2 NDIDEM 22:20 - Edisana ñwed Abasi Ibom

²⁰ Mmɔdo, sese, nyeyak fi obono ye mme usɔ, eyenyuŋ emen fi esin ke udi ke ifure; enyin fo idinyuŋ ikwe kpukpru mme idiɔk-ŋkpɔ eke ami ndidade ntiene ebiet emi. Ndien mmɔ emen ikɔ oro, efiak eketiŋ enɔ edidem.

2 NDIDEM 22:20 ပူးပေါင်းရင်းမြစ်များ

GENESIS 25:8

Ndien Abraham ɔsuhɔre onyuŋ akpa ke ata usɔŋ, akani, onyuŋ ɔyuhɔ, ndien enye obono ye oruk esie.

2 NDIDEM 20:19

Ndien Hezekiah ɔdɔhɔ Isaiah, ete, Uyo Jehovah emi afo ɔdɔhɔde ɔfɔn. Enye onyuŋ ɔdɔhɔ, ete, Ŋkɔm emem ye akpanikɔ eyedu ke ini mi?

1 CHRONICLES 17:11

Ama ekem ke osimde usen emi afo editienede mme usɔ, nyenam ubon fo emi editode ke nditɔ-iren fo, etiene fi edem adaha da; nyenyuŋ nnam ubɔŋ esie ɔsɔŋ ada.

2 CHRONICLES 34:28

Ami, ŋko mmokop. Sese, ami nyemen fi ŋkonim ye mme usɔ, eyenyuŋ enim fi ke udi fo ke ifure, enyin fo idinyuŋ ikwe kpukpru ŋkpɔ emi ndidade ntiene ebiet emi, ye mme andiduŋ ke esit. Ndien mmɔ eda ikɔ efiak eketiŋ enɔ edidem.

ŊWED MME PSALM 37:37

Tiŋ enyin ke owo eke ɔfɔnde ama, nyuŋ se edinen owo: koro (eti) utit anade ɔnɔ owo emem.

JEREMIAH 22:10

Mbufo ekutuaŋa ebaŋa akpa-mkpa, ekunyuŋ eseme enye: etua eyet eti-eti ebaŋa owo eke edikade, koro enye midinyɔŋke aba, midinyuŋ ikwe aba obio emana esie.

DEUTERONOMY 31:16

Ndien Jehovah ɔdɔhɔ Moses, ete, Sese, afo ɔmɔŋ edina ye mme usɔ; ndien mbio emi eyedaha ke enyɔŋ eketieŋe mme isen abasi mme idut emi mmɔ ekade do ndi duk ke otu mmɔ, eyenyuŋ ekpɔŋ mi, enyuŋ ebiat ediomi mi emi nnamde ye mmɔ.