye akanamde ke obot ufɔk Jehovah, ye ke Jerusalem, ndien ada mmɔ ɔduɔk ke edem obio.

2 CHRONICLES 33:5

Enye onyuŋ anam itie-uwa ɔnɔ ofuri udim-enyɔŋ ke okure ufɔk Jehovah mbiba.

JEREMIAH 19:13

ndien ufɔk Jerusalem, ye ufɔk ndidem Judah eyebiet ebiet Topheth, edi edidehe, kpa kpukpru ufɔk eke efɔpde ŋkpɔ ke enyɔŋ ɔkɔm mmɔ enɔ ofuri udim enyɔŋ, enyuŋ eŋwaŋade ediŋwɔŋ uwa enɔ abasi efen.

JEREMIAH 31:40

Ndien ofuri ebedeŋ mme okpo ye eke ntɔŋ, ye ofuri ntaŋwaŋ ebiet tutu osim ebedeŋ Kidron, ye inuk inua-otop mme horse, ke edem usiakha-utin, eyedi edisana ebiet Jehovah; ididibekede enye, enye idinyuŋ ibiarake aba ke nsinsi.

ZEPHANIAH 1:4

Nyenyuŋ nnyan ubɔk mi ndori Judah ke idem, ye kpukpru mme andiduŋ Jerusalem; nnyuŋ nsibe ikɔt Baal emi esuhɔde mfep ke ebiet emi, ŋkɔrɔ ye enyiŋ mme Chemarim ye mme oku;

ZEPHANIAH 1:5

ye mmɔ eke etuakde ibuot enɔ mbon ikpa-enyɔŋ ke enyɔŋ ɔkɔm ufɔk; ye mmɔ eke etuakde ibuot enyuŋ eŋwɔŋɔde enɔ Jehovah, enyuŋ eŋwɔŋɔde enɔ Malcam;

DEUTERONOMY 22:8

Ke adaŋemi afo edibɔpde obufa ufɔk, nam ɔkɔ ke ɔkɔm fo kanade kuk, mbak afo edida iyip odori ufɔk fo, ke owo ekededi editode ke esit ɔduɔ ke isɔŋ.